Share on Social Media


ஹைலைட்ஸ்:

  • சிங்கப்பூரில் கடந்த சில வாரங்களாக படிப்படியாக குறையும் கொரோனா பாதிப்புகள்
  • வரும் 22ஆம் தேதி முதல் கட்டுப்பாடுகள் தளர்த்தப்படும் என்று அரசு அறிவிப்பு
  • டிசம்பர் மாதம் வரை நிலைமை தொடர்ந்து கண்காணிக்கப்படும் என்று தகவல்

சிங்கப்பூர் நாட்டில் கடந்த ஆண்டு ஏப்ரல் முதல் ஆகஸ்ட் வரை கொரோனா பரவலின் முதல் அலை நீடித்தது. இதையடுத்து நிலைமை கட்டுக்குள் வந்தது. உலகின் பல்வேறு நாடுகளில் இரண்டாவது, மூன்றாவது, நான்காவது அலை என வைரஸ் தொற்று அதிர்ச்சியூட்டியது. ஆனால் சிங்கப்பூரில் சுமார் ஓராண்டாக நோய்த்தொற்று கட்டுப்பாட்டிற்குள் இருந்தது. இந்த சூழலில் கடந்த ஆகஸ்ட் மாத இறுதியில் இரண்டாவது அலை ஆரம்பித்தது. அடுத்த சில வாரங்களில் புதிய பாதிப்புகள் கிடுகிடுவென அதிகரித்தன. புதிய உச்சமாக தினசரி தொற்று 5 ஆயிரத்தை தாண்டி கொரோனா பாதிப்பு சென்றது.

உடனே நாடு தழுவிய அளவில் கடும் கட்டுப்பாடுகள் விதிக்கப்பட்டன. வெளிநாடுகளில் இருந்து வருவோருக்கும் பல்வேறு கட்டுப்பாடுகள் அமல்படுத்தப்பட்டன. முகக்கவசம், சரீர இடைவெளி உள்ளிட்டவை தீவிரப்படுத்தப்பட்டன. தற்போது தினசரி தொற்று படிப்படியாக குறைந்து வருகிறது. இதனை கருத்தில் கொண்டு வரும் திங்கள் (நவம்பர் 22) முதல் கட்டுப்பாடுகள் தளர்த்தப்படும் என்று அந்நாட்டு அரசு அறிவித்துள்ளது.
நவ. 22 முதல் மீண்டும் முழு ஊரடங்கு: அரசு அதிரடி அறிவிப்பு!
அதன்படி, பொது இடங்களில் அதிகபட்சமாக 5 பேர் வரை ஒன்று கூடலாம். தற்போது இரண்டு தடுப்பூசி போட்டுக் கொண்ட இரண்டு பேர் மட்டும் ஒன்றாக பொது இடங்களுக்கு செல்லலாம் என்ற கட்டுப்பாடு அமலில் இருக்கிறது. இதுதொடர்பாக பேசிய சிங்கப்பூர் வர்த்தக மற்றும் தொழிற்துறை அமைச்சர் கன் கிம் யாங், தற்போது நாம் கொரோனா தொற்றுடன் வாழப் பழகிக் கொண்டோம்.

இதனால் விரைவாக தளர்வுகளை அறிவிக்க வேண்டும் என்று வலியுறுத்தியுள்ளனர். ஆனால் மிகவும் எச்சரிக்கையாகவும், படிப்படியாகவும் தளர்வுகள் அறிவிக்கப்படும். நிலைமை தொடர்ந்து கண்காணிக்கப்படும். அதற்கேற்ப அரசின் நடவடிக்கைகள் இருக்கும். நாட்டின் ஒட்டுமொத்த பாதிப்பு எண்ணிக்கை மற்றும் மருத்துவமனைகளில் சூழல் மேம்பட்டுள்ளது என்றார்.

அம்மா உணவகத்தில் கலைஞர்: மதுரையில் பரபரப்பு!

மேலும் நிதித்துறை அமைச்சர் லாரன்ஸ் வோங் கூறுகையில், அடுத்த சில வாரங்களுக்கு கொரோனா நிலைமை தொடர்ந்து கண்காணிக்கப்படும். ஒட்டுமொத்தமாக நிலைமை கட்டுக்குள் வரட்டும். நமது சுகாதாரத்துறை கட்டமைப்புகள் சீராக இயங்கி வருகின்றன. வரும் டிசம்பர் இறுதி வரை படிப்படியாக நடவடிக்கைகள் எடுக்கப்படும் என்று தெரிவித்தார்.



Source link

Share on Social Media

Leave a Reply

Your email address will not be published. Required fields are marked *