Share on Social Media


ஹைலைட்ஸ்:

  • ஷேர்ஷா படம் மூலம் பாலிவுட்டில் அறிமுகமாகியிருக்கும் விஷ்ணுவர்தன்
  • ஷேர்ஷாவை பார்த்து மிரண்டு போயிருக்கும் பாலிவுட்

அஜித்தின் பில்லா, ஆரம்பம் உள்ளிட்ட பல படங்களை இயக்கிய விஷ்ணுவர்தன் ஷேர்ஷா படம் மூலம் பாலிவுட்டில் அறிமுகமாகியிருக்கிறார். ஆகஸ்ட் 12ம் தேதி அமேசான் பிரைமில் வெளியான ஷேர்ஷா படத்தில் கேப்டன் விக்ரம் பத்ராவாக சித்தார்த் மல்ஹோத்ரா நடித்திருந்தார்.

கார்கில் போரில் எதிரிகளை எதிர்த்து போராடி வீரமரணம் அடைந்த விக்ரம் பத்ராவின் வாழ்க்கையை அழகாக திரையில் காட்டியிருந்தார் விஷ்ணுவர்தன்.

75வது சுதந்திர தினம் இன்று கொண்டாடப்படுகிறது. இந்த நாளில் நாட்டுப்பற்றுமிக்க படங்களை பார்க்கும் ரசிகர்கள் ஏராளம். அவர்கள் கண்டிப்பாக ஷேர்ஷாவை பார்க்க வேண்டும்.

படம் துவங்கியதில் இருந்து இறுதி வரை எந்த இடத்திலும் துளி கூட தொய்வே இல்லை. தேவையில்லாத காட்சிகள், வசனங்கள் கிடையாது. அதிலும் குறிப்பாக கார்கில் போரை விஷ்ணுவர்தன் படமாக்கிய விதத்தை பாராட்டியே ஆக வேண்டும்.

விக்ரம் பத்ரா குண்டடிபட்டு உயிர்விட்ட தருணத்தை பார்த்து அழுத கண்கள் பல. என்னத்த பெரிய ஷேர்ஷா என்று நினைத்து படத்தை பார்த்த பலரும் மிரண்டும் போனது தான் உண்மை.

சித்தார்த் மல்ஹோத்ராவின் கெரியரில் இது மறக்கவே முடியாத படமாகும். யாருய்யா இந்த விஷ்ணுவர்தன் என்று பாலிவுட் ரசிகர்கள் வியந்து போயிருக்கிறார்கள்.

இந்தி தெரியாது நான் ஏன் ஷேர்ஷாவை பார்க்க வேண்டும் என்று கேட்டால், நம் தமிழ் இயக்குநர் இயக்கி சினிமா ரசிகர்களை மிரள வைத்திருக்கும் படத்தை நாம் பார்த்து கொண்டாடாவிட்டால் எப்படி?

ஷேர்ஷா படத்தை பார்த்தால் நிச்சயம் ஏமாற்றம் அடைய மாட்டீர்கள். ஜெய்ஹிந்த்.

காதலரை மணந்த கயல் ஆனந்தி கர்ப்பமா?



Source link

Share on Social Media

Leave a Reply

Your email address will not be published. Required fields are marked *