1604325670 pic Tamil News Spot
Share on Social Media

தியேட்டர்களில் படம் பார்ப்பது குறித்து இயக்குநர் சஞ்சய் பாரதி கூறியதாவது,

என் தந்தையுடன் சேர்ந்து படங்கள் ரிலீஸான நாளே பார்த்ததுடன், ப்ரீமியர் ஷோக்களிலும் பார்த்திருக்கிறேன். நான் 12ம் வகுப்பு படித்தபோது தான் முதல் நாள் முதல் காட்சி பார்த்த அனுபவம் கிடைத்தது. அது கடந்த 2006ம் ஆண்டு வெளியான சிம்புவின் வல்லவன் படம்.

மன்மதன் சூப்பர் ஹிட் படம் கொடுத்த சிம்பு இயக்குநர் ஆனதால் எதிர்பார்ப்பு அதிகம் இருந்தது. நான் கமலா தியேட்டரில் வல்லவன் படம் பார்த்தேன். பயங்கர கூட்டமாக இருந்தது. மன்னன் படத்தில் ரஜினியும், கவுண்டமணியும் டிக்கெட் வாங்கும் காட்சி போன்று தான் இருந்தது. பிரிண்ட் வர தாமதமானதால் கூட்டத்தை கட்டுப்படுத்த முடியவில்லை. இதையடுத்து போலீசார் லத்தியால் அடித்தார்கள்.

நானும், என் நண்பர்களும் ஒரு ஓரமாக நின்று கொண்டிருந்த போதிலும் போலீசார் எங்களையும் அடித்தார்கள். சிம்பவும், இயக்குநர் ஷங்கரும் படம் பார்க்க வந்திருந்தார்கள். படம் துவங்கியதும் ரசிகர்கள் செய்த ஆரவாரத்தில் ஒன்னுமே கேட்கவில்லை. சிம்பு, ரீமா சென்னை எதிர்த்து பேசும் காட்சிகளில் தியேட்டர் அதிர்ந்தது.

sanjay bharathi

அந்த அனுபவத்தை என்னால் மறக்க முடியாது என்று நினைக்கிறேன். என் அடுத்த எஃப்.டி.எஃப்.எஸ். அனுபவம் ரஜினிகாந்தின் சிவாஜி படம்.

தியேட்டரில் படம் பார்த்து ரசிப்பது வித்தியாசமான அனுபவம். எனக்கு தியேட்டர்களில் படம் பார்க்கத் தான் பிடிக்கும். பெரும்பாலான நேரம் நான் தனியாக தான் படம் பார்க்க செல்வேன். நான் தற்போது இயக்குநர் ஆகிவிட்டாலும் ஒரு படத்தை தியேட்டரில் முதல் முறை பார்க்கும் போது சாதாரண ரசிகர் போன்று தான் பார்ப்பேன். லாக்டவுன் நேரத்தில் ஓடிடியில் படம் பார்த்தது தியேட்டரில் பார்த்தது போன்று இல்லை.

மீண்டும் தியேட்டர்கள் திறக்கப்படுவதில் மகிழ்ச்சியாக இருக்கிறது. நவம்பர் 10ம் தேதி தியேட்டர்கள் திறக்கப் போவதால் சந்தோஷத்தில் இருக்கிறேன். நவம்பர் 10ம் தேதி என் பிறந்தநாள் என்பது இரட்டை சந்தோஷம். பழைய படத்தை பார்க்க தியேட்டருக்கு செல்ல மாட்டேன். ஆனால் புதுப்படம் ரிலீஸானதும் கண்டிப்பாக செல்வேன் என்றார்.

கல்யாணமான ஒரே நாளில் காஜல் இப்படி ஆகிட்டாரே!!!

Thanks for the Source

Share on Social Media

Leave a Reply

Your email address will not be published. Required fields are marked *