Share on Social Media


கடந்த 2015-ம் ஆண்டு அல்போன்ஸ் புத்திரன் இயக்கத்தில் வெளியாகி ரசிகர்களிடம் வரவேற்பை பெற்ற மலையாள திரைப்படம் ‘பிரேமம்‘. நிவின் பாலி, மடோனா செபாஸ்டியன், சாய் பல்லவி, அனுபமா பரமேஸ்வரன் உள்ளிட்ட பலர் நடிப்பில் வெளியான இந்தப் படம் தென்னிந்திய ரசிகர்கள் அனைவரிடம் பெரும் வரவேற்பைப் பெற்றது. இந்நிலையில் ரசிக்ர்களுடனான இந்த படம் பற்றிய உரையாடலின் போது, இயக்குனர் அல்போன்ஸ் புத்திரன் படம் குறித்து சில விஷயங்களை பகிர்ந்துள்ளார்.

ஜார்ஜ் என்ற இளைஞனின் வாழ்க்கையில் பல்வேறு கால கட்டங்களில் நடக்கும் மூன்று காதல் நிகழ்வுகளை மையமாக வைத்து எடுக்கப்பட்ட திரைப்படம் பிரேமம். இந்த படத்தில் இடம்பெற்ற அணைத்து கதாபாத்திரங்களும் ரசிகர்களின் மனதில் நீங்காத இடம்பிடித்தது. அதிலும் குறிப்பாக சாய் பல்லவி நடித்த மலர் டீச்சர் கேரக்டருக்கு தனி ரசிகர் பட்டாளமே உள்ளது. இன்றளவும் பலரும் சாய் பல்லவியை மலர் டீச்சர் என அழைக்கும் அளவிற்கு அவரின் கதாபாத்திரம் ரசிகர்களிடம் வரவேற்பை பெற்றது.

இந்நிலையில் பிரேமம் படம் குறித்து தனது பேஸ்புக் பக்கத்தில் ரசிகர்களின் கேள்விக்கு பதிலளித்தார் இயக்குநர் அல்போன்ஸ் புத்திரன். அப்போது, சாய்பல்லவியின் மலர் டீச்சர் கதாபாத்திரம் குறித்து ரசிகர் ஒருவர், “ஒரு சந்தேகம், ‘பிரேமம்’ படத்தில் ஜார்ஜிடம் எதையும் சொல்ல விரும்பவில்லை என்று மலர் கடைசியில் சொல்கிறாள். மூன்று முறை படத்தைப் பார்த்த பின்பும் எனக்கு இது குழப்பமாக இருக்கிறது.

தல அஜித்தால் ஏற்பட்ட மாற்றம்: திரிஷா இல்லனா நயன்தாரா பட இயக்குனர் நெகிழ்ச்சி!
அவருக்கு உண்மையில் பழைய விஷயங்கள் மறந்துவிட்டனவா? அல்லது வேண்டுமென்றே ஜார்ஜைப் புறக்கணிக்கிறாரா? அல்லது நினைவுகளை மீண்டும் பெற்று, ஜார்ஜுக்குத் திருமணம் ஆகிறது என்பதால் எதையும் சொல்லாமல் இருக்கிறாரா? உங்கள் பதிலுக்காக என் நண்பனுடன் 100 ரூபாய் பந்தயம் வைத்திருக்கிறேன்” என்று அல்போன்ஸ் புத்திரனிடம் கேள்வி எழுப்பினார்.

அதற்கு அல்போன்ஸ் புத்திரன், ‘அவளுக்கு அனைத்தும் மறந்துவிட்டது. அவளுக்கு மீண்டும் ஞாபகம் வந்தபோது அவள் அறிவழகனிடம் பேசியிருக்கலாம். அங்கு செல்லும்போது ஜார்ஜ், செலினோடு மகிழ்ச்சியாக இருப்பதை உணர்கிறாள். ஆனால், அவளுக்கு நினைவு திரும்பியிருப்பது ஜார்ஜுக்குத் தெரியும். இதை வசனங்களில் நாங்கள் சொல்லவில்லை. சைகையிலும், இசையிலும் காட்டியிருப்போம். உங்கள் சந்தேகம் தீர்ந்திருக்கும் என்று நம்புகிறேன். நீங்கள் சொன்னதுபோல அவளுக்குச் சமீபத்தில் நினைவு திரும்பிவிட்டது, ஆனால், ஜார்ஜுக்குத் திருமணம் என்பதால் அவள் அதைச் சொல்லவில்லை என்பதே சரி’ என தெரிவித்துள்ளார்.



Source link

Share on Social Media

Leave a Reply

Your email address will not be published. Required fields are marked *