Share on Social Media


ஹைலைட்ஸ்:

  • வெங்கட்பிரபு இயக்கத்தில் ‘மாநாடு’ திரைப்படத்தில் நடித்து வருகிறார் நடிகர் சிம்பு.
  • ‘மாநாடு’ திரைப்படத்தின் பர்ஸ்ட் சிங்கிள் வருகின்ற மே 14 ஆம் தேதி வெளியாகிறது.
  • ‘மாநாடு’ திரைப்படத்தின் படப்பிடிப்பில் ஒரே டேக்கில் காட்சியை ஓகே பண்ணிய சிம்பு.

வெங்கட் பிரபு இயக்கத்தில் சிம்பு நடிக்கும் ‘மாநாடு‘ திரைப்படம் மிக வேகமாக வளர்ந்து வருகிறது. இந்த படம் தொடர்பாக தொடர்ச்சியாக வெளியாகும் செய்திகள் அனைத்தும் ரசிகர்களை குஷிப்படுத்தும் விதத்தில் அமைந்துள்ளது. இந்நிலையில் இந்த திரைப்படத்தில் இடம்பெறும் காட்சி ஒன்றில், சிம்பு சிங்கிள் டேக்கில் நடித்துள்ளது பற்றி ஆச்சரியம் பொங்க ட்விட் போட்டுள்ளார் ‘மாநாடு’ திரைப்படத்தின் கதாநாயகி கல்யாணி பிரியதர்ஷன்.

பிரபல மலையாள இயக்குநர் பிரியதர்ஷனின் மகளான கல்யாணி ‘மாநாடு’ திரைப்படத்தில் சிம்புவிற்கு ஜோடியாக நடித்துள்ளார். இவர் சிவகார்த்திகேயன் நடித்த ‘ஹீரோ’ திரைப்படத்தின் மூலம் தமிழ் சினிமாவிற்கு அறிமுகமானவர் . இவர்களுடன் எஸ்ஏ சந்திரசேகர், எஸ்.ஜே.சூர்யா பிரேம்ஜி, அரவிந்த் ஆகாஷ் மற்றும் கருணாகரன் உள்ளிட்ட பலர் முக்கிய கதாபாத்திரத்தில் நடிக்கின்றனர்.

கடந்த பிப்ரவரி மாதம் சிம்பு பிறந்தநாளை முன்னிட்டு ‘மாநாடு’ திரைப்படத்தின் டீசரை 5 மொழிகளில் வெளியிட்டனர் படக்குழுவினர். மன்மதன் சிம்பு லுக்கில் இந்த திரைப்படத்தில் அவர் இருப்பதாக கூறி ரசிகர்கள் பலரும் இந்த டீசரை கொண்டாடினார்கள். மேலும் டீசரில் இடம்பெற்ற யுவனின் பின்னணி இசையும் சிம்பு ரசிகர்கள் மத்தியில் எதிர்பார்ப்பினை கிளப்பியது.
மீண்டும் ஓடிடி தளங்களுக்கு படையெடுக்கும் தயாரிப்பாளர்கள்: நயன்தாராவின் ‘நெற்றிக்கண்’ ஓடிடியில் ரிலீஸ்?
இந்த திரைப்படத்தில் முதன்முறையாக அப்துல் காலிக் என்ற இஸ்லாமிய இளைஞர் வேடத்தில் நடித்து வருகிறார் சிம்பு. இதனால் ‘மாநாடு’ திரைப்படம் ரம்ஜான் வெளியீடாக வரும் என எதிர்பார்த்தனர் சிம்பு ரசிகர்கள். ஆனால் தற்போது ரம்ஜானுக்கு ‘மாநாடு’ திரைப்படத்தின் முதல் பாடல் வெளியாகும் என படத்தின் தயாரிப்பாளர் சுரேஷ் காமாட்சி அறிவித்துள்ளார்.

இந்நிலையில் ‘மாநாடு’ திரைப்படத்தின் நேற்றைய படப்பிடிப்பின்போது, சிலம்பரசன், கல்யாணி பிரியதர்ஷன், எஸ்.ஜே.சூர்யா, பிரேம்ஜி, கருணாகரன் உள்ளிட்டோர் நடிக்கும் காட்சியை படமாக்கியுள்ளார் வெங்கட் பிரபு. அப்போது படத்தின் முக்கியமான ஆறு நிமிடம் கொண்ட காட்சியை ஒரே டேக்கில் நடித்து அசத்தியுள்ளார் சிம்பு. இந்த காட்சி படமாக்கப்பட்டு முடிந்ததும் படப்பிடிப்பு தளத்தில் இருந்த அனைவரும் சிம்புவிற்கு பாராட்டும், வாழ்த்துக்களும் தெரிவித்துள்ளனர். இது குறித்து படத்தின் கதாநாயகி கல்யாணி பிரியதர்ஷனும் தனது ட்விட்டர் பக்கத்தில் ட்வீட் ஒன்றை பகிர்ந்துள்ளார்.



Source link

Share on Social Media

Leave a Reply

Your email address will not be published. Required fields are marked *