Share on Social Media


ஹைலைட்ஸ்:

  • தி ஃபேமிலி மேன் 2 குறித்து சமந்தா விளக்கம்
  • ஈழப் போர் ஆவணங்களை பார்த்து அதிர்ச்சி அடைந்தேன்- சமந்தா
  • சமந்தாவுக்கு தமிழ் ரசிகர்கள் எதிர்ப்பு

டிகே, ராஜ் இயக்கத்தில் சமந்தா, பிரபல பாலிவுட் நடிகர் மனோஜ் பாஜ்பாய் உள்ளிட்டோர் நடித்துள்ள தி ஃபேமிலி மேன் 2 வெப் தொடர் நேற்று முன்தினம் அமேசான் பிரைமில் வெளியானது. அந்த தொடரில் தமிழர்களை தீவிரவாதிகளாக சித்தரித்துள்ளதாக எதிர்ப்பு கிளம்பியுள்ளது.

தி ஃபேமிலி மேன் 2 தொடரை தடை செய்யுமாறு முதல்வர் மு.க. ஸ்டாலின் மத்திய அமைச்சர் பிரகாஷ் ஜவடேகருக்கு கடிதம் எழுதினார். சென்னை பெண்ணாக இருந்து கொண்டு இந்த சமந்தா இப்படி நடித்திருக்கிறாரே என்று ஆளாளுக்கு விமர்சித்தார்கள்.

இந்நிலையில் தற்போது முதல்முறையாக தி ஃபேமிலி மேன் 2 பற்றி பேசியிருக்கிறார் சமந்தா. இது பற்றி அவர் இன்ஸ்டாகிராமில் கூறியிருப்பதாவது,

அனைத்து விமர்சனங்கள் மற்றும் கமெண்ட்டுகளை படித்துப் பார்த்து என் மனம் முழுக்க மகிழ்ச்சியாக இருக்கிறது. ராஜி எப்பொழுதுமே ஸ்பெஷல்.

அந்த கதாபாத்திரத்தில் நடிக்குமாறு ராஜ் மற்றும் டிகே என்னை அணுகியபோது, ராஜியின் கதாபாத்திரத்திற்கு சென்சிடிவிட்டி மற்றும் பேலன்ஸ் தேவை என்பது எனக்கு தெரியும். ஈழப் போரில் பெண்கள் பட்ட பாடு முதல் தமிழர்களின் போராட்டம் குறித்த ஆவணப் படங்களை கிரியேட்டிவ் குழு அளித்தது.

அந்த ஆவணப் படங்களை பார்த்தபோது ஈழத்தில் இருக்கும் தமிழர்கள் பட்ட கஷ்டங்களை பார்த்து அதிர்ச்சி அடைந்தேன். அந்த ஆவணப் படங்களுக்கு சில ஆயிரம் வியூஸ் தான் இருந்தது. ஈழத்தில் பல்லாயிரக் கணக்கான மக்கள் இறந்ததை இந்த உலகம் கவனிக்கவில்லையே என்பது அப்பொழுது தான் எனக்கு தோன்றியது.

மேலும் லட்சக் கணக்கானோர் தங்களின் வாழ்வாதாரம் மற்றும் வீடுகளை இழந்தார்கள். போரினால் ஏற்பட்ட காயத்தை மனதில் சுமந்து கொண்டு பலர் தூர தேசங்களில் வாழ்கிறார்கள்.

போரில் இறந்தவர்கள் மற்றும் அதன் துயர நினைவுகளுடன் வாழ்பவர்களுக்கு அஞ்சலி செலுத்தும் விதமாகத் தான் ராஜியின் கதை எனக்கு தெரிகிறது. நாம் எல்லாம் ஒன்று சேர்ந்து வெறுப்பு, பேராசை, அடக்குமுறையை எதிர்த்து போராட ஒன்று சேர வேண்டும் என்பதை நினைவூட்டும் விதமாக ராஜியின் கதாபாத்திரம் இருக்க வேண்டும் என்று நினைத்தேன்.

அப்படி நாம் ஒன்றிணையத் தவறினால் மேலும் பலர் அங்கீகாரம், சுதந்திரத்தை இழப்பார்கள் என்றார்.

சமந்தாவின் போஸ்ட்டை பார்த்து சிலர் பாராட்டியுள்ளனர். மேலும் சிலரோ, ஈழத்தை சேர்ந்த ஒரு ஆதரவற்ற குழந்தைக்காவது உதவ நீங்கள் தயாரா இல்லை தி ஃபேமிலி மேன் 2 தொடரில் நடிக்க வாங்கிய சம்பளத்தை ஈழ மக்களுக்கு கொடுப்பீர்களா?. சும்மா சமாளிக்க வேண்டாம் சமந்தா என்கிறார்கள்.
ஆண் குழந்தையை பெற்றெடுத்த தனுஷ், சிம்பு ஹீரோயின்: வைரல் போட்டோ





Source link

Share on Social Media

Leave a Reply

Your email address will not be published. Required fields are marked *