Share on Social Media


ஹைலைட்ஸ்:

  • மக்கள் வரிப் பணத்தில் காலை உணவு
  • பிரதமரின் செலவுகள் குறித்து பின்லாந்து போலீஸ் விசாரணை

பின்லாந்து நாட்டின் பிரதமர் சன்னா மரினின் காலை உணவுக்கு மக்கள் வரிப் பணத்தில் சட்டவிரோதமாக செலவு செய்யப்படுவதாக அந்நாட்டை சேர்ந்த Iltalehti என்ற ஊடகம் தகவல் வெளியிட்டது. இந்நிலையில், இவ்விவகாரம் குறித்து விசாரணை நடத்தப்படும் என பின்லாந்து காவல்துறை தெரிவித்துள்ளது.

பிரதமர் சன்னா மரின் தங்கியிருக்கும் அரசு இல்லத்தில் ஒவ்வொரு மாதமும் காலை உணவுக்காக 300 யூரோ அரசு பணத்தில் இருந்து செலவு செய்வதாக குற்றச்சாட்டு எழுந்துள்ளது. இவ்விவகாரம் பின்லாந்தில் பெரும் பரபரப்பை ஏற்படுத்தியுள்ளது.

இருப்பினும், தான் எந்தவொரு விதிமுறையையும் மீறவில்லை எனவும், முந்தைய பிரதமர்களும் இதே சலுகையை அனுபவித்ததாகவும் பிரதமர் சன்னா மரின் தெரிவித்துள்ளார். அவர் ட்விட்டரில், “ஒரு பிரதமராக நான் இந்த சலுகையை கேட்கவில்லை. இதுபற்றி முடிவெடுக்கும் அதிகாரமும் எனக்கில்லை.

நாய்களிடம் பரவும் கொரோனா.. இப்போது மனிதர்களுக்கு தாவியது.. அடுத்த ஆபத்தா?
நான் பதவிக்கு வந்தபோது எனக்கான சலுகைகள் பற்றி என்னிடம் தெரிவிக்கப்பட்டது. இதே சலுகைகளை முந்தைய பிரதமர்களும் அனுபவித்துள்ளனர். அதிகாரிகளிடம் இருந்து பெற்ற தகவலின்படி இச்சலுகையை பெற்றேன்.

நானாக கட்டணம் எதையும் செலுத்தவில்லை. பிரதமர் அலுவலகமும், அதன் அதிகாரிகளும்தான் நேரடியாக கட்டணம் செலுத்தியுள்ளனர்” என்று தெரிவித்துள்ளார். எனினும், இவ்விவகாரம் குறித்து முறையாக விசாரணை நடத்தப்படும் என பின்லாந்து காவல்துறை தெரிவித்துள்ளது.



Source link

Share on Social Media

Leave a Reply

Your email address will not be published. Required fields are marked *