Share on Social Media

இந்த கோடைகால வெப்பத்தை நாம் தாங்கி கொள்ள பழங்களே நமக்கு உதவியாக உள்ளன. ஆனால் பழங்களை தேர்ந்தெடுக்கும்போது எப்போதுமே நாம் பிரபலமான சில பழங்களையே தேர்ந்தெடுக்கிறோம். இதனால் சில பிரபலமற்ற பழங்கள் புறக்கணிக்கப்படுகின்றன. அப்படி ஒரு பழம்தான் சப்போட்டா. இது இந்தியாவில் அதிக பகுதிகளில் கிடைக்க கூடிய பழமாக உள்ளது.

​சப்போட்டா பழம்

சாதரணமாக சப்போட்டா பழத்தை அதன் தோற்றம் காரணமாகவே அதிகமான மக்கள் வாங்குவதில்லை. மேலும் சிலர் விலை மலிவாக இருப்பதால் இது குறைந்த ஆரோக்கிய நன்மைகளை கொண்டிருக்கும் என நினைக்கின்றனர். சப்போட்டாவில் கால்சியம் சத்து நிறைந்து காணப்படுகிறது. மேலும் எலும்புகளை வலுப்படுத்த உதவும் மெக்னீசியம், பொட்டாசியம், துத்தநாகம், தாமிரம், பாஸ்பரஸ் மற்றும் செலினியம் போன்ற தாதுக்களும் இதில் அதிகமாக கிடைக்கின்றன.

மேலும் சப்போட்டாவில் ஆண்டி ஆக்ஸிடண்ட்கள் உள்ளன. இதில் வைட்டமின் ஏ, பி, சி ஆகியவையும் நிறைந்துள்ளது. சப்போட்டா நோய் எதிர்ப்பு சக்தியை அதிகரிக்கவும் உதவுகிறது.

​சப்போட்டா நன்மைகள்

samayam tamil Tamil News Spot

சப்போட்டா அதிகமான அளவில் ஃபைபர் சத்துக்களை கொண்டுள்ளது. இதனால் இந்த பழம் செரிமான சக்தியை மேம்படுத்தவும் மல சிக்கலை சரி செய்யவும் உதவுகிறது. மேலும் இது குடல் தொடர்பான நோய்களையும் தடுக்கிறது.

இரத்த அழுத்தத்தை குறைப்பதில் சப்போட்டா முக்கிய பங்கை கொண்டுள்ளது. சப்போட்டாவில் மெக்னீசியம் மற்றும் பொட்டாசியம் நிறைந்து காணப்படுகிறது. இரத்த நாளங்களின் இயல்பான செயல்பாட்டிற்கு மெக்னீசியம் உதவுகிறது. கூடுதலாக இதில் இரும்பு சத்துக்களும் நிறைந்துள்ளது. எனவே இரத்த சோகை போன்ற பிரச்சனைகள் ஏற்படாமல் உடலை இது பாதுகாக்கிறது.

​முடி மற்றும் சரும ஆரோக்கியத்திற்கு உதவுகிறது

samayam tamil Tamil News Spot

சப்போட்டா முடி மற்றும் சருமத்திற்கு சிறந்த பழமாக உள்ளது. இது உடலில் உள்ள நச்சுக்களை நீக்க உதவுகிறது. இதனால் முடி மற்றும் சருமமானது ஆரோக்கியமாகவும் ஈரப்பதமாகவும் இருக்க சப்போட்டா உதவுகிறது. மேலும் இது கொலாஜன் உற்பத்தியை ஊக்குவிக்கிறது. இவை சருமத்தில் சுருக்கங்கள் ஏற்படாமல் தடுக்கின்றன.

​உணவில் சப்போட்டா சேர்த்தல்

samayam tamil Tamil News Spot

உங்கள் உணவில் சப்போட்டாவை சேர்ப்பது மிகவும் எளிது ஆகும். நீங்கள் உடற்பயிற்சி செய்து முடித்த பிறகு சப்போட்டாவை ஜூஸ் செய்து குடிக்கலாம். அல்லது காலை உணவோடு சப்போட்டாவை எடுத்துக்கொள்ளலாம். மாலை சிற்றுண்டிக்கு பதிலாக சப்போட்டாவை சாலட் செய்து உண்ணலாம். சப்போட்டாவை உங்கள் உணவில் சேர்ப்பதன் மூலம் பல ஆரோக்கிய நன்மைகளை பெற முடியும். மேலும் இது எளிதாக கிடைக்க கூடிய பழம். விலையும் குறைவானது என்பதால் அனைவரும் இதை எளிதாக தங்கள் உணவுகளில் சேர்த்துக்கொள்ள முடியும்.

Thanks for the Source

Share on Social Media

Leave a Reply

Your email address will not be published. Required fields are marked *