Share on Social Media


ஓமம். மிதமான அளவு எடுத்துகொள்ளும் போது அவை நன்மை செய்யகூடும். ஆனால் அளவுக்கு அதிகபடியான நுகர்வு மோசமான விளைவுகளை உண்டாக்கும்.
தினசரி பயன்பாட்டில் ஓமத்தை எவ்வளவு வரை எடுக்கலாம்.ஓமத்தின் நன்மைகள் என்ன யாரெல்லாம் ஓமத்தை தவிர்க்க வேண்டும் என்பதை தெரிந்துகொள்வோம்.

​ஓமம்

ஓமம் மசாலா பொருளாக சமையலறையில் முக்கிய இடம் பிடித்துள்ள பொருள். இதன் சுவை அனைவரும் விரும்பப்படும் ஒன்று. ஓமவிதைகள் மெல்லிய கசப்பு சுவைக்காக பிஸ்கட்டுகள், நொறுக்குத்தீனிகள் , ரொட்டிகள் போன்றவற்றில் பயன்படுத்தப்படுகின்றன.

கருப்பு, வெள்ளை தொடர்ந்து மஞ்சள் பூஞ்சை நோய், அறிகுறி, ஆபத்து, காரணங்கள், தவிர்க்கும் முறைகள்!

ஓமத்தை உணவில் சேர்ப்பது போன்று ஓம நீர், ஓம எண்ணெய், ஓம தேநீர் போன்றும் தயாரித்து பயன்படுத்தப்படுகிறது. ஒமத்திலிருந்து தயாரிக்கப்படும் மாத்திரைகளும் கடைகளில் கிடைக்கிறது. இந்த ஓமத்தினால் பெறும் நன்மைகள் குறித்து சுருக்கமாக பார்க்கலாம்.

​ஓமம் நன்மைகள்

samayam tamil Tamil News Spot

ஓமம் நாட்டு வைத்தியத்திலும், பாரம்பரிய வைத்தியத்திலும் பயன்படுத்தப்படுகிறது. வயிற்று பிரச்சனைகளுக்கு பிறந்த குழந்தைகள் முதல் வளர்ந்த பிள்ளைகள் வரை அனைவருக்குமே ஒம நீர் தான் சிறந்த மருந்தாக சொல்லப்படுகிறது. வயிறு உப்புதல், வயிறு கோளாறு, செரிமான பிரச்சனை என பலவிதத்திலும் ஓமம் சிறப்பாக செயல்படுவதாக நிரூபிக்கப்பட்டுள்ளது. மலச்சிக்கலுக்கும் ஓமம் உதவுகிறது.

பெண்களுக்கு மாதவிடாய் கால வலி மற்றும் தாய்ப்பால் சுரப்பு அதிகரிக்க உதவுகிறது. ஓம விதைகள் ஜலதோஷம், இருமல் மற்றும் ஆஸ்துமா பிரச்சனைகளுக்கு உதவுகிறது. உடல் எடை குறைப்பிலும் ஓமத்தை பயன்படுத்துகிறார்கள். இப்படி பல தரப்பட்ட உடல் ஆரோக்கிய குறைபாடுகளுக்கு ஓமத்தை பயன்படுத்தும் நிலையில் ஓமம் குறித்த பக்கவிளைவுகள் குறித்தும் இதை யார் தவிர்க்க வேண்டும் என்பது குறித்தும் தெரிந்துகொள்ள வேண்டும்.

​வாய்வு உண்டாக்கும்

samayam tamil Tamil News Spot

தினசரி அளவில் அதிகப்படியாக ஓமம் எடுப்பது வயிற்றில் வாயு உற்பத்திக்கு வழிவகுக்கும். ஓமத்தில் இருக்கும் பயோ ஆக்டிவ் கலவைகள் சக்தி வாய்ந்தவை. இது அமிலத்தன்மை மற்றும் ரிஃப்ளக்ஸ் போன்ற பிரச்சனைக்கு வழிவகுக்கும்.

அதனால் ஏற்கனவே வாய்ப்புண், வயிற்றுப்புண், வயிற்று எரிச்சல் போன்ற பிரச்சனைகளை கொண்டிருப்பவர்கள் ஓமத்தை மருத்துவ காரணங்களுக்காக தனியாக எடுக்க கூடாது.

​ஒவ்வாமையை உண்டாக்கும்

samayam tamil Tamil News Spot

ஒவ்வாமை அறிகுறி கொண்டிருப்பவர்கள் ஓமத்தால் ஒவ்வாமை பெறலாம். ஓமத்தில் இருக்கும் தைமோல் பிரச்சனையால் இது ஏற்படுகிறது. ஒவ்வாமை இருப்பவர்கள் தலைச்சுற்றல், வாந்தி, குமட்டல் மற்றும் வாந்தியை ஏற்படுத்தும்.

ஓமத்தை மருத்துவ காரணங்களுக்காக எடுத்துகொள்ளும் போது குமட்டல், வாந்தி, தலைச்சுற்றல் அறிகுறி இருந்தால் ஓமம் உங்களுக்கு ஒவ்வாமையை உண்டாக்கலாம்

​நச்சுத்தன்மை உண்டாக்கலாம்

samayam tamil Tamil News Spot

ஓம விதைகளை உணவு வழியாக கலந்து எடுக்கும் போது அவை சிறு அளவு எடுக்கப்படுவதால் எந்தவிதமான பாதிப்பும் உண்டாக்குவதில்லை. ஆனால் ஓமத்தை தனியாக மருந்தாக எடுக்கும் போது வாய்வழியாக எடுக்கும் நிலையில் இது நச்சுத்தன்மையுடன் உள்ளதாக சொல்லப்படுகிறது.

தொடர்ந்து அபாயகரமான விஷத்தை உண்டாக்கும். ஓமத்தை தொடர்ந்து எடுத்துகொள்வதன் மூலம் உடலுக்கு நச்சுத்தன்மை உண்டாக்கலாம்.

​அறுவை சிகிச்சை காலங்களில் தவிர்க்க வேண்டும்

samayam tamil Tamil News Spot

அறுவை சிகிச்சையின் போது உண்டாகும் இரத்தபோக்கு அபாயத்தை ஓமம் அதிகரிக்க செய்யலாம். அதனால் அறுவை சிகிச்சைக்கு 2 வாரங்களுக்கு முன்பு ஓமம் எடுப்பதை நிறுத்தி கொள்ள வேண்டும். இது இரத்தப்போக்கை உண்டாக்கும்.

இரத்த உறைவு செயல்முறையை மெதுவாக்குவதால் அறுவை சிகிச்சைக்கு முன்னும் பின்னும் அதை தவிர்க்க வேண்டும். இரத்த உறைவு குறைக்க எடுக்கப்பட்ட மருந்துகளுடன் ஓமத்தை மருந்தாக எடுப்பது தவிர்க்க வேண்டும்.

​உடல் உஷ்ணம் இருப்பவர்கள் தவிர்க்க வேண்டும்

samayam tamil Tamil News Spot

ஆயுர்வேதத்தின் படி ஓமம் அதிக வெப்பம் கொண்ட உணவு பொருள் ஆகும். உடல் உஷ்ணம் அதிகமாக இருப்பவர்கள் ஓமத்தை எடுப்பதை தவிர்ப்பதே நல்லது. உணவில் ஓமம் சேர்க்கலாம். ஆனால் தனிப்பட்ட முறையில் மருத்துவ காரணங்களுக்காக ஒமம் எடுப்பது உடலில் மேலும் வெப்பமூட்டுதலை உண்டாக்கும்.அதனால் மிதமான அளவில் ஓமத்தை சேர்ப்பது பாதுகாப்பானது.

​கர்ப்பிணிகள் தவிர்க்க வெண்டும்

samayam tamil Tamil News Spot

ஓமவிதைகள் கர்ப்பிணி பெண்கள் தவிர்க்க வேண்டும். கர்ப்பிணிகள் ஆரம்ப காலத்தில் ஓமத்தை மருத்துவ குணங்களுக்காக பயன்படுத்துவது கருக்கலைப்பு தூண்ட செய்யலாம். அதனால் கர்ப்பிணிகள் ஓமத்தை வாய்வழியாக எடுத்துகொள்வதை கண்டிப்பாக தவிர்க்க வேண்டும்.

​ஓம தேநீர்

samayam tamil Tamil News Spot

ஒரு டம்ளர் நீரை கொதிக்க வைத்து கால் டீஸ்பூன் ஓமம் சேர்த்து விடவும். ஓம விதைகளின் சாறுகள் அதில் இறங்கி இருக்கும். பிறகு வடிகட்டி குடிக்க வேண்டும். இதில் தேன் சேர்க்கலாம். சர்க்கரை சேர்க்க கூடாது. நாள் ஒன்றுக்கு 2 கிராம் அளவுக்கு மேல் ஓமம் எடுக்க கூடாது.

கொரோனாவிலிருந்து குணமடைந்தவர்கள் அவசியம் சேர்க்க வேண்டிய சத்துமிக்க பானங்கள்!

வயிற்று கோளாறு காரணமாக ஓமம் எடுப்பதாக இருந்தால் தினசரி அளவில் 2 கிராமுக்கு மேல் எடுக்க கூடாது. மருத்துவ காரணங்களுக்காக ஓமத்தை வாய்வழியாக எடுப்பவர்கள் மருத்துவரின் ஆலோசனையின்றி சுயமாக எடுக்க வேண்டாம்.

Thanks for the Source

Share on Social Media

Leave a Reply

Your email address will not be published. Required fields are marked *