Share on Social Media


காதலில் சொதப்புவது எப்படி‘ திரைப்படம் மூலம் இயக்குனராக அறிமுகமானவர் பாலாஜி மோகன். இந்தப் படத்தில் நாயகனாக நடித்தது மட்டுமன்றி, இந்தப்படம் மூலமாக தயாரிப்பாளராகவும் அறிமுகமானார் சித்தார்த். வசூல் மற்றும் விமர்சனரீதியாக ரசிகர்கள் மத்தியில் இந்தப்படம் நல்ல வரவேற்பை பெற்றது. இந்நிலையில் மீண்டும் சித்தார்த், பாலாஜி மோகன் கூட்டணியில் புதிய படம் ஒன்று உருவாக உள்ளதாக தகவல்கள் வெளியாகியுள்ளன.

நடிகர் சித்தார்த் தற்போது மகாசமுத்திரம், சைத்தான் கே பச்சா, டக்கர் மற்றும் இந்தியன் 2 ஆகிய திரைப்படங்களில் நடித்து வருகிறார். மேலும் சில படங்களில் நடிக்க கதை தேர்வு செய்து வருவதாகவும் தகவல்கள் வெளியாகியுள்ளன. இந்நிலையில் இரண்டாவது முறையாக பாலாஜி மோகன் இயக்கத்தில் நடிக்கவுள்ளார் சித்தார்த். இந்த படத்தை ஒய்நாட் ஸ்டூடியோ நிறுவனம் தயாரிக்க உள்ளது.

தனுஷ் நடிப்பில் மாரி, மாரி 2 படங்களை இயக்கிய பாலாஜி மோகன் தனது அடுத்த படத்திலும் தனுஷை இயக்க முயற்சி செய்து வந்தார். தனுஷ் ஹாலிவுட் படத்தை முடித்துவிட்டு தற்போது ஹைதராபாத்தில் கார்த்திக் நரேன் இயக்கும் படத்தில் நடித்து வருகிறார். இதனைத் தொடர்ந்து செல்வராகவன் இயக்கத்தில் நானே வருவேன் படத்தில் நடிக்க உள்ளார். மேலும் சேகர் கம்முலா இயக்கத்தில் பான் – இந்தியன் திரைப்படம் ராட்சசன் ராம் குமார், மாரி செல்வராஜ் இயக்கத்தில் தலா ஒரு படம் என தனுஷ் கால்ஷீட் செம பிசியாக உள்ளது.

சசிக்குமாருடன் இணைந்த பிக்பாஸ் பிரபலம்: பூஜையுடன் ஆரம்பம்!
இதனால் தனுஷை வைத்து படம் இயக்கும் தனது முடிவை ஒத்தி வைத்துவிட்டு, தற்போது சித்தார்த்தை வைத்து படம் இயக்க முடிவு செய்துள்ளாராம் பாலாஜி மோகன். இவர்கள் இருவரும் ஏற்கனவே இணைந்த காதலில் சொதப்புவது எப்படி குறும்படமாக இருந்து திரைப்படமாக உருமாற்றம் பெற்றது. நகைச்சுவை திரைப்படமாக வெளியான இந்த திரைப்படம் ரசிகர்களிடம் அமோக வரவேற்பை பெற்றது. இந்நிலையில் நீண்ட இடைவெளிக்கு பிறகு மீண்டும் இந்த கூட்டணி இணையவுள்ளது. இதுகுறித்த அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது.



Source link

Share on Social Media

Leave a Reply

Your email address will not be published. Required fields are marked *