Share on Social Media


உடல் எடையை வெகுவாக குறைத்து ஒல்லியான பிறகு சிம்பு நடித்துள்ள முதல் படம் ஈஸ்வரன். சுசீந்திரன் இயக்கியுள்ள ஈஸ்வரன் படத்தின் ஷூட்டிங் ஒரே மாதத்தில் முடிந்தது பலரையும் வியக்க வைத்தது. ஈஸ்வரன் படத்தில் சிம்புவுக்கு ஜோடியாக நிதி அகர்வால் நடித்துள்ளார்.

ஈஸ்வரன் படம் பொங்கல் பண்டிகைக்கு தியேட்டர்களில் வெளியாகும் என்று ஏற்கனவே அதிகாரப்பூர்வமாக அறிவித்துவிட்டார்கள். ஈஸ்வரன் பட வேலையை முடித்த கையோடு சிம்பு வெங்கட் பிரபு இயக்கத்தில் மாநாடு படத்தில் நடித்து வருகிறார்.

Daniel Pope சிம்புவின் மாநாட்டில் சேர்ந்த பிக் பாஸ் பிரபலம்

படப்பிடிப்பு புதுச்சேரியில் விறுவிறுப்பாக நடந்து வருகிறது. மாநாடு படப்பிடிப்பில் தான் கலந்து கொண்டதை பிக் பாஸ் பிரபலம் டேனி புகைப்படத்துடன் ட்வீட் செய்தார்.

இந்நிலையில் விஜய்யின் மாஸ்டர் படம் பொங்கலுக்கு ரிலீஸாவதால் ஈஸ்வரன் படத்தின் வசூல் பாதிக்கப்படும் என்று சமூக வலைதளங்களில் பேச்சு கிளம்பியது. தியேட்டர் உரிமையாளர்களும் மாஸ்டரை திரையிட்டு கூட்டத்தை இழுக்கும் திட்டத்தில் இருக்கிறார்கள்.

மாஸ்டர் வந்தாலும் பரவாயில்லை, ஈஸ்வரன் படத்தை திட்டமிட்டபடி ஜனவரி 15ம் தேதி ரிலீஸ் செய்வதில் உறுதியாக இருக்கிறாராம் சிம்பு. மாஸ்டர் படம் ஜனவரி 13ம் தேதி ரிலீஸாகிறது. அதனால் ஈஸ்வரன் ரிலீஸில் பிரச்சனை இருக்காது.

தீபாவளி பண்டிகை அன்று மாஸ்டர் மற்றும் ஈஸ்வரனின் டீஸர் வெளியானது என்பது குறிப்பிடத்தக்கது. விஜய் படத்துடன் பிற நடிகர்களின் படங்கள் ரிலீஸானால் வசூல் பாதிக்கும் என்கிற நிலைமை மாறி வருகிறது. விஜய்யின் பிகில் படத்துடன் வெளியான கார்த்தியின் கைதி படம் சூப்பர் ஹிட்டானது.

கதை நன்றாக இருந்தால் போதும் யார் படமாக இருந்தாலும் அதை ஹிட்டாக்க சினிமா ரசிகர்கள் தயாராக இருக்கிறார்கள். பாக்யராஜ் கண்ணன் இயக்கத்தில் கார்த்தி நடித்துள்ள சுல்தான் படமும் ரிலீஸுக்கு தயாராக உள்ளது. அந்த படம் பொங்கலுக்கு ரிலீஸாகும் என்று ரசிகர்கள் எதிர்பார்க்கிறார்கள். ஆனால் ரிலீஸ் தேதி குறித்து இதுவரை அறிவிப்பு வெளியாகவில்லை.



Source link

Share on Social Media

Leave a Reply

Your email address will not be published. Required fields are marked *