Share on Social Media


ஹைலைட்ஸ்:

  • நடிகை சரண்யா சசியின் நிலைமை கவலைக்கிடம்
  • கொரோனா பாதிப்பால் மருத்துவமனையில் இருக்கும் சரண்யா சசி
  • சரண்யா சசிக்காக ரசிகர்கள் பிரார்த்தனை

பச்சை என்கிற காத்து படம் மூலம் கோலிவுட்டுக்கு வந்தவர் கேரளாவை சேர்ந்த சரண்யா சசி. அவர் பல மலையாள படங்களில் நடித்திருக்கிறார். படங்கள் தவிர்த்து தொலைக்காட்சி தொடர்களிலும் நடித்துள்ளார்.

சரண் சசி கடந்த 2012ம் ஆண்டில் இருந்து மூளை கட்டி பிரச்சனையால் அவதிப்பட்டு வருகிறார். அதற்காக அவருக்கு இதுவரை 11 முறை அறுவை சிகிச்சை நடந்திருக்கிறது.

அவரின் அறுவை சிகிச்சைகளுக்கு முதலில் நண்பர்கள் மற்றும் மலையாள சின்னத்திரை கலைஞர்கள் சங்கம் நிதியுதவி செய்தது. ஆனால் அவருக்கு அடிக்கடி அறுவை சிகிச்சை நடந்ததால் பண பிரச்சனையானது.

இந்நிலையில் அவருக்கு கொரோனா வைரஸ் பாதிப்பு ஏற்பட்டு திருவனந்தபுரத்தில் இருக்கும் தனியார் மருத்துவமனை ஒன்றில் கடந்த மே மாதம் 23ம் தேதி அனுமதிக்கப்பட்டார். அங்கு அவரின் நிலைமை மோசமடையவே செயற்கை சுவாசம் பொருத்தப்பட்டுள்ளது.

சரண்யாவின் நிலைமை கவலைக்கிடமாக இருப்பதாக அவரின் தோழியான நடிகை சீமா நாயர் தெரிவித்துள்ளார். மேலும் சரண்யாவுக்காக பிரார்த்தனை செய்யுமாறு சீமா, ரசிகர்களை கேட்டுக் கொண்டுள்ளார்.

சரண்யா சசியின் நிலை குறித்து அறிந்த பிரபலங்களும், ரசிகர்களும் கவலை அடைந்துள்ளனர். ஏற்கனவே மூளையில் கட்டி, தைராய்டு பிரச்சனை என்று அவதிப்பட்டு வந்த சரண்யாவுக்கு தற்போது கொரோனாவால் இப்படி ஒரு நிலையா என்று ரசிகர்கள் ஃபீல் பண்ணுகிறார்கள்.

முன்னதாக கடந்த 2012ம் ஆண்டு படப்பிடிப்பு தளத்தில் மயங்கி விழுந்தபோது தான் சரண்யாவுக்கு பரிசோதனை செய்து பார்த்ததில் மூளையில் கட்டி இருப்பது தெரிய வந்தது. அறுவை சிகிச்சை செய்து நீக்கினாலும் அது மீண்டும் வந்து கொண்டே இருக்கிறது. அதனால் தான் சரண்யாவுக்கு மீண்டும் மீண்டும் அறுவை சிகிச்சை செய்யப்படுகிறது.
பிரபல இயக்குநரின் 20 வயது மகன் பைக் விபத்தில் பலி



Source link

Share on Social Media

Leave a Reply

Your email address will not be published. Required fields are marked *