Share on Social Media


ஹைலைட்ஸ்:

  • கண்டா வரச் சொல்லுங்க பாடல் உரிமையாளரின் குடும்பம் கவலை
  • சந்தோஷ் நாராயணன் நன்றி சொன்னால் எல்லாம் சரியாகிவிடுமா?
  • விஸ்வரூபம் எடுக்கும் கண்டா வரச் சொல்லுங்க பாடல் விவகாரம்

தற்போது எல்லாம் புதுப்பாடல் வெளியானால் அதன் டியூனை எங்கிருந்து காப்பியடித்திருக்கிறார்கள் என்று ரசிகர்கள் தேடிக் கண்டுபிடித்து வெளிச்சம் போட்டுக் காட்டும் அவல நிலை உள்ளது. இந்நிலையில் மாரி செல்வராஜ் இயக்கத்தில் தனுஷ் நடித்திருக்கும் கர்ணன் படத்தில் வரும் கண்டா வரச் சொல்லுங்க பாடலின் லிரிக்கல் வீடியோவை அண்மையில் வெளியிட்டனர்.

அந்த வீடியோவை பார்த்த ரசிகர்களோ இது மறைந்த தேக்கம்பட்டி சுந்தர்ராஜன் பாடிய கண்டா வரச் சொல்லுங்க, மணிகண்டனை கண்டா வரச் சொல்லுங்க பாடலாச்சே என்றார்கள். இப்படி மனசாட்சியே இல்லாமல் ஐயப்பன் பாடலை திருடியிருக்கிறாரே சந்தோஷ் நாராயணன் என புகார் எழுந்தது.

அந்த பாடலில், தேக்கம்பட்டி சுந்தர்ராஜுனுக்கு நன்றி என்று குறிப்பிட்டிருந்தார்கள். நன்று சொன்னால் அது திருட்டு இல்லை என்றாகிவிடுமா என இசை ரசிகர்கள் கேள்வி எழுப்பினார்கள்.

இந்நிலையில் இந்த இசை திருட்டால் தேக்கம்பட்டி சுந்தர்ராஜன் குடும்பத்தார் வேதனை அடைந்துள்ளனர்.

எங்கப்பாவின் பாடலை பயன்படுத்திவிட்டு நன்றி என தெரிவித்துள்ளனர். எங்களுக்கு பணமோ, பொருளோ கிடைக்கவில்லை என்று சுந்தர்ராஜனின் மகள் தெரிவித்துள்ளார்.

சூப்பர் சிங்கரில் பயன்படுத்தியதற்கும், சினிமாவில் பயன்படுத்துவதற்கும் எங்களுக்கு யாரும் எதுவும் கொடுக்கவில்லை. எங்களுக்காக இது குறித்து கேட்கவும் ஆள் இல்லை. அவரின் உழைப்பை யாரோ பயன்படுத்துவது வேதனையாக இருக்கிறது.

எங்க அப்பாவின் பாடல்களை பயன்படுத்துவதற்கு முன்பு எங்களிடம் யாரும் அனுமதி கேட்பது இல்லை.

வேதனையாக இருந்ததாலும் குறைந்த பட்சம் நன்றி என்று சொல்லியிருப்பது ஆறுதலாக இருக்கிறது. எங்க அப்பா பாட்டை பயன்படுத்தி கோடிகளில் சம்பாதிக்கிறார்கள். ஆனால் நாங்கள் வறுமையில் அல்லாடிக் கொண்டிருக்கிறோம்.

இந்த இசை திருட்டை எதிர்த்து சட்ட நடிவடிக்கை எடுப்பது எப்படி என்று தெரியவில்லை என்கிறார்கள் வாரிசுகள்.

தேக்கம்பட்டி சுந்தர்ராஜனின் குடும்பத்தினர் சின்ன வீட்டில் வசிப்பதை பார்த்த இசை ரசிகர்களோ, அவர் பாடலை திருடுபவர்கள் மாளிகையில் வாழ்கிறார்களே, இது நியாயமே இல்லை என தெரிவித்துள்ளனர்.

கண்டா வரச் சொல்லுங்க, சுந்தர்ராஜன் பாடலை திருடிய சந்தோஷ் நாராயணனை கண்டா வரச் சொல்லுங்க என்று இசை ரசிகர்கள் தொடரந்து கூறி வருகிறார்கள். ஆனால் இந்த புகார் குறித்து சந்தோஷ் நாராயணன் இதுவரை பதில் அளிக்கவில்லை.
உங்களுக்கு தெரியாதா, இல்ல தெரியாத மாதிரி நடிக்கிறீங்களா தனுஷ்?



Source link

Share on Social Media

Leave a Reply

Your email address will not be published. Required fields are marked *