Share on Social Media


ஹைலைட்ஸ்:

  • பாகிஸ்தான் ஆட்சிப் பணியில் இந்துப் பெண்
  • புதிய வரலாறு படைத்த சனா ராம்சந்த்

பாகிஸ்தானில் முதல்முறையாக ஒரு இந்து பெண் ஆட்சிப் பணிக்கு வந்துள்ளார். இந்தியாவில் ஐஏஎஸ், ஐபிஎஸ் போன்ற ஆட்சிப் பணிகளுக்கு யூபிஎஸ்சி தேர்வு நடத்தி வருகிறது. இதேபோல, பாகிஸ்தானிலும் ஆட்சிப் பணிகளுக்கு சிஎஸ்எஸ் தேர்வு நடத்தி வருகிறது.

பாகிஸ்தானில் மிகக் கடினமான தேர்வுகளில் ஒன்றாக இத்தேர்வு கருதப்படுகிறது. இந்நிலையில், பாகிஸ்தானை சேர்ந்த சனா ராம்சந்த் குல்வானி என்ற பெண் பாகிஸ்தான் ஆட்சிப் பணித் தேர்வுகளில் வெற்றிபெற்று வரலாறு படைத்துள்ளார்.

இதன் மூலம், பாகிஸ்தானில் ஆட்சிப் பணிக்கு வரும் முதல் இந்துப் பெண் என்ற பெயர் சனா ராம்சந்த் குல்வானிக்கு கிடைத்துள்ளது. இவர் மருத்துவப் படிப்பையும் முடித்தவர் என்பது குறிப்பிடத்தக்கது. சனா ராம்சந்த் 2016ஆம் ஆண்டில் ஷாஹீத் மொஹ்தர்மா பெனாசிர் புட்டோ மருத்துவப் பல்கலைக்கழகத்தில் எம்பிபிஎஸ் படிப்பை முடித்துள்ளார்.

அமெரிக்கா செல்வோருக்கு ஹேப்பி நியூஸ்: அடுத்த மாதம் முதல் அமல்!
முதலில் லாகி பகுதியில் உள்ள தாலுகா அரசு மருத்துவமனையில் பயிற்சி மருத்துவராக பணிபுரிந்துள்ளார். ஆனால், கிராமப்புறங்களில் இருந்த மருத்துவக் கட்டமைப்பு கொடுமையானதாகவும், அதிர்ச்சியளிக்கும் வகையிலும் இருந்ததாக சனா ராம்சந்த் கூறுகிறார். பல நோயாளிகளுக்கு மருந்துகளே இருக்காது என்கிறார் சனா.

இதைத்தொடர்ந்து, ஆட்சிப் பணிகளில் சேர்ந்து சமூகத்தில் மாற்றத்தை கொண்டுவர வேண்டுமென விரும்பியதாகவும், அதனால் ஆட்சிப் பணி போட்டித் தேர்வுகளுக்கு தயார் செய்ததாகவும் சனா ராம்சந்த் கூறுகிறார். அவருக்கு பாராட்டுகள் குவிந்துள்ளன.



Source link

Share on Social Media

Leave a Reply

Your email address will not be published. Required fields are marked *