Share on Social Media


சுகுமார் இயக்கத்தில் அல்லு அர்ஜுன் நடிப்பில் உருவாயுள்ள ‘புஷ்பா‘ படத்தை மைத்ரி மூவி மேக்கர்ஸ் நிறுவனம் பெரும் பொருட்செலவில் தயாரித்துள்ளது. இரண்டு பாகங்களாக உருவாகியுள்ள இந்த படத்தில் ஃபகத் பாசில், ராஷ்மிகா மந்தனா உள்ளிட்ட பலர் அல்லு அர்ஜுனுடன் இணைந்து நடித்துள்ளனர்.

‘புஷ்பா’ படம் முழுக்க முழுக்க செம்மரக்கடத்தல் மற்றும் அவர்களுடைய வாழ்க்கையை எடுத்துக் கூறும் வகையிலும் படமாக்கப்பட்டுள்ளது. இப்படத்தில் அல்லு அர்ஜுன் லாரி டிரைவராகவும், மரம் கடத்துபவராகவும் மிரட்டலான தோற்றத்தில் நடித்துள்ளார். தமிழ், தெலுங்கு, மலையாளம், கன்னடம், இந்தி உள்ளிட்ட மொழிகளில் நேற்றைய தினம் வெளியாகியுள்ள இந்தப்படம் ரசிகர்கள் மத்தியில் வரவேற்பை பெற்று வருகிறது.

இந்தப்படத்தில் சமந்தா குத்தாட்டம் போட்ட ‘ஓ சொல்றீயா’ பாடல் கடந்த சில தினங்களுக்கு முன்பாக வெளியானது. விவேகா எழுதிய இந்தப்பாடல் ஆண்களை காம எண்ணம் கொண்டவர்களாக மட்டுமே சித்தரித்து எழுதப்பட்டுள்ளதாக சர்ச்சைகள் எழுந்தது. இந்நிலையில் இந்தப்பாடலின் சர்ச்சை குறித்து யூடியூப் சேனல் ஒன்றுக்கு பேட்டியளித்துள்ளார் விவேகா.

மீண்டும் இணையும் ‘வலிமை’ கூட்டணி: சமூகப் பிரச்சனையைப் பற்றி பேச போகும் ‘ஏகே 61’!
அதில், இந்தப் பாடலைக் கேட்டுவிட்டு ஆண்கள், பெண்கள் இருவருமே எனக்குத் தனிப்பட்ட முறையில் பாராட்டு தெரிவித்தனர். இதுவரை யாரும் என்னிடம் கண்டனமோ, எதிர்ப்போ தெரிவிக்கவில்லை. இந்தப் பாடல் ஆண்கள் சமூகத்தை அவமதிப்பதாக சிலர் சொல்கிறார்கள். ஆண்கள் கையில்தானே உலகமே இருக்கிறது. ஆயிரக்கணக்கான ஆண்டுகளாக ஆண்தானே ஆதிக்கம் செலுத்தி வருகின்றனர். அனைத்துத் துறையிலிருந்தும் நிறைய பெண்கள் இந்தப் பாடலைப் பாராட்டியிருக்கிறார்கள்.

இந்தப் பாடலை எழுத முக்கால் மணி நேரம் எடுத்துக் கொண்டேன். பாடல் வெளியாகும் கடைசி நேரம் வரை இவ்வளவு சர்ச்சை எழும் என்று எனக்குத் தெரியாது. பொதுவாக ஒரு ஆணின் மனோபாவம் எப்படி இருக்கும் என்று கேளிக்கை விடுதியில் நடனமாடும் ஒரு பெண் வகைப்படுத்துகிறாள் என்றுதான் இப்பாடலை நாம் அணுகவேண்டும். பாடல் உருவாக்கத்தின் போதே தேவிஸ்ரீ பிரசாத் உட்பட எங்கள் அனைவருக்குமே பாடல் மிகவும் பிடித்திருந்தது.

பாடல் மிகப்பெரிய வெற்றி பெறும் என்பது முன்பே நாங்கள் எதிர்பார்த்ததுதான். ஆனால், சர்ச்சை நாங்கள் எதிர்பார்க்காதது. நிர்பயா வழக்கில் குற்றம் செய்தவனும் ஆண்தான். இங்கு நடக்கும் பாலியல் வழக்குகளில் சிக்குபவனும் ஆண் தான். எனவே இந்தப் பாடலில் நான் எல்லா ஆண்களையும் குறிப்பிடவில்லை. அதை மட்டும் நான் உறுதியாக சொல்லிக் கொள்கிறேன். இவ்வாறு தெரிவித்துள்ளார் பாடலாசிரியர் விவேகா.

மணிரத்னம் படத்தில் நடிக்க ஆசை; நானி விருப்பம்



Source link

Share on Social Media

Leave a Reply

Your email address will not be published.