Share on Social Media



பாலியல் துன்புறுத்தலுக்கு ஆளாகும் பெண் குழந்தைகளின் எண்ணிக்கை அதிகரிப்பது போன்றே அவர்கள் தற்கொலை செய்து கொள்வதும் அதிகரித்துள்ளது. எதிலும் லயிப்பில்லாமல் இறுதியில் தற்கொலையை தேடிகொள்ளும் வயதில் அவர்கள் இல்லையென்றாலும் எது அவர்களை தூண்டுகிறது. மன ரீதியாக அவர்களை பாதிக்க செய்வது எது? என்பதை தான் பார்க்க போகிறோம்.

​பாதிக்கப்பட்ட பெண் குழந்தைகள்

பாலியல் துன்புறுத்தலுக்கு ஆளான பெண் குழந்தகளின் மனநிலை எப்படி இருக்கும், ஏன் அவர்கள் பெரும்பாலும் தற்கொலையை தீர்வாக நினைக்கிறார்கள். அதற்கு காரணம் என்ன? தீர்வுகள் என்ன என்பதை விளக்குகிறார் மனநல மருத்துவர் டாக்டர். லஷ்மி விஜயகுமார் MBBS, DPM, Ph.D, FRC (Psych), Founder SNEHA, VHS- Head of Department of Psychiatry Consultant for WHO.

குழந்தைகளை தொடாமலும் பாலியல் துஷ்பிரயோகம் செய்ய முடியும்? பாதுகாப்பதும் மீட்பதும் எப்படி, ஆலோசகர் வழிகாட்டுதல்!

பாதிக்கப்பட்ட பெண் குழந்தைகளுக்கு தற்கொலை எண்ணமும், தற்கொலை முயற்சியும் தற்கொலை செய்து கொள்ளும் எண்ணம் கொண்ட இயல்பான நபர்களை காட்டிலும் 6 மடங்கு அதிகமாக இருக்கும் என்று ஆராய்ச்சிகள் நிரூபித்துள்ளது. அதிலும் இது 6 அல்லது 7 வயதில் தங்கள் வாழ்க்கையில் இந்த பாதிப்பை எதிர்கொண்டாலும் அவர்கள் மூளையில் நன்றாக பதியபட்டிருக்கும்.

அந்த பெண் குழந்தைகளுக்கு 16 வயதிலும் தற்கொலை எண்ணம் தலைதூக்கும். அதற்கு காரணம் மூளையில் இருக்கும் ஹிப்போகேம்பஸ் என்னும் பகுதியில் உண்டாகு தாக்கம் தான்.

​பாதிக்கப்பட்ட பெண்ணின் மனநிலை

samayam tamil Tamil News Spot

பாதிக்கப்பட்ட பெண் இத்தகைய துன்புறுத்தலுக்கு பிறகு அவர்களுக்கு அவர்களையே பிடிக்காமல் போகும். தங்களையே குற்றவாளியாக நினைத்து தன்னம்பிக்கையை இழந்துவிடுவார்கள். பாலியல் குறித்த புரிதல் இல்லாத வயதிலும் கூட அந்த குழந்தைக்கு இந்த எண்ணம் வரக்கூடும்.

தவறு செய்தவனை விட்டு தன்னால் தான் இந்த தவறு நேர்ந்தது என்று மன அதிர்ச்சியை கொண்டிருப்பார்கள். அதிகமான மன குழப்பத்தில் இருக்கும் குழந்தையை அணுகுவது கவனமாக இருக்க வேண்டும்.

​தனித்துவிடப்பட்டதான எண்ணம்

samayam tamil Tamil News Spot

பாதிக்கப்பட்ட பெண் மன அதிர்ச்சி, குழப்பம் போன்றவற்றை தாண்டி தனக்கு நேர்ந்த பாதிப்பை அம்மாவிடம் அல்லது நம்பிக்கைக்குரியவரிடம் சொல்வதே மிகப்பெரிய விஷயம். ஆனால் பெண் குழந்தை சொல்வதை கவனியாமல் இருப்பது, அல்லது கேட்காமல் இருப்பது, கேட்டும் வெளியில் சொன்னால் நமது குடும்பத்துக்கு தான் அசிங்கம் என்று மறைத்து குழந்தைகளை மிரட்டி வைப்பது போன்றவை எல்லாமே குழந்தையின் மன அதிர்ச்சியை மேலும் மோசமாக்கும்.

குறிப்பாக வெளி இடங்களில் (பள்ளி/ கல்லூரி/அலுவலகம்/ உறவினர்/ நண்பர் ) இத்தகைய பிரச்சனையை எதிர்கொள்ளும் போது இதெல்லாம் ஒன்றுமே இல்லை வெளியே சொல்லிக்கிட்டு இருக்காதே என்று அடக்கும் போது அவர்கள் இன்னும் சோர்ந்து போகிறார்கள். யாருடைய உதவியும் ஆதரவும் இல்லாத சூழலில் தனித்துவிடப்பட்டதாகவே நினைக்கிறார்கள்.

​தற்கொலைக்கு காரணம்

samayam tamil Tamil News Spot

மன அதிர்ச்சி, குழப்பம் போன்றவற்றை தாண்டி நடந்த பிரச்சனையை வெளியே சொல்லும் போது அந்த குழந்தைகள் ஆதரவை எதிர்பார்ப்பார்கள். ஆனால் நிலைமை தலைகீழாக மாறும் போது அவர்கள் தனித்து விடப்பட்டதாக உணர்கிறார்கள். தனக்கு யாருமே இல்லை என்னும் நினைப்பை வலுவாக கொண்டுவிடுகிறார்கள்.

தனக்கு நேர்ந்தது வெளியில் தெரிந்தால் அசிங்கமாகிவிடுமோ என்று எண்ணாமல் துணிந்து சொன்ன பிறகும் யாரும் கண்டுகொள்ளாமல் அமைதியாக இருக்க சொல்வது அவர்களை அமைதியற்ற மனநிலைக்கு ஆளாக்கி விடுகிறது. தனிமை, உதவியற்ற நிலையில் அவர்கள் மனம் தற்கொலை எண்ணத்தை தீவிரமாக்குகிறது. இந்த நிலைக்கு செல்லாமல் இருக்க சுற்றியிருப்பவர்களின் ஆதரவு மட்டுமே கை கொடுக்கும்.

​மனதில் நம்பிக்கை கொண்டு வர வேண்டும்

samayam tamil Tamil News Spot

பாதிக்கப்பட்ட பெண் குழந்தையின் பெற்றோர்கள் முதலில் அவர்களது மனநிலையை புரிந்துகொள்ள வேண்டும். நடந்த விஷயத்தில் அவர்கள் மீது எந்த தவறும் இல்லை என்பதை மீண்டும் மீண்டும் சொல்லி மனதில் பதிய வைக்க வேண்டும். பெற்றோர்கள் மட்டும் அல்லாமல் சுற்றியிருப்பவர்களும் அவர்களுக்கு அந்த உறுதியை அளிக்க வேண்டும்.

நடந்த சம்பவத்துக்கும் பாதிக்கப்பட்டவருக்கும் எந்த விதமான தொடர்பும் இல்லை. நடந்தவைக்கு அவர் எந்த வகையிலும் பொறுப்பாக இல்லை என்பதை அனைவருமே உறுதியாக பதியவைக்க வேண்டும். தேவைப்பட்டால் ஒரு மனநல மருத்துவரிடம் ஆலோசனை பெற செய்யலாம். மிக முக்கியமாக அடுத்தடுத்த காலங்களில் இது குறித்து பேச கூடாது. எக்காரணம் கொண்டும் பாதிக்கப்பட்ட பெண்ணை தனிமையில் விடக்கூடாது. பெற்றோர்கள் மற்றவர்களது ஆதரவு மட்டுமே அவருக்கு நம்பிக்கையை அளிக்க கூடும்.

இல்லையெனில் கடந்த கால பாதிப்பால் திருமணத்துக்கு மறுப்பது அப்படியே மீறி நடந்தாலும் திருமண வாழ்க்கைக்கு பிறகு தாம்பத்தியத்தில் ஈடுபாடின்மை போன்ற பிரச்சனைகளை எதிர்கொள்ள வாய்ப்புண்டு.

நீரிழிவு நோயினை கட்டுப்படுத்தும் இந்திய முறை மருத்துவம், சித்த மருத்துவர் தரும் குறிப்புகள்!

கூட்டுக்குடும்பங்கள் சிதைவால் இன்று பெற்றோர்களும் குழந்தைகளும் கூட மனம் விட்டு பேசும் சூழல் குறைந்து வருகிறது. இந்நிலை மாற வேண்டும். பெற்றோர்கள் குழந்தைகளுடன் நேரம் செலவிட வேண்டும். அவர்கள் சொல்வதை காது கொடுத்து கேட்க வேண்டும்.

குழந்தைக்கு பாலியல் குறித்த விழிப்புணர்வை கற்றுத்தர வேண்டும். நண்பராக, உறவினராக, நம்பிக்கையான ஆட்களாக வலம் வரும் எல்லா ஆண்களிடமும் ஒரு எல்லை கோட்டுடன் பழக பெற்றோர்கள் கற்றுத்தர வேண்டும். இது மட்டும்தான் பெண் குழந்தைகளை முதன்மையாக பாதுகாக்கும்.



Source link

Share on Social Media

Leave a Reply

Your email address will not be published. Required fields are marked *