Share on Social Media


தமிழகத்தில் அடுத்த ஆண்டு சட்டமன்ற தேர்தல் நடைபெறவுள்ளது. இதையொட்டி அரசியல் கட்சிகள் களப் பணிகளைத் தொடங்கியுள்ளன. கூட்டணி பேச்சுவார்த்தைகள், தேர்தல் அறிக்கை தயாரிப்பு, பிரசாரக் கூட்டங்கள் என அரசியல் கட்சிகள் களமாடி வருகின்றன. ஜெயலலிதா, கருணாநிதி இல்லாத முதல் சட்டமன்ற தேர்தல் என்பதால் ஆளும் அதிமுக மற்றும் பிரதான எதிர்க்கட்சிக்கு இந்த தேர்தல் மிகவும் முக்கியமானதாக பார்க்கப்படுகிறது.

இந்த கட்சிகளை தவிர கமல்ஹாசனின் மக்கள் நீதி மய்யம், சீமானின் நாம் தமிழர் கட்சி, டிடிவி தினகரனின் அமமுக உள்ளிட்ட கட்சிகளும், அதிமுக, திமுக கூட்டணியில் உள்ள கட்சிகளும் தேர்தல் வேலைகளை பார்க்கத் தொடங்கி விட்டன. தொகுதிகளின் பலம், பலவீனம், வேட்பாளர்கள் தேர்வு, பிரச்சார யுக்தி உள்ளிட்ட பல்வேறு விஷயங்களில் அரசியல் களத்தில் அரங்கேறி வருகிறது.

இந்த நிலையில், எதிர்வரவுள்ள தேர்தலில் தனித்து போட்டி என அறிவித்துள்ள நாம் தமிழர் கட்சியின் தலைமை ஒருங்கிணைப்பாளர் சீமான், மு.க.ஸ்டாலின் எங்கு போட்டியிடுகிறாரோ அந்த தொகுதியில் அவரை எதிர்த்து போட்டியிடுவேன் என்றும் தெரிவித்துள்ளார்.

பொதுத் தேர்வும், பள்ளிகள் திறப்பும்: அமைச்சர் சொன்ன முக்கிய அறிவிப்பு!

ஸ்டாலினை பொறுத்தவரை 1989, 1996, 2001 மற்றும் 2006 ஆகிய ஆண்டுகளில் ஆயிரம் விளக்கு தொகுதியில் போட்டியிட்டு வெற்றி பெற்றவர். அதன்பிறகு 2011ஆம் ஆண்டிலும், கடந்த 2016ஆம் ஆண்டு தேர்தலிலும் கொளத்தூர் தொகுதியில் போட்டியிட்டு வெற்றி பெற்றார். எனவே, இந்த முறை மீண்டும் அவர் கொளத்தூர் தொகுதியிலேயே களமிறங்க அதிக வாய்ப்புகள் இருப்பதாக கூறப்படுகிறது. ஒருவேளை ஸ்டாலின் கொளத்தூர் தொகுதியில் போட்டியிட்டால் சீமானும் அதே தொகுதியில் போட்டியிடுவார் என்று தெரிகிறது.

கடந்த 2010ஆம் ஆண்டு அரசியல் கட்சியாக நாம் தமிழர் உருவெடுத்தது. இதையடுத்து வந்த 2011 சட்டமன்ற தேர்தல், 2014 மக்களவை தேர்தல்களில் போட்டியிடவில்லை. முதல் முறையாக 2016ஆம் ஆண்டு சட்டமன்ற தேர்தலில் 234 தொகுதிகளிலும் வேட்பாளர்களை நிறுத்தி தனித்து போட்டியிட்டு 1.08 சதவீதம் வாக்குகளை பெற்றது. தொடர்ந்தும் 2019ஆம் ஆண்டு மக்களவை தேர்தலில் 40 தொகுதிகளில் போட்டியிட்டு தனது வாக்கு வங்கியை 3.87 சதவீதமாக அதிகரித்துக் கொண்டது.

எடப்பாடிக்கு டெல்லி கொடுத்த ஷாக்: நிர்மலா முதல்வர் வேட்பாளரா?

ஆனால், திமுகவை பொறுத்தவரை 41.35 சதவீத வாக்கு வங்கியை வைத்துள்ளது. தொகுதி மறுசீரமைப்பில் உருவான கொளத்தூர் தொகுதி, 2011, 2016 என இதுவரை இரண்டு முறை மட்டுமே தேர்தலை சந்தித்துள்ளது. இதில் இரண்டு முறையும் திமுக சார்பில் போட்டியிட்டு ஸ்டாலினே வெற்றி பெற்றுள்ளார். திமுகவின் கோட்டையான கொளத்தூர் தொகுதியில் கடந்த தேர்தலில் வெற்றி பெற்ற ஸ்டாலின், 91,303 வாக்குகளை பெற்றிருந்தார். ஆனால், கடலூர் தொகுதியில் போட்டியிட்ட சீமான் 12,497 வாக்குகளையே பெற்றிருந்தார். எனவே, ஸ்டாலினை எதிர்த்து சீமான் போட்டியிட்டால் அவரது வெற்றிக்கு வாய்ப்பில்லை என்கிறார்கள் அரசியல் நோக்கர்கள்.



Thanks for the source

Share on Social Media

Leave a Reply

Your email address will not be published. Required fields are marked *