Share on Social Media

அழகாக காண்பிக்க நாம் போடும் மேக்கப்பே நமது முக அழகைக் கெடுத்து விடும் என்று சொன்னால் நீங்கள் நம்புவீரா…? ஆம்… நாம் வெறும் சருமத்தில் செய்யும் சில வித மேக்கப்பால் நமது சருமம் வீணாவதுடன், முகத்தின் அழகும் பாழாகும். அதனைத் தடுக்க மேக்கப் போட்டுக் கொள்வதற்கு முன்னர் சில டிப்ஸ்களை பின்பற்ற வேண்டும். இது குறித்து பல தோல் மருத்துவர்கள் பல பரிந்துரை செய்துள்ளனர். அவை என்னென்ன பரிந்துரைகள், அதனை எவ்வாறு பின்பற்றலாம் என்பது குறித்து பார்க்கலாம் வாங்க. ஒப்பனை செய்வதற்கு முன் நாம் பின்பற்ற வேண்டிய ஏழு அடிப்படை விதிகளை பார்க்கலாம்.

​முகத்தை கழுவுதல்

தோல் பராமரிப்பில் முதலில் வருவது முகத்தை கழுவுவது தான் . முகத்தை தூய்மையான நீரில் கழுவும் போது, உங்கள் முகத்தின் மேற்பரப்பில் உள்ள அழுக்குகள், எண்ணெய் பசை ஆகியவை நீங்கும். முகத்தை கழுவ உங்களது சருமத்துக்கு ஏற்ற மைல்டு கிரீம் அல்லது சோப்பினை பயன்படுத்தலாம். முகத்தை கழுவிய பின் மேக்கப் போட்டால், மேக்கப் நீண்ட நேரம் உங்கள் முகத்தில் நிலைத்திருக்கும். அதே போல் முகத்தில் இருந்து மேக்கப் வழிவதையும் முகத்தை கழுவுவதன் மூலம் தடுக்க முடியும்.

​ஐஸ் கியூப் ஸ்க்ரப்

samayam tamil Tamil News Spot

முகத்தில் ஐஸ் கியூப் கொண்டு ஸ்க்ரப் செய்வதால் பல நன்மைகள் நமக்கு கிடைக்கும். அதிலும் குறிப்பாக மேக்கப் போடுவதற்கு முன்னர், முகம் கழுவி முடித்தவுடன், ஐஸ் கியூப் கொண்டு மெதுவாக தேய்க்க வேண்டும். இப்படி செய்வதன் மூலம் உங்கள் சருமத்தில் இரத்த ஓட்டம் மேம்படுத்தப்படும். உங்களின் சோர்வடைந்த கண்களை பிரகாசமாக்கவும், சருமத்தில் உள்ள துளைகளை அடைக்கவும் இந்த ஐஸ் கியூப் ஸ்க்ரப் உதவும். இது அனைத்து வகை தோல் உள்ளவர்களுக்கும் பொருந்தும் ஸ்க்ரப் ஆகும். அதனால் எல்லா வகை தோல் உள்ளவர்களும் இதனை பயன்படுத்தலாம்.

​டோனர் பயன்படுத்துங்கள்

samayam tamil Tamil News Spot

டோனர் தோலின் மேற்பரப்பில் உள்ள கடினமான அழுக்குகளை நீக்க உதவும். இது சருமத்தில் உள்ள துளைகளை மூடி, சருமத்தை ஹைட்ரேட் செய்ய உதவுகிறது. டோனர் பயன்படுத்தும் போது அது ஆல்கஹால் கலக்காத, வறட்சி தன்மை அல்லாத டோனராக என்பதை உறுதிப்படுத்திக் கொள்ளுங்கள். இது உங்கள் சருமத்தை புதுப்பிக்கவும், மென்மையாக்கவும் உதவும்.

​கண்களுக்கு கிரீம்

samayam tamil Tamil News Spot

உங்கள் சருமத்தில் மாய்ஸ்சரைசரைப் பயன்படுத்துவதற்கு முன்பு இந்த கண் கிரீமை பயன்படுத்த வேண்டும். சீரம் போலவே இருக்கும் இந்த கிரீம் உங்கள் கண்களை ஈரப்பதமாக்க உதவுகிறது. அதுமட்டுமின்றி, கண்களைச் சுற்றியுள்ள தோலின் சருமத்தை காக்கவும் உதவும். கண்களைச் சுற்றியுள்ள பகுதி மிகவும் மெல்லியதாக இருக்கும். நீங்கள் வீட்டை விட்டு வெளியேறுவதற்கு முன்னர் கண் கிரீம் இட்டுக் கொண்டதை உறுதிப்படுத்திக் கொள்ளுங்கள்.

​ஹைட்ரேட்டிங் கிரீம் அல்லது மாய்ஸ்சரைசர்

samayam tamil Tamil News Spot

சருமத்தை ஹைட்ரேட் செய்வதற்கான அடுத்த கட்டம் ஒரு நல்ல வழிமுறை மாய்ஸ்சரைசர் தான். மாய்ஸ்சரைசர் சருமத்தை பிரகாசமாக்கவும், மென்மையாக்கவும் உதவுகிறது. அத்துடன் உங்களின் மேக்கப் நீண்ட நேரம் இருக்கவும் மாய்சரைசர் உதவும். உங்கள் தோல் வகைக்கு ஏற்ற மாய்ஸ்சரைசரைப் பயன்படுத்துவதை உறுதி செய்து கொள்ளுங்கள். மாய்ஸ்சரைசரை சருமத்தில் தேய்க்காமல் அழுத்தி தடவவும். இப்படி செய்வதால் உங்கள் சரும செல்கள் சரியாக தூண்டப்படும்.

​ப்ரைமர் பயன்படுத்துங்கள்

samayam tamil Tamil News Spot

ஒப்பனை செய்வதில் மிக முக்கியமான ஒரு நிலை தான் ப்ரைமரைப் பயன்படுத்துவது. முகத்தில் உள்ள சுருக்கம் அல்லது துளைகளை அடைத்து சருமத்தை மென்மையாக்க ப்ரைமர்கள் உதவுகின்றன. இது முகத்தில் உள்ள கரும்புள்ளிகளின் நிறத்தை மறைத்து, சருமத்துக்கு கூடுதல் ஈரப்பதத்தை சேர்க்கிறது. அத்துடன் சருமத்தில் உள்ள எண்ணெய் அளவைக் கட்டுப்படுத்தவும், மேக்கப்பை அழகாக காட்டவும், நீண்ட நேரம் மேக்கப் கலையாமல் இருக்கவும் உதவும்.

​லிப் பாம்

samayam tamil Tamil News Spot

முக சருமத்தை மேக்கப் போட்டு அழகாக்குவது போலவே உதடுகளையும் அழகாக காட்ட லிப் பாம் உதவும். லிப் பாம் உதடுகளை எப்போதும் ஈரப்பதத்துடன் இருக்க உதவும். அத்துடன் லிப் பாம் உங்கள் உதட்டை மென்மையாக்கும். லிப்ஸ்டிக் போடுவதற்கு பத்து நிமிடங்களுக்கு முன் லிப் பாம் தடவ வேண்டும். பின்னர் பத்து நிமிடங்கள் கழித்து லிப்ஸ்டிக் போட்டுக் கொள்ளலாம்.

மேலே கூறியுள்ள வழிமுறைகளை பின்பற்றி உங்களை அழகாக காட்டுங்கள் பெண்களே

Thanks for the Source

Share on Social Media

Leave a Reply

Your email address will not be published. Required fields are marked *