Share on Social Media


ஹைலைட்ஸ்:

  • வேகமாக , அடிக்கடி சிறுநீர் கழிக்கும் நிலையில் ஆவாரை குடிநீர் மூலம் சிறுநீரகத்தை பாதுகாக்கலாம்.
  • இன்சுலின் ஊசியோடு சித்த மருத்துவரின் ஆலோசனையின் பெயரிலும் மூலிகைகள் சேர்க்கலாம்.
  • சித்த மருத்துவத்தில் சர்க்கரை நோயை முழுமையாக குணப்படுத்த முடியுமா ?


நீண்ட காலத்துக்கு அதிக இரத்த சர்க்கரை அளவு இருந்தால் உடலில் மற்ற உறுப்புகளும் பாதிப்பை எதிர்கொள்ளும். சர்க்கரை நோயாளிகள் உடலில் இரத்த சர்க்கரை அளவு அதிகரிக்காமல் இருக்க மருந்துகளுடன் மூலிகை சேர்க்கலாமா என்பது குறித்த பல கேள்விகளுக்கு இங்கு சித்த மருத்துவர் வி.விக்ரம்குமார் MD(S) அளிக்கும் பதில்கள் உங்களுக்கு உதவும்.

1. எனக்கு 3 வருடங்களாகவே நீரிழிவு உள்ளது. மாத்திரைகள் எடுத்தும் கட்டுக்கடங்காமல் உள்ளது. இந்நிலையில் சர்க்கரை நோயை கட்டுப்படுத்தும் மூலிகைகள் எடுக்கலாமா?

3 வருடங்களாக நீரீழிவு உள்ள நிலையில் நீங்கள் சரியான மருத்துவரை அணுகி சிகிச்சை செய்தீர்களா என்பது முக்கியம். ஏனெனில் மருத்துவருடன் தொடர்ந்து ஆலோசனை செய்யும் போது உயர் இரத்த சர்க்கரை அளவு அதிகமாகவே இருந்தால் மருத்துவர் உங்களுக்கு மாத்திரைகளை மாற்றி அளித்திருப்பார். நீங்கள் தொடர்ந்து மருத்துவரை சந்திக்காமல் ஒரே மாத்திரையை எடுத்து வந்தததால் கூட இந்த விளைவு உண்டாகியிருக்கலாம்.

இந்நிலையில் உங்களுக்கு ஒருங்கிணைந்த சிகிச்சை தேவைப்படுகிறது. உணவு கட்டுப்பாடு, உடற்பயிற்சி, யோகா, சித்த மருத்துவரின் வழிகாட்டுதலுடன் மூலிகை அதனோடு நவீன மருத்துவரின் ஆலோசனையும் இணைந்து உங்கள் சர்க்கரை அளவை கட்டுக்குள் வைக்க முடியும்.

constipation : மலம் வறண்டு கடினமா இருக்கா? மலச்சிக்கலுக்கு மருத்துவர் சொல்லும் எளிய குறிப்பு ! எல்லா வயதினருக்கும்!

2. மாத்திரைகளுடன் மூலிகைகளும் சேர்த்து எடுத்தால் சர்க்கரை நோயாளிகளுக்கு வேறு ஆபத்து உண்டாகுமா?

சர்க்கரை நோயாளிகள் நவீன மருத்துவரின் ஆலோசனையோடு மருந்துகளையும், மூலிகைகளையும் சேர்த்து எடுத்தால் ஆபத்து நிச்சயம் வராது. இரத்தத்தில் சர்க்கரை அளவு எவ்வளவு உண்டு என்பதை பொறுத்து மூலிகைகளை பரிந்துரைக்கப்பட்ட அளவை மருத்துவரின் ஆலோசனையோடு எடுக்கும் போது அவை உடலுக்கு பாதுகாப்பானதே.

அதே நேரம் மாதம் ஒரு முறை இரத்த சர்க்கரை அளவை பரிசோதித்து அதற்கேற்ப மருத்துவரிடம் ஆலோசனை பெற்று மருந்துகள், மூலிகைகள் எடுப்பது பாதுகாப்பானதாகவே இருக்கும்.

3.நீரிழிவு கட்டுக்குள் இருந்தால் மாத்திரைகளை தவிர்த்து மூலிகைகளை மட்டும் எடுக்கலாமா?

ஒவ்வொரு மாத பரிசோதனையின் போதும் சர்க்கரை நோய் கட்டுக்குள் இருந்தால் மாத்திரைகளை தவிர்த்து மூலிகைகள் மட்டும் எடுக்கலாம். ஆனால் சர்க்கரை நோயாளிகள் பலரும் செய்யும் தவறு நோய் கட்டுக்குள் வந்ததும் உணவு முறை, உடல் உழைப்பு, சரியான நேர மருந்து தவிர்த்து விடுவதால் சர்க்கரை அளவு 300, 400 அளவு அதிகரித்து உடல் உறுப்புகளை பாதிக்க செய்துவிடும். அதனால் கட்டுக்குள் இருக்கும் போது மூலிகைகளை சரியான அளவில் எடுத்து அவ்வபோது பரிசோதனை செய்து அளவு சரியாக இருந்தால் மூலிகைகள் மட்டுமே போதுமானது.

4. சர்க்கரை நோயாளிகள் சித்த மருத்துவ சிகிச்சையை மட்டும் பின்பற்றலாமா ?

கண்டிப்பாக பின்பற்றலாம். சர்க்கரை நோயாளிகள் சித்த மருத்துவ சிகிச்சையை மட்டுமே கூட பின்பற்றலாம். நாவல் கொட்டை சூரணம், ஆவாரை குடிநீர், நிலவேம்பு குடிநீர், வில்வ மாத்திரை, மதுமேக சூரணம் என பலவும் சித்த மருத்துவ சிகிச்சையில் வழங்கப்படும் மருந்துகள். இதை சரியான முறையில் எடுத்துகொண்டு மற்ற வாழ்வியல் முறைகளையும் கடைப்பிடித்தால் நிச்சயம் பலன் கிடைக்கும்.

5. சித்த மருத்துவத்தில் சர்க்கரை நோயை முழுமையாக குணப்படுத்த முடியுமா ?

சர்க்கரை நோய் கணையத்தில் இன்சுலின் சுரப்பு குறைவு அல்லது இன்சுலின் எதிர்ப்புத்திறன் தன்மையால் உண்டாக கூடியது. கணையத்தின் செயல்பாட்டை மேம்படுத்த செய்யகூடிய யோகா பயிற்சிகளை தொடர்ந்து செய்து வந்தால் கணையம் செயல்பாடு மேம்படும். அதோடு சர்க்கரை நோய் கட்டுக்குள் வந்தாலே ஆபத்தில்லாமல் இருக்கலாம். இதை குணப்படுத்த முடியாது என்றாலும் கட்டுக்குள் வைத்திருந்தாலே ஆபத்து இல்லாமல் பார்த்துகொள்ளலாம்.

Diabetes Tests : சர்க்கரை நோயாளிகள் வருஷத்துக்கு ஒரு முறை கண்டிப்பா செய்ய வேண்டிய பரிசோதனைகள் என்னென்ன?

6. சர்க்கரை நோயாளிகளுக்கு வரும் உபாதைகள் ( கிளைகோமா, சிறுநீரக கோளாறு) பிரச்சனைக்கு தீர்வு சித்த மருத்துவத்தில் உண்டா ?

சர்க்கரை நோயாளிகள் எதிர்கொள்ளும் உபாதைகள் சிறுநீரக கோளாறு முக்கியமானது. ஆனால் வரும் முன் காப்போம் என்பதற்கேற்ப சர்க்கரை நோயாளிகள் மருந்துகளோடு மற்ற உறுப்பு பாதிக்கும் அறிகுறிகளை வைத்து முன்கூட்டியே சிகிச்சை எடுத்துகொள்வது பாதுகாப்பானது. வேகமாக அல்லது அடிக்கடி சிறுநீர் கழிக்கும் நிலை வந்தால் மருத்துவரின் அறிவுரையோடு ஆவாரை குடிநீர் எடுப்பதன் மூலம் சிறுநீரகத்தை பாதுகாக்கலாம். நரம்பு சம்பந்தமான பிரச்சனைகள் வராமல் இருக்க அமுக்குரான் சூரனம் சேர்க்கலாம். எந்த பாதிப்பும் வரும் முன்பே சர்க்கரை நோய் மருந்தோடு சேர்த்து எடுக்கும் போது பாதிப்பு உண்டாகாமல் தடுக்க செய்யலாம்.

.நீரிழிவு பாத புண்கள்

7. நீரிழிவு இருக்கும் போது சித்த வைத்தியம் பின்பற்றி உயர் ரத்த சர்க்கரை அளவு அதிகமானால் அலோபதி வைத்தியம் தான் தீர்வாக இருக்குமா?

நீரிழிவு பிரச்சனையை கொண்டிருப்பவர்கள் சித்த வைத்திய சிகிச்சை முறையை மருத்துவரின் ஆலோசனையோடு தொடர்ந்து சரியாக எடுத்து வந்தால் அவர்களுக்கு உயர் ரத்த சர்க்கரை அளவு அதிகரிக்க வாய்ப்பில்லை. ஏனெனில் சித்த மருத்துவ சிகிச்சை என்பது மருந்துகளோடு நிற்பதில்லை. உடல் உழைப்பு, உணவு முறை, மூலிகைகள் என இணைந்ததே. எனினும் சித்த சிகிச்சையில் தொடர்ந்து ரத்தசர்க்கரை அளவு அதிகரித்தால் நவீன மருத்துவ முறையிலும் ஒருங்கிணைந்த சிகிச்சை மேற்கொள்வது பாதுகாப்பானது.

8.நீரிழிவு பாத புண்கள் வரும் போது அலோபதி வைத்தியம் சிறந்ததா? அல்லது சித்த மருத்துவம் மூலம் உறுப்பு சேதமாகாமல் பார்த்துகொள்ள முடியுமா?

நீரிழிவு வந்தாலே அவர்கள் பாதத்தை முகம் போன்று பார்த்து பார்த்து பராமரிக்க வேண்டும். ஏனெனில் பெரும்பாலும் வலி தெரியாததால் அவர்கள் புண் பாதத்திலிருந்து தொடை வரை செல்லும் அளவுக்கு பிறகே பாதிப்பை உணர்வார்கள். தினமும் பாதபராமரிப்பில் அவர்கள் கவனம் செலுத்தும் போது அவர்களது சித்த மருத்துவம் பெரிதும் கைகொடுக்கும். பாதங்களில் புண் வராமல் பார்த்துகொள்ள வேண்டும்.

ஊமத்தை சாறு சேர்த்து தயாரிக்கும் மத்த தைலம் அருமையான மருந்து. இதை தினமும் பாதத்தில் தடவி வரலாம். உள்ளுறுப்புகள் பாதிக்கும் போது ஒருங்கிணைந்த மருத்துவமாக உள்ளுக்கும், வெளிக்குமான பராமரிப்பு சேர்த்து எடுப்பது பாதுகாப்பானது.

9. மூலிகைகள் சிறுநீரகத்தை பாதிக்கும் என்றால் நீரிழிவு நோயாளிகள் தினசரி சேர்க்கலாமா?

மூலிகைகள் சிறுநீரகத்தை பாதிக்கும் என்பது கிடையவே கிடையாது. தயக்கமில்லாமல் மூலிகைகளை எடுத்துகொள்ளலாம். நீரிழிவு நோயாளிகளுக்கு உண்டாகும் சிறுநீரகம் சார்ந்த பிரச்சனைக்கு பூனைமீசை சூரணம், மூக்கிரட்டையிலிருந்து தயாரிக்கும் மருந்து எடுத்துகொள்ளலாம். இவை சிறுநீரகத்தை பாதிக்கவே செய்யாது. ஆனால் நவீன மருத்துவமாக இருந்தாலும், சித்தமருத்துவமாக இருந்தாலும் மருத்துவரின் ஆலோசனை அவசியம்.

Irumalukku Patti Vaithiyam : சளி, இருமலுக்கு மாத்திரை எதற்கு? டாக்டர் சொல்லும் பாட்டி கால வைத்தியம், எல்லா வயதினருக்கும்!

10. இன்சுலின் சிகிச்சை மேற்கொள்ளும் ஒருவர் சித்த மருத்துவத்தில் சிகிச்சை பெற முடியுமா?

கணையம் செயல்பாடு மோசமாக இருக்கும் போது தான் இன்சுலின் தேவைப்படுகிறது. இந்த நிலையில் இன்சுலின் செயல்பாடு தேவை என்பதால் மருத்துவரின் ஆலோசனையோடு அதை எடுக்க வேண்டும். அதே நேரம் இன்சுலின் ஊசி போடும் நிலையில் சர்க்கரை அளவு குறையாமல் பார்த்துகொள்வதும் முக்கியம்.

இன்சுலின் ஊசியோடு சித்த மருத்துவரின் ஆலோசனையின் பெயரிலும் மூலிகைகள் சேர்க்கலாம். நாள்பட்ட நிலையில் உணவு முறை, உடல் உழைப்பு, மருந்துகள், மூலிகைகள் போன்ற ஒருங்கிணைக்கப்பட்ட சிகிச்சை சர்க்கரை நோயை கட்டுக்குள் வைக்க செய்யும்.



Source link

Share on Social Media

Leave a Reply

Your email address will not be published.