Share on Social Media


ஹைலைட்ஸ்:

  • ஏராளமானோருக்கு டெல்டா வைரஸ் பாதிப்பு
  • சிங்கப்பூருக்கு புதிய அச்சுறுத்தல்

இந்தியாவில் கொரோனா இரண்டாம் அலையால் மிகப்பெரிய அளவில் பாதிப்பும், சுகாதார நெருக்கடியும் ஏற்பட்டது. இவ்வளவு நெருக்கடிக்கும் இந்தியாவில் உருமாறிய கொரோனா வைரஸ் காரணம் என்று கூறப்படுகிறது. இந்த கொரோனாவுக்கு டெல்டா வைரஸ் என பெயர் சூட்டப்பட்டுள்ளது.

இந்த டெல்டா வைரஸ் பல்வேறு உலக நாடுகளுக்கு பரவியுள்ளது. பிரிட்டனில் ஊரடங்கு தளர்வு செய்யப்பட இருந்த நிலையில் டெல்டா வைரஸ் பரவி பெரும் நெருக்கடியை ஏற்படுத்தியுள்ளது. இதேபோல் சிங்கப்பூரிலும் புது சிக்கல் உருவாகியுள்ளது.

சிங்கப்பூரில் கொரோனாவால் பாதிக்கப்பட்ட நபர்களில் பெரும்பாலானோருக்கு டெல்டா வைரஸ் பாதிப்பு இருப்பது தெரியவந்துள்ளது. இதனால்தான் அங்கு கொரோனா பரவல் மிக வேகமாக அதிகரித்து வருவதாக கூறப்படுகிறது.

கொரோனா வார்டில் தீவிபத்து.. நோயாளிகள் பரிதாபமாக பலி!
மே மாதத்திலேயே டெல்டா வைரஸ் சிங்கப்பூரில் பரவத் தொடங்கிவிட்டதாக அந்நாட்டு அதிகாரிகள் தெரிவித்துள்ளனர். சிங்கப்பூரில் மே 31 நிலவரப்படி ஆபத்தான கொரோனா வேரியண்டுகளால் பாதிக்கப்பட்டோரின் எண்ணிக்கை 449. இதில் 428 பேர் டெல்டா வைரஸால் பாதிக்கப்பட்டவர்கள்.

ஏற்கெனவே டெல்டா வைரஸால் பலர் பாதிக்கப்பட்டுள்ளதாலும், இந்த வைரஸ் மிக வேகமாக பரவக்கூடியது என்பதாலும் சிங்கப்பூருக்கு அச்சுறுத்தல் அதிகரித்துள்ளது. இதே நெருக்கடியான சூழலை பிரிட்டனும் சந்தித்து வருவது குறிப்பிடத்தக்கது.



Source link

Share on Social Media

Leave a Reply

Your email address will not be published. Required fields are marked *