Share on Social Media



உலகளவில் சர்க்கரை நோயாளிகளின் எண்ணிக்கை அதிகம் கொண்ட நாடுகளில் இந்தியாவும் ஒன்று. சர்க்கரை நோய் குறித்த விழிப்புணர்வு இருந்தாலும் இந்நோய் பாதிப்பு அதிகம் வருவதற்கு நமது வாழ்க்கை முறையும் காரணம். அதில் ஒன்று நீண்ட நேரம் உட்கார்ந்தபடி வேலை செய்வது என்கிறார் ஆயுர்வேத மருத்துவ நிபுணர் டாக்டர். G.K.தாராஜெயஸ்ரீ BAMS தரும் குறிப்புகளை இந்த பதிவில் பார்க்கலாம்.

​உடல் செயல்பாடு அவசியம்

உடல் செயல்பாடுகளுடன் உட்கார்ந்த நிலைக்கு மாற்றாக உடல் பயிற்சியில் ஈடுபடுவது நாள்பட்ட நோய் மற்றும் இறப்பு அபாயத்தை குறைக்கலாம். நீண்ட நேரம் உட்காரும் காலங்களில் சரியான நேரத்தில் இடைவெளிகளை எடுத்துகொள்வது, மதிய உணவு நேரத்தில் நடப்பது, அவ்வபோது நிற்பது போன்றவற்றை கடைப்பிடிகக வேண்டும்.

உலக நீரிழிவு தினம் 2021 : சர்க்கரை அதிகரித்தால் ஏற்படும் மோசமான பாதிப்புகள்! கண்டிப்பா தெரிஞ்சுக்கங்க, விழிப்புணர்வா இருங்க!

அதே நேரம் வீட்டிலும் அதிக நேரம் டீவி பார்க்கும் நேரத்தை குறைப்பதன் மூலம் உங்கள் உடல் செயல்பாடுகளை அதிகரிக்க செய்யலாம்.

​உடல் பருமன் மற்றும் செயலற்ற தன்மை

samayam tamil Tamil News Spot

உடல் செயல்பாடுகளில் குறைவு மற்றும் உடல் பருமன் இரண்டும் நீரிழிவு நோய்க்கான ஆபத்துகளை உண்டாக்கும் காரணியாகும். அதிகப்படியான கொழுப்பு உடலில் தேங்கும் போது கொழுப்பு மற்றும் கல்லீரலின் இன்சுலின் உணர்திறன் குறைவதற்கு வழிவகுக்கிறது. தொடர்ந்து குளுக்கோஸ் அளவுகள், இன்சுலின் எதிர்ப்பு மற்றும் டைப் 2 நீரிழிவு உண்டாகிறது.

இன்சுலின் எதிர்ப்பு உட்பட உடலின் வளர்சிதை மாற்றத்தில் ஏற்படும் மாற்றங்கள் நீண்ட நேரம் உட்கார்ந்திருப்பதால் டைப் 2 நீரிழிவு அபாயம் உண்டாக்கலாம். டைப்2 நீரிழிவு நோயில் நீண்ட நேரம் உட்கார்ந்திருப்பது அதிக இரத்த சர்க்கரை அளவுகளுடன் இணைக்கப்பட்டுள்ளது.

பலரும் நாள் முழுவதும் பெரும்பகுதியை உட்கார்ந்து தான் கழிக்கிறார்கள். இது பலவித உடல்நல பிரச்சனைகளை உண்டாக்கலாம். அதிலும் அதிகமாக உட்கார்ந்துகொண்டே இருப்பது டைப்2 நீரிழிவு போன்ற சில சுகாதார நிலைமைகளை மோசமாக்கும். அதிக நேரம் உட்கார்ந்திருப்பது இரத்த சர்க்கரை அளவை குறைப்பதில் சிக்கல்களை ஏற்படுத்தும் என்று ஆராய்ச்சி காட்டுகிறது. டைப்2 நோயாளிகள் அதிக உடல் செயல்பாடுகளை பெறுவது முக்கியமானது.

டைப் 2 நீரிழிவு

-2-

டைப்2 நீரிழிவு என்பது இரத்தத்தில் குளுக்கோஸ் அளவு அதிகமாகிறது. நீரிழிவு நோய் கட்டுக்குள் இல்லாமல் இருக்கும் போது அது இதயம், சிறுநீரகம் உட்பட உங்கள் உடலுக்கு கடுமையான சேதத்தை உண்டாக்கும். மேலும் கண்கள், பாதங்கள் மற்றும் நரம்புகளில் மோசமான பாதிப்பை உண்டாக்கும். டைப் 2 நீரிழிவு அபாயம் கொண்டவர்கள் இந்த பாதிப்பை தவிர்ப்பதற்கு இரத்த சர்க்கரை அளவை கட்டுக்குள் வைத்திருக்க வேண்டும். இது ஒவ்வொருவருக்கும் ஒவ்வொரு விதமான பாதிப்புகளை உண்டாக்கலாம்.

அதிலும் வயது. பாலினம், செயல்பாட்டு நிலைகள், உணவு மற்றும் எடை போன்ற பல்வேறு காரணங்களை பொறுத்து மாறுபடும். அதனால் டைப்2 நீரிழிவு நோயாளிகள் வாழ்க்கை முறை காரணிகளை கடைபிடிப்பது முக்கியம். குறிப்பாக எவ்வளவு நேரம் உட்கார்ந்தபடி இருக்கிறார்கள் என்பதும் இதில் அடங்கும்.

​உடல் செயல்பாடு

samayam tamil Tamil News Spot

ஒருவர் வழக்கமான வேகத்தில் ஒவ்வொரு முறையும் 15 நிமிடங்களுக்கு ஒரு முறை 3 நிமிடங்கள் நடக்க வேண்டும். இது அவர்களது இரத்த சர்க்கரையை கட்டுப்படுத்த உதவுவதற்கு போதுமானதாக இருக்கும். இது நீரிழிவு நோய்க்கு மருந்துகள் போல் பயனுள்ளதாக இருக்கும். 15 நிமிடங்களுக்கு குறைவாக உட்கார்ந்திருப்பது இரத்தத்துக்கு சிறந்தது என்று மற்ற ஆராய்ச்சிகள் காட்டுகின்றன.

சர்க்கரை அளவு நடைப்பயிற்சி மற்றும் பிற வகையான உடற்பயிற்சிகள் இரத்த சர்க்கரை அளவை ஒழுங்குப்படுத்துவதற்கு மிகவும் நல்லது. இது உடலின் தசைகளை வேலை செய்ய வைக்கிறது. இந்த இயக்கம் தசைகள் சுருங்குவதற்கு காரணமாகிறது. இதனால் இரத்தத்தில் உள்ள குளுக்கோஸை உயிரணுக்களுக்குள் நுழைய அனுமதிக்கிறது. இதனால் இறுதியாக இரத்த சர்க்கரை அளவை குறைக்கிறது.

​நீரிழிவு அபாயம் யாருக்கு

samayam tamil Tamil News Spot

தற்போது கொரோனாவால் பலரும் வீட்டிலிருந்து வேலை செய்கிறார்கள். இதனால் நாள் ஒன்றுக்கு பல மணி நேரம் வரை உட்கார்ந்த படி வேலை செய்யும் சூழல் உருவாகியுள்ளது. இதனால் டைப் 2 நீரிழிவு அபாயம் ஏற்பட்டுள்ளது.

வீட்டில் உட்கார்ந்த நிலையில் பணி செய்பவர்கள் அடிக்கடி நின்று நடப்பது முக்கியம். இது எளிதான உடல் செயல்பாடு. அதோடு நாள் முழுவதும் உட்கார்ந்திருக்கும் முறைகளில் சிறிய மாற்றங்கள் கூட ஆச்சரியமான நன்மை அளிக்கும். குறிப்பாக இரத்தத்தின் சர்க்கரை அளவு அதிகரிக்காமல் பார்த்துகொள்ளும்.

மழைக்காலத்தில் கண்டிப்பாக தயிர், மோர் சேர்க்க வேண்டும்? ஏன்? எப்படி? ஊட்டச்சத்து நிபுணர் அறிவுரை!

உட்கார்ந்த படி வேலை செய்பவர்கள் அவ்வபோது தண்ணீர் குடிப்பது, தேநீர் குடிப்பது என இடைவெளிவிட்டு எழுந்து நடப்பது சிறந்த பயிற்சியாக இருக்கும். இயன்றால் அவ்வபோது நின்று கொண்டே இருப்பது கூட நல்ல யோசனையாக இருக்கலாம்.

இந்த கோவிட் தொற்று நோய்களின் காலத்தில் வீட்டில் இருந்து நீண்ட நேரம் உட்கார்ந்தபடி பணி புரிபவர்கள், நீரிழிவு அபாயத்தை அதிகமாகவே எதிர்கொண்டிருக்கிறார்கள். உட்கார்ந்த படி வேலை செய்வதும், உடல் உழைப்பு குறைந்து காணப்படுவதும் முக்கிய காரணம். அதனால் உடல் செயல்பாடுகளில் கவனம் செலுத்துவது ஆரோக்கியத்துக்கு வழிவகுக்கும்.



Source link

Share on Social Media

Leave a Reply

Your email address will not be published. Required fields are marked *