Share on Social Media


ஹைலைட்ஸ்:

  • தமிழகத்தில் அதிகரித்து வரும் கொரோனா இரண்டாம் அலை பாதிப்பு.
  • கொரோனா நோயாளிகளுக்கு செலுத்தப்படும் ரெம்டெசிவிர் மருந்துக்கு தட்டுப்பாடு.
  • கொரோனா பாதித்த தன்னுடைய தந்தைக்கு ரெம்டெசிவிர் மருந்து வேண்டி நடிகை பதிவு.

கொரோனா இரண்டாம் அலை பொது மக்கள் முதல் பிரபலங்கள் வரை அனைவர் மத்தியிலும் பீதியை ஏற்படுத்தி வருகிறது. கொரோனா பாதிப்பு அதிகம் உள்ளவர்களுக்கு சிகிச்சைக்காக உதவும் மருந்தான ‘ரெம்டெசிவிர்’ மருந்துக்கு தட்டுப்பாடு நிலவி வருகிறது. இந்நிலையில் கோமாளி திரைப்படத்தில் நடித்த நடிகை சம்யுக்தா ஹெக்டே, கொரோனா பாதித்துள்ள தன்னுடைய தந்தைக்கு ‘ரெம்டெசிவிர்’ மருந்து தேவைப்படுவதாகவும் யாராவது கொடுத்து உதவும்படி சமூக வலைத்தளத்தில் உதவி கேட்டுள்ளார்.

கொரோனா நோய் தொற்றால் பாதிக்கப்பட்ட நோயாளிகளுக்கு, நோயின் தீவிரத்தைக் குறைப்பதற்காக ரெம்டெசிவிர் ஊசி மருந்து செலுத்தப்படுகிறது. கொரோனா இரண்டாவது அலை வேகமெடுக்க துவங்கியுள்ளத்தை அடுத்து ரெம்டெசிவிர் மருந்தின் தேவையும் பல மடங்கு அதிகரித்திருக்கிறது. இதனால் தமிழக அரசே அந்த மருந்தை நேரடியாக விற்பனை செய்யத் தொடங்கியிருக்கிறது.

இந்நிலையில் ரெம்டெசிவிர் மருந்து தேவைப்படுவோருக்கு வழங்கும் வகையில் சென்னை கீழ்ப்பாக்கம் மருத்துவக் கல்லூரி மருத்துவமனை வளாகத்தில் உள்ள தமிழ்நாடு மருத்துவப் பணிகள் கழக அலுவலகத்தில் 6 டோஸ் ரெம்டெசிவிர் மருந்து ரூ.9,400 என்ற விலையில் விற்கப்படுகிறது. இதனை வாங்க மக்கள் நீண்ட வரிசையில் பல மணி நேரம் காத்து கொண்டிருக்கின்றனர். இதனால் மாவட்டத்தோறும் ரெம்டெசிவிர் மருந்து கிடைக்க அரசாங்கம் ஏற்பாடு செய்ய வேண்டும் என்ற கோரிக்கை வலுத்து வருகிறது.

அரசியல் கருத்து சொன்னா மிரட்டுவீங்களா?: என்ன ஆனாலும் இனி வாயை மூட போவதில்லை – சித்தார்த் ட்விட்!
இந்நிலையில் ஜெயம் ரவி நடிப்பில் வெளியான கோமாளி திரைப்படத்தில் நடித்த நடிகை சம்யுக்தா ஹெக்டேவின் பெற்றோரும் கொரோனாவால் பாதிக்கப்பட்டுள்ளனர். மருத்துவமனை செல்ல முடியாத தன்னுடைய பெற்றோரை வீட்டிலே தனிமைப்படுத்தி சிகிச்சையளித்து வருவதாக தெரிவித்துள்ள சம்யுக்தா ஹெக்டே, தற்போது சமூக வலைதளம் மூலம் உதவி ஒன்று கோரியுள்ளார்.

தன்னுடைய பெற்றோருக்கு ரெம்டெசிவிர் மருந்து வேண்டி உதவி கோரியுள்ள சம்யுக்தா, அது தொடர்பாக தன்னுடைய இன்ஸ்டாகிராம் பக்கத்தில், எனக்கு தெரிந்தவர்களிடம் எல்லாம் கேட்டுவிட்டேன் கிடைக்கவில்லை, தயவு செய்து உதவுங்கள் என கேட்டுள்ளார். மேலும் தனது தந்தை மருத்துவமனைக்கு செல்வதைத் தவிர்ப்பதால் அவரை வீட்டில் கண்காணித்து வருவதாகவும் தெரிவித்துள்ள சம்யுக்தா, தனக்கு வீட்டில் 6 ரெம்டெசிவிர் குப்பிகள் தேவை என்றும் பதிவிட்டுள்ளார்.



Source link

Share on Social Media

Leave a Reply

Your email address will not be published. Required fields are marked *