1607538292 pic Tamil News Spot
Share on Social Media


செம்பருத்தி அழகான பூ என்று மட்டும் ஒதுக்கிவிட முடியாது. தாவரங்கள் பூக்களிலிருந்து மருந்துகள் எடுக்கப்படுவதில் செம்பருத்திக்கும் தனி இடமுண்டு. அடர்த்தியான நிறம் கொண்ட இந்த பூக்கள் உடலுக்கு நன்மை செய்ய முடியும் என்று ஆராய்ச்சியாளர்கள் சொல்கிறார்கள். அந்த வகையில் செம்பருத்தி செக்க சிவப்பில் அழகையும் மருத்துவ குணங்களையும் கொண்டிருக்கிறது. இது சருமத்துக்கும் கூந்தலுக்கும் கூட நன்மை செய்கிறது. மலர் மருத்துவத்தில் செம்பருத்தி பொடியையும் பயன்படுத்துகிறார்கள். செம்பருத்தி பொடி தயாரிக்கும் முறை குறித்து பார்க்கலாம்

​செம்பருத்தியில் என்ன இருக்கு

samayam tamil Tamil News Spot

செம்பருத்தி உடலுக்கு செய்யும் நன்மைகள் குறித்து இன்னும் ஆய்வுகள் நடந்துகொண்டிருக்கிறது. இதன் மலர் இலேசான இனிப்புசுவையையும், குளிர்ச்சித்தன்மையும் கொண்டாஇ. செம்பருத்தி உடலின் வெப்பநிலையை கட்டுப்படுத்துவதாக சொல்லப்படுகிறது. இதில் தங்கபஸ்பமும் சேர்ந்துள்ளது என்கிறது சித்தமருத்துவம்.

நோய் தீர்க்கும் சுக்கு சுத்தமாக வீட்டில் தயாரிக்கும் முறை, ஆரோக்கியமும் நிச்சயம்!

இதய நோய், மாதவிடாய் கோளாறு, சிறுநீர் பிரச்சனை, உடல் சூடு, வயிற்றுப்புண், சிறுநீர் எரிச்சல், ரத்த சோகை, கருப்பை கோளாறு, பருவமடைவதில் பிரச்சனை, முடி உதிர்வு , இளநரை போன்ற பிரச்சனைகளுக்கு தீர்வளிக்கிறது. இந்த செம்பருத்தியை தினமும் பறித்து பயன்படுத்துவது சிரமமாக இருக்கிறது என்பவர்கள் செம்பருத்தி பொடியை வீட்டிலேயே தயாரித்து பயன்படுத்தலாம்.

தற்போது கடைகளிலும் செம்பருத்தி பொடி கிடைக்கிறது என்றாலும் இதை வீட்டிலேயே தயாரிக்க முடியும். எப்படி தயாரிப்பது என்று பார்க்கலாம்.

செம்பருத்தி

samayam tamil Tamil News Spot

செம்பருத்தி பூக்களை மொத்தமாக வாங்கி நீரில் அலசி எடுக்கவும். அதன் நீள்வட்ட மகரந்தம் சிலருக்கு ஒவ்வாமையை உண்டாக்கும் என்பதால் அதை நீக்கி விட்டு அலசி எடுக்கவும். பூவை நன்றாக உதறினால் ஒட்டியிருக்கும் நீர்த்துளி வெளியேறும். அகலமான பீங்கான் பாத்திரத்தில் பூக்களை தாரளமாக வைத்து மெல்லிய துணியால் இலேசாக கட்டி முடிச்சு போடவும்.

இதை வெயிலில் வைக்கவும். இதே போல் தொடர்ந்து 4 நாட்கள் நல்ல வெயிலில் வைத்தால் பூக்கள் காய்ந்த சருகு போல் உலர்ந்துவிடும். பூக்களின் இதழ்களையும் தனியாக காயவைக்கலாம்.

காய்ந்த பூவை மிக்ஸியில் இட்டு நைஸாக பொடிக்க வேண்டும். இதை சல்லடையில் சலித்து விடுங்கள். கசடை மீண்டும் மீண்டும் மிக்ஸியில் அடித்து நைஸாக பொடித்து இறுதியாக வரும் கசடை தனியாக எடுத்துவையுங்கள். இதை முகத்துக்கு ஸ்க்ரப் செய்யும் போது பயன்படுத்தலாம். பொடியை காற்றுபுகாத பாட்டிலில் வைத்து 3 மாதங்கள் வரை பயன்படுத்தலாம்.

​எப்போதெல்லாம் பயன்படுத்தலாம்

samayam tamil Tamil News Spot

இதய நோய் பிரச்சனை, படபடப்பு, ரத்தகுழாய் அடைப்பு போன்ற பிரச்சனைகளுக்கு நிவாரணம் தரக்கூடியது இது. வாரத்துக்கு இரண்டு நாட்கள் செம்பருத்தி தேநீர் அல்லது செம்பருத்தி பொடியை தேனில் குழைத்து வெறும் வயிற்றில் சாப்பிடலாம்.

பருவம் அடையாத பெண்கள் ஒழுங்கற்ற மாதவிடாய் பிரச்சனை கொண்டிருப்பவர்கள், கர்ப்பப்பை பிரச்சனை இருப்பவர்கள். 7 நாட்கள் தொடர்ந்து காலையில் வெறும் வயிற்றிலும் மாலையில் உணவுக்கு 3 மணி நேரத்துக்கு முன்பு ஒரு டீஸ்பூன் பொடியை நீரில் கலந்து அல்லது தேனில் குழைத்து சாப்பிடலாம்.

ஆண் மலட்டுத்தன்மை போக்கி தாதுவிருத்தி செய்யும் மூலிகைகள்! என்னென்ன எப்படி சேர்க்கலாம்?

உயர் ரத்த அழுத்தம், கட்டுப்படாத நீரிழிவு கொண்டிருப்பவர்கள் செம்பருத்தி பொடியை நீரில் கலந்து 3 நாள் குடிக்கலாம். பிறகு பரிசோதனை செய்து ரத்த அழுத்தம், சர்க்கரை அளவு இரண்டையும் கவனிக்க வேண்டும். இந்த நோயை கட்டுக்குள் வைப்பவர்கள் மாதம் ஒரு நாள் செம்பருத்தி தேநீர் குடிக்கலாம். ஆனால் மாத்திரைக்கு மாற்றாக இதை எடுக்க கூடாது.

உடல் உஷ்ணம் அதிகமாக இருக்கும் கோடைகாலங்களில் உடலை குளிர்விக்க மோரில் கலந்து குடிக்கலாம்.

​எப்படி எடுத்துகொள்வது

samayam tamil Tamil News Spot

செம்பருத்தி பொடியை பயன்படுத்தி தேநீர் தயாரிகலாம். நாள் ஒன்றுக்கு ஒரு நபர் 500 மி.கிராம் அளவு தேநீருக்கு மேல் குடிக்க கூடாது. இதை எப்போதும் உணவுக்கு 30 நிமிடங்களுக்கு முன்பு எடுத்துகொள்ள வேண்டும். உடல் ஆரோக்கியத்துக்காக இதை எடுத்துகொள்பவர்கள் காலையில் வெறும் வயிற்றில் இதை எடுத்துகொள்ளலாம்.

தேநீராகத்தான் குடிக்க வேண்டும் என்றில்லை. மிதமான வெந்நீரில் இப்பொடியை கலந்து தேன் சேர்த்தும் குடிக்கலாம். வளரும் குழந்தைகளுக்கு செம்பருத்தி பொடி கொடுப்பதற்கு முன்பு மருத்துவரின் ஆலோசனை அவசியம். பெரியவர்கள் நாள் ஒன்றுக்கு 500 மி.கிராம் அளவு எடுக்கலாம். அதற்கு மேல் பயன்படுத்தகூடாது.

எச்சரிக்கை

samayam tamil Tamil News Spot

அளவுக்கு மீறி பயன்படுத்தினால் கல்லீரல் பாதிப்புக்குள் ளாகலாம். ரத்த அழுத்தம் குறையலாம். நீரிழிவு நோயாளிகள் எடுத்துகொள்வதாக இருந்தால் மருத்துவரின் ஆலோசனையோடு எடுக்க வேண்டும் ஏனெனில் இது ரத்தத்தில் சர்க்கரை அளவை குறைக்க செய்யும்.

மலம் கழிக்கும் போது சிக்கலா இருக்கா, அத்திப்பழம் தேன் சேர்த்து எடுத்துக்கங்க, தயாரிப்பு முறையும் பயனும்!

குறைந்த ரத்த அழுத்தம் கொண்டிருப்பவர்களுக்கு மேலும் அவை குறையக்கூடும். அறுவை சிகிச்சைக்கு தயாராகுபவர்கள் முன்கூட்டியே 2 வாரங்களுக்கு முன்னரே செம்பருத்தி பொடியை பயன்படுத்துவதை தவிர்க்க வேண்டும்.

கூந்தலுக்கு ஹேர் டை பொடும் போதும், சருமத்துக்கும் இந்த பொடியை தயக்கமில்லாமல் எல்லோருமே பயன்படுத்தலாம்.ஆனால் நோய்க்காக வைத்தியமாக பயன்படுத்தும் போது மருத்துவரை கலந்தாலோசித்து பயன்படுத்த வேண்டும்.

Thanks for the Source

Share on Social Media

Leave a Reply

Your email address will not be published. Required fields are marked *