Share on Social Media

அரிசி உணவு பற்றிய ஏராளமான சந்தேகங்களும் கட்டுக்கதைகளும் சமீப காலங்களால் உலவி வருகின்றன. அவற்றில் முக்கியமான ஒன்று தான் பச்சரிசிக்கும் புழுங்கலரிசிக்கும் உள்ள வித்தியாசம், அதில் எது ஆரோக்கியமானது என்பது தான். அதைப் பற்றி தான் இந்த பகுதியில் பார்க்கப் போகிறோம்.

​அரிசி உணவு

அரிசி உணவு என்றாலே பொதுவான கருத்துண்டு. அது முழுக்க முழுக்க கார்போஹைட்ரேட் நிறைந்தது. உடல் எடையை அதிகரிக்கும். குறிப்பாக ரத்த சர்க்கரையை அதிகரிக்கும் என்று பல விஷயங்கள் உண்டு. அதற்கு பதிலாக கோதுமை சப்பாத்தி சாப்பிடுவது நல்லது என்று சொல்லப்படுகிறது. அரிசி பற்றிய மதிப்பீடு சரிதான் என்றாலும் கோதுமை கார்போ இல்லாதது என்று அர்த்தமல்ல. ஏறக்குறைய இரண்டிலுமே ஒரே அளவு கார்புாஹைட்ரேட் தான் இருக்கின்றது. ஆனால் நம்முடைய சீதோனஷன நிலையில் விளையும் பொருள்களை எடுத்துக் கொள்வது தான் நல்லது. சரி. அரிசியே சாப்பிடுகிறோம் என்றால் அதில் பச்சரிசி சாப்பிடுவதா? புழுங்கலரிசி சாப்பிடுவதா என்ற குழப்பம் நிறைய பேருக்கு உண்டு. அதுகுறித்துதான் இங்கு பார்க்கப் போகிறோம்.

​எப்படி வகைப்படுத்துகிறார்கள்?

samayam tamil Tamil News Spot

நெல்லை இரவு முழுவதும் தண்ணீரில் ஊற வைத்து, பின் அதிகாலையில் வெயிலுக்கு முன்பாக நீராவியின் மூலம் ஊறிய நெல்லை அரை பதத்துக்கு வேகவைத்து எடுத்து, நன்கு வெயிலில் 2 நாட்கள் உலர்த்தி எடுத்து மெஷினில் கொடுத்து உமி நீக்கி எடுத்தால் கிடைப்பது தான் புழுங்கல் அரிசி.

நெல்லை மேற்கூறிய முறையில் அவிக்காமல் நேரடியாக வெயிலில் உலர்த்தி அரைத்து உமி நீக்கினால், அது பச்சரிசி

​ஏன் புழுங்கலரிசி சிறந்தது?

samayam tamil Tamil News Spot

நெல்லை வேகவைக்கும்போது அதன் உமியில் உள்ள நார்ச்சத்து மற்றும் வை்டமின்கள் அப்படியே அரிசிக்குள் சென்று சேருகிறது. இந்த முறையின் மூலம், வெளிப்புற உமி, தவிட்டின் வைட்டமின்கள், உமியில் உள்ள ஆண்ட்டி ஆக்ஸிடன்ட் தன்மையுள்ள எண்ணெய் ஆகிய அனைத்தும் அரிசிக்குள் திணிக்கப்படுவதால், ஊட்டச்சத்தில் புழுங்கல் அரிசி தான் சிறந்ததாக விளங்குகிறது.

​கிளைசெமிக் குறியீடு

samayam tamil Tamil News Spot

புழுங்கலரிசியில் குறைந்த கிளைசெமிக் தன்மை கொண்டது. ஓரிஜைனால் (Oryzinal) என்னும் ஆன்டி-ஆக்ஸிடண்ட் கொண்டது. வைட்டமின் பி சத்தும் நிறைந்திருக்கின்றது. குறிப்பாக கைக்குத்தல் புழுங்கல் அரிசியில் குறைந்த கிளைசெமிக் தன்மை இருப்பதால், அது ரத்தத்தில் உள்ள சர்க்கரை அளவை மெதுவாக ஏற்றி சர்க்கரை நோயாளிகளுக்கு திடீர் சர்க்கரை உயர்வை ஏற்படாமல் தடுக்கும்.புழுங்கல் அரிசி குளிர்ச்சி. அரிசி சாப்பிடும் அளவைக் குறைத்து, காய்கறிகள், கீரை, புரதம் நிறைந்த பருப்பு வகைகள் ஆகியவற்றை அதிகமாக எடுத்துக் கொண்டாலே சர்க்கரையின் அளவைக் கட்டுப்படுத்த முடியும்.

​எப்படியெல்லாம் எடுத்துக் கொள்ளலாம்?

samayam tamil Tamil News Spot

அரிசியை ஒரே மாதிரியாக சோறாக மட்டும் தான் சாப்பிட வேண்டும் என்பது கிடையாது. அரிசியை நீராவியில் வேகவைத்து இடியாப்பம், இட்லியாக சாப்பிடலாம். கஞ்சியாகவும் அதையே குளிர்வித்து அடுத்த நாள் நீராகாரமாக எடுத்துக் கொள்ளலாம். அரிசியால் செய்யப்பட்ட அவலை, குறிப்பாக சிவப்பு புழுங்கலரிசி அவலை எடுத்துக் கொள்ளலாம். மாலை நேரங்களில் சிற்றுண்டியாக அரிசி பொரியாக எடுத்துக் கொள்ளலாம். அது மலச்சிக்கல் ஏற்படாமல் பார்த்துக் கொள்ளும். இரவில் அரிசி மற்றும் பாசிப்பயறு அல்லது கருப்பு ஊளுந்து அல்லது கொள்ளு ஆகியவற்றுடன் சேர்த்து கஞ்சியாக சாப்பிடும்போது உடல் சூடு குறைவதுடன் நல்ல தூக்கம் வரும். எளிதில் ஜீரணமாகும்.

Thanks for the Source

Share on Social Media

Leave a Reply

Your email address will not be published. Required fields are marked *