Share on Social Media


வயது அடிப்படையில் ஐவிஎஃப் விகிதம்

ஐவிஎஃப் சிகிச்சையில் ஆய்வகத்தில் விந்தணுக்களுடன் கரு முட்டையை சேர்த்து கருவுற வைத்து கருப்பையில் பொறுத்தும் நுட்பமான முறை.

Pregnancy Diet : மூன்று மாத கர்ப்பம்: குமட்டல் உச்சத்தில் இருக்கும் போது என்ன சாப்பிடணும், என்ன தவிர்க்கணும்?

ஐவிஎஃப் கருத்தரிப்பு சிகிச்சை குறித்து மனதில் கொண்டால் அதன் வெற்றி விகிதங்கள் குறித்தும் அறிவது அவசியம். ஐவிஎஃப் சிகிச்சைக்கு பிறகு எல்லோருக்கும் வெற்றி கிடைப்பதில்லை.ஏனெனில் சிகிச்சைதொடங்கும் வயது பொறுத்து வெற்றிக்கான வாய்ப்புகள் அதிகரிக்கும் என்று தரவு தெரிவிக்கிறது.

​ஐவிஎஃப் சிகிச்சை தேர்வு

samayam tamil Tamil News Spot

கருவுறுதல் சிக்கல்கள் கொண்டிருக்கும் தம்பதியினர், தனியாக கருத்தரிக்க விரும்புபவர்கள் ஐவிஎஃப் சிகிச்சையை தேர்வு செய்கிறார்கள். ஐவிஎஃப் கருத்தரிப்புக்கு உத்திரவாதம் அளிக்காது மேலும் இந்த சிகிச்சை வெற்றிபெற மக்கள் பல சுற்றுகளுக்கு தயராக வேண்டும்.

பலருக்கும் ஐவிஎஃப் சுழற்சிகளின் செலவுகள் தடையாக இருக்கலாம். அதோடு இதற்கான வெற்றிவாய்ப்பு வயது குழுக்களில் வேறுபடும். இந்த வெற்றிவாய்ப்பு எப்படி அமையும் என்பது குறித்து பார்ககலாம்.

​ஐவிஎஃப் சிகிச்சை மற்றும் வயது?

samayam tamil Tamil News Spot

நியூ சவுத் வேல்ஸ் பல்கலைக்கழக்கத்தின் புதிய ஆராய்ச்சி , விக்டோரியன் உதவி இனப்பெருக்க சிகிச்சை ஆணையத்தால் வரையறுக்கப்பட்டது. வெவ்வேறு வயதுடைய பெண்களுக்கான வெற்றிக்கான வாய்ப்பை கண்காணித்து அளித்துள்ளது.

ஆராய்ச்சியாளர்கள் 2016 ஆம் ஆண்டு ஐவிஎஃப் சிகிச்சையை தொடங்கிய ஆயிரக்கணக்கான விக்டோரியன் பெண்களை கண்காணித்தது. இது 2020 ஆம் ஆண்டு நடுப்பகுதி வரை அவர்களை கண்காணிக்க செய்தது.

​ஐவிஎஃப் எந்த வயதினருக்கு வெற்றி அளிக்கும்

samayam tamil Tamil News Spot

ஆய்வில் 30 வயதுக்கு முன் ஐவிஎஃப் சிகிச்சை தொடங்கிய பெண்களுக்கு ஒரு ஐவிஎஃப் சுழற்சிக்கு பிறகு குழந்தை பிறக்கும் வாய்ப்பு 43%, இரண்டு சுழற்சிகளுக்கு பிறகு 59% மற்றும் மூன்று சுழற்சிகளுக்குப் பிறகு 66% வாய்ப்புகள் இருப்பதாக அவர்கள் கண்டறிந்துள்ளனர். அதாவது 30 வயதிற்குட்பட்ட 66% பெண்கள் ஐவிஎஃப் 3 அல்லது அதற்கும் குறைவான சுழற்சிகளில் வெற்றிபெற்றுள்ளனர்.

அதாவது 30 வயதுக்குட்பட பெண்களுக்கு முதல் சுற்று 43%வெற்றி விகிதமும், இரண்டாவது சுற்றில் கருத்தரிப்பதற்கான வாய்ப்பை 16% சதவீத புள்ளிகள் அதிகரித்துள்ளது கண்டறியப்பட்டது. மேலும் மூன்றாவது சுற்றில் 7% ஒட்டுமொத்த வாய்ப்பை அதிகரித்தது.

​ஐவிஎஃப் 35 மற்றும் 40 வயதினருக்கு வெற்றி எப்படி இருக்கும்?

-35-40-

35 வயதில் ஐவிஎஃப் தொடங்கிய பெண்களில் ஒரு சுழற்சிக்கு பிறகு வெற்றி வாய்ப்பு 40% ஆகவும் இரண்டு சுற்றுகளுக்கு பிறகு 54% மற்றும் மூன்று சுற்றுகளுக்கு பிறகு 61% வெற்றி வாய்ப்பு அளித்தது.

40 வயதில் முடிவுகள் கணிசமாக குறைந்தது கண்டறியப்பட்டது. ஒரு சுற்றுக்கு பிறகு குழந்தை பிறப்பதற்கான வாய்ப்பு 13% ஆகவும் இரண்டு சுற்றுகளுக்கு பிறகு 21 % ஆகவும் மூன்று சுற்றுகளுக்கு பிறகு 25% ஆகவும் இருந்தது.

மேலும் இந்த ஐவிஎஃப் வெற்றி விகிதமானது ஒவ்வொரு சுற்றுக்கும் ஒவ்வொரு மாதிரியாக இருக்காது. முதல் சுற்றில் வெற்றிப்பெறவில்லை எனில் இரண்டாவது சுற்றில் வெற்றி பெறுவதற்கான வாய்ப்புகள் குறைவு. எனினும் இரண்டு சுற்றுகளும் ஒன்றாக அளவிடும் போது கருத்தரிப்பதற்கான ஒட்டுமொத்த வாய்ப்புகள் அதிகரிக்கும்.

​ஐவிஎஃப் சிகிச்சை பெறும் தம்பதியர் எண்ணம்

samayam tamil Tamil News Spot

இந்த சிகிச்சையை மேற்கொள்ள விரும்பும் தம்பதியரை பொறுத்தவரை ஒரு குழந்தையை பெறுவதே குறிக்கோளாக இருக்கும். அதிலும் முதல் முயற்சியில் இதை எதிர்பார்ப்பார்கள். எனினும் இதன் சாத்தியம் மற்றும் எடுக்கும் காலம் போன்ற எதார்த்தமான விஷயங்களையும் கவனத்தில் கொள்ள வேண்டும்.

பெரும்பாலான தம்பதியர் ஐவிஃப் சிகிச்சையின் போது ஒன்றுக்கு மேற்பட்ட தூண்டப்பட்ட சுழற்சிகள் தேவை என்பதை உணர வேண்டும். மேலும் வயதாகும் போது ஐவிஎஃப் வெற்றி வாய்ப்பு குறைவாகவே இருக்கும் என்பதையும் உணர்ந்து முன்கூட்டியே திட்டமிடுதல் அவசியம்.

​ஐவிஎஃப் சிகிச்சை சுருக்கமாக

samayam tamil Tamil News Spot

ஐவிஎஃப் ஆனது இரண்டு வாரங்களுக்கு ஒவ்வொரு நாளும் ஹார்மோன்களை உட்செலுத்துகிறது. இது வழக்கத்தை விட அதிக முட்டைகளை உற்பத்தி செய்கிறது. முட்டைகளை அறுவை சிகிச்சை மூலம் அகற்றுவது மற்றும் ஆய்வகப்பணி செலவு உண்டாகும். ஒரு ஒற்றை சுற்று உடலில் கடினமாக இருக்கலாம் சிலருக்கு 40 நாட்கள் அல்லது அதற்கு மேலாகவும் இருக்கலாம்.

Postpartum Vaginal Dryness : தாய்ப்பால் கொடுக்கும் வரை பெண் உறுப்பு வறட்சியாகவே இருக்குமாம்? ஏன்? எப்படி தவிர்ப்பது?

புதிய ஐவிஎஃப் சிகிச்சை மாதவிடாய் சுழற்சி இல்லாமல் தொடர்ச்சியாக இரண்டு மாதங்கள் செய்ய கூடாது. 4 முதல் 6 வாரங்கள் எதிர்மறையான கர்ப்ப பரிசோதனைக்கும் புதிய சுழற்சிக்கும் இடையிலான காத்திருப்பு காலத்தில் செய்யப்படும். இந்த ஒவ்வொரு கட்ட சிகிச்சையிலும் செலவு செய்ய வேண்டியிருக்கும். அதனால் வயதுக்கேற்ப முன்கூட்டியே திட்டமிடுவதன் மூலம் ஐவிஎஃப் உங்களுக்கு வெற்றி வாய்ப்பை அளிக்கலாம்.



Source link

Share on Social Media

Leave a Reply

Your email address will not be published. Required fields are marked *