Share on Social Media


விண்ணைத்தாண்டி வருவாயா, அச்சம் என்பது மடமையடா படத்திற்கு பிறகு சிம்பு, கெளதம் மேனன் மூன்றாவது முறையாக இணையும் படத்திற்கு ‘வெந்து தணிந்தது காடு‘ என தலைப்பிடப்பட்டுள்ளது. இந்த படத்தின் படப்பிடிப்பு அண்மையில் துவங்கி விறுவிறுப்பாக நடைபெற்று வருகிறது.

வருண் நடிப்பில் ‘ஜோஷ்வா’ படத்தை இயக்கி முடித்துள்ளார் கெளதம் மேனன். இந்தப்படத்தை தொடர்ந்து தற்போது சிலம்பரசன் நடிப்பில் ‘வெந்து தணிந்தது காடு’ படத்தை இயக்கி வருகிறார். இந்த இரண்டு படங்களையுமே வேல்ஸ் பிலிம்ஸ் நிறுவனம் சார்பாக ஐசரி கணேஷ் தயாரித்து வருகிறார். விண்ணைத்தாண்டி வருவாயா படத்தை தொடர்ந்து இரண்டாவது முறையாக சிம்பு, கெளதம் கூட்டணிக்கு இசையமைக்கவுள்ளார் ஏ.ஆர்.ரஹ்மான்.

சிம்பு, கெளதம் மேனன் இணையும் படத்திற்கு ஆரம்பத்தில் ‘நதிகளிலே நீராடும் சூரியன்’ என்ற தலைப்பிட்டிருந்தனர். அதன்பின்னர் படத்தின் டைட்டிலை மாற்றி பாரதியாரின் கவிதை வரிகளான ‘வெந்து தணிந்தது காடு’ என பெயர் வைத்தனர். அத்துடன் படத்தின் பர்ஸ்ட் லுக்கும் வெளியானது. அதில் சிம்புவின் லுக் பலருக்கு ஆச்சரியத்தை கொடுத்தது.

சமூக பணியாற்றி வரும் சூர்யா… அன்புமணிக்கு தென்னிந்திய திரைப்பட வர்த்தக சபை கடிதம்!
‘வெந்து தணிந்தது காடு’ படத்தில் இதுவரை ஏற்று நடித்திடாத கதாபாத்திரத்தில் சிம்பு நடிக்க உள்ளதாக படக்குழுவினர் தெரிவித்துள்ளனர். மேலும் இந்த படத்திற்காக 15 கிலோ எடையை குறைத்து மெனக்கெட்டு நடித்து வருகிறார் சிம்பு. அவரின் அம்மா கதாபாத்திரத்தில் ராதிகா சரத்குமார் நடிக்கிறார்.

இந்நிலையில் இந்தப்படத்தில் ஒரு முக்கிய கதாபாத்திரத்தில் பிரபல மலையாள நடிகர் நீரஜ் மாதவ் ஒப்பந்தமாகியுள்ளதாக தகவல்கள் வெளியாகியுள்ளது. ‘த்ரிஷ்யம்’, ‘சார்லி’ உள்ளிட்ட படங்களில் சிறிய வேடங்களில் நடித்த இவர் இந்தியில் மனோஜ் பாஜ்பாய் நடிப்பில் வெளியாகி பெரும் வரவேற்பை பெற்ற ‘தி பேமிலி மேன்’ வெப் தொடரின் மூலம் பிரபலமானார். ‘வெந்து தணிந்தது காடு’ மூன்றாம் படப்பிடிப்பு மும்பையில் நடைபெற்று வருவது குறிப்பிடத்தக்கது.



Source link

Share on Social Media

Leave a Reply

Your email address will not be published. Required fields are marked *