Share on Social Media

இந்த பன்னீர் சரும அழகுக்கு வேண்டிய பராமரிப்பு பொருள்களில் பயன்படுத்தப்படுகிறது. ஃபேஸ் பேக் பயன்பாட்டில் இதற்கு தனி இடம் உண்டு. கண்களுக்கு குளிர்ச்சி தருவது முதல் கண் கோளாறுகள் வரை பன்னீர் பயன்படுத்தப்பட்டு வருகிறது என்பதையும் பார்த்தோம். இந்த கட்டுரையில் பன்னீர் கண் பராமரிப்பில் எதற்கு எப்படி பயன்படுத்த வேண்டும் என்று பார்க்கலாம்.

​கண்களுக்கு கீழ் இருக்கும் கருவளையம்

கண்களுக்கு கீழ் இருக்கும் இருண்ட வட்டங்கள், கண்களை சுற்றிய கருப்பு நிறம் மறைவதற்கு பன்னீர் உதவும்.

எப்படி பயன்படுத்தணும்

பன்னீர் – 2 டீஸ்பூன்

பால் – 2 டீஸ்பூன்

நரைமுடியை கருமையாக்கும் நெல்லிக்காய் ஹேர் டை, குளிர்ச்சி வராமல் எப்படி பயன்படுத்தணும்!

இரண்டையும் சம அளவு கலக்க வேண்டும். இரண்டும் நன்றாக கலந்ததும் சுத்தமான காட்டனை சிறிதாக உருட்டி சாற்றில் நனைத்து விடவும். சில நிமிடங்கள் கழித்து கண்களை மூடிவிட்டு இரண்டு கண்கள் மீதும் பஞ்சை வைத்து 20 நிமிடங்கள் வரை விட்டு எடுக்க வேண்டும். தினமும் ஒரு முறை நேரம் இருக்கும் போது இதை செய்து வந்தால் கண்களுக்கு கீழ் இருக்கும் கருவளையம் நீங்கும்.

​கண்கள் சோர்வாக இருந்தால்

samayam tamil Tamil News Spot

கண்கள் அதிக நேரம் வேலை செய்த பிறகு அதிக சோர்வை சந்திக்கும். கண்கள் சோர்வாக இருக்கும் போது கண்களை அமைதிப்படுத்த ரோஸ் வாட்டர் உதவும்.

பன்னீரில் காட்டன் உருண்டைகள் இரண்டை உருட்டி நனைக்கவும். சில நிமிடங்கள் கழித்து அதை எடுத்து ஜிப்லாக் கவரில் வைத்து பிறகு 10 நிமிடங்கள் ஃப்ரிட்ஜ்ஜில் வைத்து எடுக்கவும். பிறகு கண்களை குளிர்ந்த நீரில் கழுவி கண்களில் வைத்து 10 நிமிடங்கள் கழித்து அதை எடுக்கவும். கண்களின் சோர்வை உடனடியாக போக்க உதவும்.

​பிரகாசமான கண்கள்

samayam tamil Tamil News Spot

கண்கள் பிரகாசமாக இருந்தால் மேக் அப் இல்லாமலே கண்கள் அழகாக கவர்ச்சியாக இருக்கும். பிரகாசமான கண்களுக்கு பன்னீர் உதவும்.

என்ன செய்ய வேண்டும்

பன்னீர் – தேவைக்கு

சந்தனப்பொடி – 1 டீஸ்பூன்

பன்னீருடன் சந்தனப்பொடி கலந்து எடுக்கவும். நன்றாக பேஸ்ட் போல் குழைத்து கண்களை சுற்றி பேக் போடுங்கள். கவனம் எக்காரணம் கொண்டும் இவை கண்களுக்குள் போக கூடாது. பிறகு 10 நிமிடங்கள் கழித்து கண்களை குளிர்ந்த நீரில் கழுவி எடுக்கவும். வாரம் இரண்டு அல்லது மூன்று முறை செய்து வந்தால் கண்கள் பளிச்சென்று இருக்கும்.

​கண்களுக்கு ஈரப்பதமூட்டுங்கள்

samayam tamil Tamil News Spot

கண்கள் வறட்சியை சந்தித்தால் ஈரப்பதத்தை இழக்க கூடும். இது கண்களின் பொலிவை குறைப்பதோடு ஆரோக்கியத்தையும் பாதிக்கும். இதற்கு பன்னீர் உதவக்கூடும்.

என்ன செய்ய வேண்டும்

தேவை

பாதாம் எண்ணெய் – அரை டீஸ்பூன்

ரோஸ் வாட்டர் – கால் டீஸ்பூன்

இரண்டையும் நன்றாக கலக்க வேண்டும். எண்ணெயில் ரோஸ் வாட்டர் கலக்கும் போது எளிதில் ஒட்டாது. நன்றாக கலக்க வேண்டும். பிறகு சுத்தமான காட்டனை எடுத்து பருத்தி பஞ்சு வைத்து நனைத்து கண்களின் மீது வைக்கவும்.

தொடர்ந்து 20 முதல் 30 நிமிடங்கள் வரை வைத்திருந்து பருத்தி உருண்டையை எடுத்து மென்மையாக கண்களில் மசாஜ் செய்யவும். பிறகு குளிர்ந்த நீரில் கண்களை கழுவினால் கண்களுக்கு ஈரப்பதம் கிடைக்கும். வாரம் ஒரு முறை இதை செய்து வரலாம்.

​கண் இரப்பை வீக்கம்

samayam tamil Tamil News Spot

கண்களுக்கு கீழ் இரப்பை வீக்கம் என்பது பெண்களிடையே இருக்கும் பொதுவான பிரச்சனை. தூங்கி எழுந்ததும் காலை வேளையில் இதை பார்ப்பார்கள். இதை போக்க பன்னீரை பயன்படுத்தலாம்.

என்ன செய்ய வேண்டும்

தேவை

பன்னீர் – 1 டீஸ்பூன்

கிளிசரின் – 1 டீஸ்பூன்

முடி உதிரும் பிரச்சனையா? சில நாட்களில் சரி செய்யும் அரிசி நீர், எப்படி பயன்படுத்தணும்னு தெரிஞ்சுக்கங்க!

இரண்டையும் நன்றாக கலந்து விடவும். தூங்குவதற்கு முன்பு இந்த கலவையை கண்களை சுற்றி தடவி விடவும். இரவு முழுக்க விட்டு மறுநாள் காலை குளிர்ந்த நீரில் கண்களை கழுவி வந்தால் கண் இரப்பை வீக்கம் படிப்படியாக குறையும்.

​கண்களை சுற்றி வீக்கம்

samayam tamil Tamil News Spot

சிலருக்கு கண்களை சுற்றி வறட்சி வீக்கம், சுருக்கம் போன்ற பிரச்சனைகள் இருக்கும். இதை அலட்சியம் செய்தால் கண்களுக்கு கீழ் அதிகமான சுருக்கத்தை எதிர்கொள்ள நேரிடும். இதற்கு பன்னீருடன் கற்றாழை பயன்படுத்தலாம்.

என்ன செய்ய வேண்டும்

தேவை

பன்னிர் – 1 டீஸ்பூன்

கற்றாழை ஜெல் – 1 டீஸ்பூன்

கற்றாழை மடல்களை நீக்கி, நீரில் போட வேண்டும். இதில் இருக்கும் மஞ்சள் திரவம் வெளியேறியதும் அதை எடுத்து மீண்டும் அலசி ஜெல்லை எடுக்க வேண்டும். இரண்டையும் நன்றாக கலந்து காட்டன் பஞ்சில் நனைத்து சில நிமிடங்கள் வைக்கவும். பிறகு இதை கண்களில் வைத்து 15 முத 20 நிமிடங்கள் வரை வைத்து எடுக்கவும். கண்கள் குளிர்ச்சியாக இருக்கும்.

​கண்கள் சோர்வில்லாமல் இருக்க

samayam tamil Tamil News Spot

கண்கள் சோர்வில்லாமல் இருக்க எல்லோரும் இந்த குறிப்பை பின்பற்றலாம். கண்களுக்கு அதிக பணி காரணமாக கண்கள் சோர்வடைவது உண்டு. இது நாளடைவில் முகத்தில் பொலிவிழந்து தனியாக தெரியக்கூடும். பன்னீருடன் பாதாம் கலந்து பயன்படுத்தினால் கண்களின் சோர்வை போக்கலாம்.

என்ன செய்ய வேண்டும்.

தேவை

பாதாம் பருப்பு – 2 அல்லது 3

இரவில் பாதாம் பருப்பை ஊறவைத்து மறுநாள் காலை தோல் உரித்து இதை மசிக்கவும். பகல் நேரங்களில் பாதாம் பருப்பை ஊறவைத்து இரவு நேரத்தில் தோல் உரித்து மசித்து பயன்படுத்தலாம். மசித்த பாதாம் பருப்புடன் தேவையான அளவு பன்னீர் கலந்து கண்களை சுற்றிலும் கண் இமைகளின் மேலும் தடவவும். இந்த நேரத்தில் கண்களை திறக்க வேண்டாம். பிறகு 20 நிமிடங்கள் கழித்து கண்களை குளிர்ந்த நீரில் கழுவி எடுக்கவும்.

30 வயசுல முகத்துல சுருக்கம் வர தொடங்கும், வேற என்ன பிரச்சனை வரலாம்! ஆண்களும் தெரிஞ்சுக்கங்க!

குறிப்பு

கண்கள் முகத்தில் மிகவும் மென்மையான உறுப்பு. எந்த பராமரிப்பு செய்யும் போது அவை கண்களுக்குள் செல்லாமல் கண்களில் பாதிப்பில்லாமல் இருக்க வேண்டும். பன்னீர் கண்களுக்கு தீங்கு விளைவிக்காது என்றாலும் சுகாதாரமான முறை தயாரிப்பும், பயன்பாடும் அவசியம். கண்களுக்குள் படாமல் கவனமாக இந்த குறிப்புகளை பின்பற்றினால் கண்ணழகியாக வலம் வரலாம்.

Thanks for the Source

Share on Social Media

Leave a Reply

Your email address will not be published. Required fields are marked *