Share on Social Media


ஹைலைட்ஸ்:

  • தி ஃபேமிலி மேன் 2 தொடரில் நடித்திருக்கும் சமந்தா
  • தி ஃபேமிலி மேன் 2 தொடருக்கு கடும் எதிர்ப்பு
  • தி ஃபேமிலி மேன் 2 தொடருக்கு தடை கோரும் மு.க. ஸ்டாலின்

தி ஃபேமிலி மேன் 2 வெப் தொடரில் தமிழர்களை தீவிரவாதிகள் போன்று சித்தரித்துள்ளதாக கடும் எதிர்ப்பு கிளம்பியுள்ளது. ஜூன் மாதம் 4ம் தேதி அந்த தொடர் அமேசான் பிரைமில் வெளியாகவிருக்கிறது. இந்நிலையில் தி ஃபேமிலி மேன் 2 தொடருக்கு தடை விதிக்க வேண்டும் என்று மத்திய அமைச்சர் பிரகாஷ் ஜவடேகருக்கு தமிழக முதல்வர் மு.க. ஸ்டாலின் மற்றும் மதிமுக பொதுச் செயலாளர் வைகோ ஆகியோர் கடிதம் எழுதியுள்ளனர்.
சமந்தாவின் ‘தி ஃபேமிலி மேன் 2’க்கு வலுக்கும் எதிர்ப்பு: தொடருக்கு தடை கோரும் தமிழக அரசுஅந்த தொடரில் தமிழ் பேசும் பெண்ணான சமந்தாவை தீவிரவாதியாக காட்டி தமிழர்களின் மனதை புண்படுத்திவிட்டார்கள் என்கிற குற்றச்சாட்டு எழுந்துள்ளது. இந்நிலையில் தி ஃபேமிலி மேன் 2 தொடரில் நடித்தது பற்றி சமந்தா கூறியிருப்பதாவது,

தி ஃபேமிலி மேன் 1 தொடரை முதல் நாளே பார்க்க முடியவில்லை. ஆனால் அது குறித்து விமர்சனங்கள் வந்து குவிந்தது. அதனாலேயே தி ஃபேமிலி மேன் தொடரை பார்க்கும் ஆவல் அதிகரித்தது. மறுநாளே நானும், கணவரும் சேர்ந்து அந்த தொடரை பார்த்தோம். ஒரு எபிசோடை பார்த்துவிட்டு மற்றவற்றை வாரம் முழுக்க பார்க்கலாம் என்று நினைத்தோம். ஆனால் அப்படி நடக்கவில்லை.

தி ஃபேமிலி மேன் 2 பற்றி முதல் நாளில் விமர்சனங்களை பார்த்தேன். எனக்கு அதிக எதிர்பார்ப்பு இருந்தது. அனைவருக்கும் அது பிடித்துவிட்டது. எனக்கு பெருமையாக இருந்தது. அந்த தொடரில் நடித்தது தான் என் பெரிய சாதனையாகும்.

தி ஃபேமிலி மேன் 2 தொடரை பார்த்தபோது காமெடி, ஆக்ஷன் கலந்த பிளாக்பஸ்டர் படம் பார்த்தது போன்று இருந்தது. நீ நல்ல முடிவு எடுத்திருக்கிறாய் என்று என்னை நானே தட்டிக் கொடுத்தேன் என்றார்.

தி ஃபேமிலி மேன் 2 இந்தி தொடரை ராஜ் மற்றும் டிகே ஆகியோர் இயக்கியிருக்கிறார்கள். அந்த தொடரில் தமிழர்களை காயப்படுத்தும் வகையில் எந்த காட்சியும் இல்லை என்கிறார்கள் அவர்கள். தி ஃபேமிலி மேன் 2 தொடர் தான் சமந்தா நடித்திருக்கும் முதல் வெப் தொடர் ஆகும்.

அவரின் முதல் வெப் தொடருக்கே கடும் எதிர்ப்பு கிளம்பியுள்ளது. தமிழக முதல்வரின் கோரிக்கையை ஏற்று தி ஃபேமிலி மேன் 2 தொடருக்கு மத்திய அரசு தடை விதிக்குமா என்பதை பொறுத்திருந்து தான் பார்க்க வேண்டும்.



Source link

Share on Social Media

Leave a Reply

Your email address will not be published. Required fields are marked *