Share on Social Media


ஹைலைட்ஸ்:

  • ரஷ்யாவில் தினசரி பாதிப்பு மீண்டும் அதிகரிப்பு
  • ஒரே நாளில் 1,200 பேர் பலி!

ரஷ்ய நாட்டில், கொரோனா தினசரி பாதிப்பு மீண்டும் அதிகரித்து வருகிறது. அங்கு கடந்த 24 மணி நேரத்தில், 39 ஆயிரத்து 160 பேருக்கு வைரஸ் தொற்று கண்டறியப்பட்டுள்ளது.

உலகையே கொரோனா வைரஸ் தொற்று ஆட்டிப் படைத்து வருகிறது. அமெரிக்கா, பிரிட்டன், இந்தியா போன்ற நாடுகளில், கொரோனா வைரஸ் தொற்றின் இரண்டாவது அலை கோரத் தாண்டமாடி விட்டது. தற்போது பெரும்பாலான உலக நாடுகளில், கொரோனா தடுப்பூசி போடும் பணிகள் துரிதப்படுத்தப்பட்டு நடைபெற்று வருகிறது.

இந்நிலையில், ரஷ்யாவில், கடந்த சில நாட்களாக கொரோனா வைரஸ் தொற்றால் பாதிக்கப்படுவோரின் எண்ணிக்கை அதிகரித்து வருகிறது. தலைநகர் மாஸ்கோ உள்ளிட்ட இடங்களில், நோய் பாதிப்பு அதிகரித்து காணப்படுகிறது. கொரோனா பரவலைக் கட்டுப்படுத்த ரஷ்யாவில் உள்ள அனைத்து ஊழியர்களுக்கும், ஒரு வாரம் ஊதியத்துடன் விடுப்பும் அளிக்கப்பட்டது.
போட்டது தடுப்பூசி தான் – ஒரே இரவில் பெண் கோடீஸ்வரி ஆனது எப்படி?
இந்நிலையில், ரஷ்யாவில் கடந்த 24 மணி நேரத்தில், புதிதாக 39 ஆயிரத்து 160 பேருக்கு கொரோனா தொற்று உறுதி செய்யப்பட்டு உள்ளது. இதன் மூலம் ரஷ்யாவில் வைரஸ் தொற்றால் பாதிக்கப்பட்டோர் எண்ணிக்கை தற்போது 88 லட்சத்து 73 ஆயிரத்து 655 ஆக உயர்ந்துள்ளது. கொரோனா தொற்றுக்கு ஒரே நாளில் மேலும் 1,211 பேர் உயிரிழந்ததால், அங்கு பலியானோர் எண்ணிக்கை 2 லட்சத்து 49 ஆயிரத்து 215 ஆக உயர்ந்துள்ளது.
tamil samayam Tamil News Spotவிண்வெளியில் நடந்து சீன வீராங்கனை சாதனை!
ரஷ்யாவில் இதுவரை கொரோனா தொற்றில் இருந்து 76 லட்சத்து 19 ஆயிரத்து 596 பேர் சிகிச்சை பெற்று குணமடைந்து வீடு திரும்பி உள்ளனர். தற்போது 10 லட்சத்து 4 ஆயிரத்து 844 பேர் மருத்துவமனைகளில் சிகிச்சை பெற்று வருவதாக அந்நாட்டு சுகாதாரத் துறை தெரிவித்துள்ளது.



Source link

Share on Social Media

Leave a Reply

Your email address will not be published. Required fields are marked *