Share on Social Media


ஹைலைட்ஸ்:

  • ஓமைக்ரான் உலக நாடுகளில் பரவி வருகிறது.
  • சிங்கப்பூர் அரசு நிலையை உன்னிப்பாக கவனித்து வருகிறது.
  • பீதி அடையத் தேவையில்லை என்றும் டாக்டர்கள் கருத்து.

ஓமைக்ரானைப் பார்த்து பல்வேறு உலக நாடுகளும் பீதியில் மூழகியிருக்கும் நிலையில் சிங்கப்பூர் மட்டும் நிதானம் காத்து வருகிறது. வந்தால் பார்த்துக் கொள்ளலாம் என்ற மனப்பான்மையில் அந்த நாட்டு அரசு இருக்கிறதாம்.

தென் ஆப்பிரிக்காவில் கண்டுபிடிக்கப்பட்டு தற்போது பல்வேறு நாடுகளுக்கும் பரவிக் கொண்டிருக்கிறது ஓமைக்ரான் வைரஸ். இதனால் பல்வேறு நாடுகளும் ஆயத்த நடவடிக்கைகளில் இறங்கியுள்ளன. பல்வேறு கட்டுப்பாடுகளை போட ஆரம்பித்துள்ளன. ஆனால் சிங்கப்பூர் அரசு நேர்மாறாக இருக்கிறது.

அவசரப்பட்டு பீதி அடையத் தேவையில்லை. நிதானமாக முடிவெடுக்கலாம் என்ற மன நிலையில் இருக்கிறதாம் சிங்கப்பூர் அரசு. இப்போதுதான் படிப்படியாக பல்வேறு தளர்வுகளை அறிவித்து வருகிறது சிங்கப்பூர் அரசு. இந்த நிலையில் ஓமைக்ரானைக் காரணம் காட்டி மீண்டும் குழப்ப நிலையை உருவாக்க அரசு விரும்பவில்லையாம். அதற்குப் பதில் நிலைமையை உன்னிப்பாக கவனித்து அதற்கேற்ப நடவடிக்கை எடுக்க சிங்கப்பூர் அரசு திட்டமிட்டுள்ளதாம்.

வெளிநாடுகளிலிருந்து வருவோருக்கு கொரோனா சோதனையை கட்டாயப்படுத்தியுள்ளது சிங்கப்பூர் அரசு. வெளிநாடு செல்வோருக்கான கட்டுப்பாடுகளை தளர்த்தியிருந்த நிலையில், தற்போது அதை மட்டும் நிறுத்தி வைத்து கட்டுப்பாடுகளை மறுபடியும் அதிகரித்துள்ளது.

சிங்கப்பூர் டியூக் எம்யூஎஸ் மருத்துவப் பள்ளியின் தொற்றுநோய் பிரிவு உதவி பேராசிரியர் ஆஷ்லே செயின்ட் ஜான் கூறுகையில், பீதி ஏற்படுத்தக் கூடிய வகையிலான வைரஸாக இது தெரியவில்லை. எனவே நிலைமையை உன்னிப்பாக கவனித்து வருகிறோம். நிதானமாகத்தான் முடிவெடுக்க வேண்டும். பயணக் கட்டுப்பாடு உள்ளிட்டவற்றால் மட்டுமே இதை தடுத்து விட முடியும் என்று தெரியவில்லை என்றார்.

இதே மருத்துவ பள்ளியின் பேராசிரியர் ஊய் இங் இயாங் கூறுகையில், எல்லைகளை மூடுவதும், முக்கிய பகுதிகளுக்கு தடை விதிப்பதும் தீர்வாகாது. அது தேவையற்றதும் ஆகும். ஓமைக்ரான் ஏற்கனவே பல பகுதிகளுக்கும் பரவி விட்டது. டெல்டா வைரஸ் போல வேகமாக பரவும் தன்மை கொண்டதால், எல்லைகளை அடைத்து வைத்தால் மட்டும் அதை தடுக்க முடியாது. தடுப்பூசி போடுவதை நாம் அதிகரிக்க வேண்டும். அதுதான் சிறந்த தற்காப்பு நடவடிக்கையாக இருக்க முடியும். தடுப்பூசி போடப்பட்டால், சாதாரண பாதிப்போடு நாம் குணப்படுத்தி விட முடியும். இல்லாவிட்டால்தான் அது தீவிரப் பாதிப்பை கொடுக்கும் என்றார் இயாங்.

சிங்கப்பூர் மக்கள் தொகையில் கிட்டத்தட்ட 85 சதவீதம் பேருக்கு முழுமையான தடுப்பூசி போடப்பட்டு விட்டது என்பது குறிப்பிடத்தக்கது. மேலும் அங்கு கொரோனா பரவலும் பெருமளவில் மட்டுப்படுத்தப்பட்டுள்ளது. சமீபத்தில்தான் ஹோட்டல்களில் மக்கள் சென்று சாப்பிட கட்டுப்பாடுகளுடன் அரசு அனுமதி அளித்தது.

மெளன்ட் எலிசபெத் நொவீனா மருத்துவமனை நோய் பரவல் பிரிவு நிபுணர் டாக்டர் லியாங் ஹோ நாம் கூறுகையில், ஓமைக்ரான் வந்தால் வரட்டும். நாங்கள் தயாராகவே இருக்கிறோம். மருத்துவ வசதிகளை சிறப்பாக மேம்படுத்தியிருக்கிறோம். நாங்கள் அலட்சியமாக இல்லை, கவனமாகவே இருக்கிறோம். அதேசமயம் பீதி அடையத் தேவையில்லை என்றார் லியாங்.



Source link

Share on Social Media

Leave a Reply

Your email address will not be published.