Share on Social Media


விண்ணைத்தாண்டி வருவாயா, அச்சம் என்பது மடமையடா படத்திற்கு பிறகு சிம்பு, கெளதம் மேனன் மூன்றாவது முறையாக ‘வெந்து தணிந்தது காடு‘ படத்தில் இணைகின்றனர். அண்மையில் வெங்கட் பிரபு இயக்கத்தில் சிம்பு நடிப்பில் வெளியான ‘மாநாடு’ படம் அனைத்து தரப்பினர் மத்தியிலும் அமோக வரவேற்பை பெற்றுள்ளது. இதனால் சிம்புவின் அடுத்த படத்திற்கு ஆர்வமுடன் காத்திருக்கின்றனர் ரசிகர்கள்.

‘மாநாடு’ படத்தை தொடர்ந்து தற்போது கெளதம் மேனன் இயக்கத்தில் ‘வெந்து தணிந்தது காடு’ படத்தில் நடித்து வருகிறார் சிம்பு. இந்தப்படத்தை வேல்ஸ் பிலிம்ஸ் நிறுவனம் சார்பாக ஐசரி கணேஷ் தயாரித்து வருகிறார். விண்ணைத்தாண்டி வருவாயா, அச்சம் என்பது மடமையடா படங்களை தொடர்ந்து மூன்றாவது முறையாக சிம்பு, கெளதம் கூட்டணிக்கு இசையமைக்கவுள்ளார் ஏ.ஆர்.ரஹ்மான்.

சிம்பு, கெளதம் மேனன் இணையும் படத்திற்கு ஆரம்பத்தில் ‘நதிகளிலே நீராடும் சூரியன்’ என்ற தலைப்பிட்டிருந்தனர். அதன்பின்னர் படத்தின் டைட்டிலை மாற்றி பாரதியாரின் கவிதை வரிகளான ‘வெந்து தணிந்தது காடு’ என பெயர் வைத்தனர். அத்துடன் படத்தின் பர்ஸ்ட் லுக்கும் வெளியானது. அதில் சிம்புவின் லுக் பலருக்கு ஆச்சரியத்தை கொடுத்தது.

‘பொன்னியின் செல்வன்’ பாடல்கள் உருவாகும் விதம்: ஏ.ஆர். ரஹ்மான் வெளியிட்ட வீடியோ!
நேற்றைய தினம் ‘வெந்து தணிந்தது காடு’ அடுத்தகட்ட படப்பிடிப்பு துவங்குவதாக தனது சமூக வலைதளத்தில் தெரிவித்து, கையில் துப்பாக்கியுடன் நிற்கும் அட்டகாசமான புகைப்படம் ஒன்றையும் வெளியிட்டிருந்தார் சிம்பு. இந்த அறிவிப்பை ரசிகர்கள் கொண்டாடி வரும் அதே வேளையில் இதற்காக வெளியிட்டுள்ள போஸ்டரில் குறியீடும் கண்டறிந்து வருகின்றனர் ரசிகர்கள்.

அதாவது நாளை மதியம் 1.26 மணிக்கு ‘வெந்து தணிந்தது காடு’ படத்தின் கிளிம்ப்ஸ் வீடியோ வெளியாக உள்ளதாக படக்குழுவினர் அறிவித்துள்ளனர். இந்த 1.26 கூட்டினால் நயன் வருகிறது என மீம்ஸ் போட்டு கலாய்த்து வருகின்றனர். ஏற்கனவே ‘மாநாடு’ படத்திலும் நயன் சென்டிமென்ட்டை சிம்பு விடவில்லை என கலாய்த்து வந்தனர் நெட்டிசன்கள். இந்நிலையில் ‘வெந்து தணிந்தது காடு’ போஸ்டரிலும் அது தொடர்ந்துள்ளது.



Source link

Share on Social Media

Leave a Reply

Your email address will not be published. Required fields are marked *