Share on Social Media


தலைவலி என்பது நமது வாழ்வில் கடுமையான பாதிப்பை ஏற்படுத்தக்கூடிய ஒரு விஷயமாக உள்ளது. பலரும் தலைவலியால் அவதிப்படுவதை பார்க்க முடிகிறது. பெரும்பாலும் தலைவலி ஏற்பட்டு 24 மணி நேரத்திற்குள் சரியாகிவிடும். ஆனால் மோசமான விளைவை ஏற்படுத்தும் தலைவலிகளும் உள்ளன. ஆனாலும் தலைவலியில் பல்வேறு வகைகள் இருக்கின்றன. நாம் தலைவலி ஏற்படுவதற்கான சரியான காரணத்தை கண்டறிவதன் மூலம் நம்மால் அவற்றை சரி செய்ய முடியும்.

பொதுவாக மக்களுக்கு ஏற்படும் ஆறு முக்கிய தலைவலிகள் இங்கே வரிசைப்படுத்தப்பட்டுள்ளன. அவற்றை எப்படி சரி செய்வது என்பதற்கான சுருக்கமான விளக்கத்தை இப்போது பார்க்கலாம்.

​மன அழுத்த தலைவலி

மன அழுத்தத்தால் தலைவலி ஏற்படுவது என்பது பெரும்பாலான மக்களுக்கு ஏற்படும் பொதுவான தலைவலி ஆகும். தலை மற்றும் கழுத்தைச் சுற்றியுள்ள தசைகள் இறுக்கமாவதால் இந்த வகை தலைவலியானது ஏற்படுகிறது. இது நெற்றி மற்றும் கழுத்தின் பின்புறத்தில் வலியை ஏற்படுத்துகிறது.

இதனால் பெரும்பாலும் உங்களுக்குத் தலையின் மேல் அதிக எடை ஏற்பட்டு அழுத்துவது போன்ற உணர்வு ஏற்படலாம். மன அழுத்தம், கவலை, சோர்வு, கண்களில் ஏற்படும் சோர்வு ஆகியவை இதற்கான காரணங்களாக உள்ளன.

சிகிச்சை முறை:

பாரசிட்டமால் மற்றும் இப்யூபுரூஃபன் போன்ற மருந்துகள் இந்தவகை தலைவலியைக் குறைக்க உதவுகிறது. ஆனால் இந்த தலைவலியைக் குறைப்பதற்கு இதற்கான மூல காரணத்தை நாம் அறிய வேண்டும். அதன் மூலம் தலைவலியை எளிமையாக குறைக்க முடியும்.

​சைனஸ் தலைவலி

samayam tamil Tamil News Spot

சைனஸ் தலைவலி பெரும்பாலும் ஜலதோஷத்தின்போதோ அல்லது அதற்குப் பின்னரோ சைனஸில் ஏற்படும் அழுத்தம் காரணமாக ஏற்படும் தலைவலியாக உள்ளது. உங்களுக்கு சளி பிடிக்கும்போது சைனஸ் துவாரங்கள் அடைக்கப்பட்டு அவை சளியால் நிரப்பப்படலாம். இதனால் உங்களுக்கு சைனஸில் தொற்று ஏற்பட்டு அவை சைனஸ் வலி அல்லது தலைவலியை ஏற்படுத்தலாம்.

பொதுவாக இந்த வகை தலைவலி வரும்போது நாம் தலையை அசைக்கும்போது வலி மோசமடைகிறது. அதே போல சாப்பிடும்போது தாடையில் வலியை ஏற்படுத்துகிறது.

சிகிச்சை முறை:

பாரசிட்டமால் மற்றும் இப்யூபுரூஃபன் போன்ற எளிய வலி நிவாரணிகளை எடுத்துக்கொள்வது இதற்கான தொடக்க முறை சிகிச்சையாகும். சைனஸின் நெரிசலைக் குறைக்க நீராவியை இழுத்தல் போன்ற முறைகளை முயற்சிக்கலாம்.

cancer: இந்த 9 அறிகுறிகள் இருந்தா புற்றுநோய் வர வாய்ப்பு அதிகமாம்…

​க்ளஸ்டர் தலைவலி

samayam tamil Tamil News Spot

க்ளஸ்டர் தலைவலியானது முதன்மை தலைவலி எனவும் அழைக்கப்படுகிறது. இது நரம்பு செயல்பாட்டில் ஏற்படும் பிரச்சனைகளால் ஏற்படுகிறது. இந்த நேரத்தில் மதுபானங்களை எடுத்துக்கொண்டால் அது வலியை இன்னும் மோசமாக்கும்.

பொதுவாக இந்த தலைவலி அரிதாகவே ஏற்படுகிறது. ஆயிரத்தில் நான்கு பேரை இந்த தலைவலி பாதிப்பதாக கூறப்படுகிறது. பெண்களை விட ஆண்களே இதனால் அதிகமாகப் பாதிக்கப்படுகின்றனர். க்ளஸ்டர் தலைவலியில் இரண்டு வகைகள் உண்டு. அவை எபிசோடிக் க்ளஸ்டர் தலைவலி மற்றும் நாள்பட்ட க்ளஸ்டர் தலைவலி. எபிசோடிக் தலைவலி வருடத்திற்கு இரண்டு முறை வரும், பிறகு அதுவாகவே சரியாகிவிடும். ஆனால் நாள்பட்ட தலைவலியானது ஆறு மாதங்கள் வரை நீடிக்கக்கூடியது.

சிகிச்சை:

பாராசிட்டமால் அல்லது இப்யூபுரூஃபன் போன்ற வலி நிவாரணிகள் க்ளஸ்டர் தலைவலிக்கு பெரிதாக வேலை செய்யாது. இதற்கு மருத்துவரை அணுகுவதே சரியான தீர்வாக இருக்கும். அவர் தீவிர தன்மையை அறிந்து அதற்கான மருந்துகளை உங்களுக்கு வழங்குவார்.

​ஒற்றைத் தலைவலி

samayam tamil Tamil News Spot

ஒற்றைத் தலைவலி ஒரு கடுமையான தலைவலி ஆகும். இது அதிகமான அளவில் அவதியை ஏற்படுத்துகிறது. இது முழு உடலையும் பாதிக்கிறது, இதனால் உடல்நிலை சரியில்லாமல் போதல், வாந்தி போன்ற பல பிரச்சனைகள் ஏற்படுகிறது. மேலும் பார்வை திறனிலும் கூட இதனால் பாதிப்பு ஏற்படுகிறது.

உணவுகள், தூக்க முறைகளில் மாற்றம், ஹார்மோன் மாற்றங்கள், உரத்த சத்தம் மற்றும் பிரகாசமான விளக்குகள் போன்ற சுற்றுச்சூழல் காரணிகளால் கூட ஒற்றைத் தலைவலி ஏற்படலாம்.

சிகிச்சை:

ஒற்றைத் தலைவலி பிரச்சனை ஏற்பட்டவுடன் பாராசிட்டமால் அல்லது இப்யூபுரூஃபன் போன்ற வலி நிவாரணிகளை எடுத்துக்கொள்வது ஒற்றைத் தலைவலியைக் கட்டுப்படுத்த உதவும். ஒற்றைத் தலைவலி இருக்கும்போது இருண்ட அறையில் ஓய்வெடுக்கவும். பிரகாசமான விளக்குகள் மற்றும் அதிக சத்தமான சூழலைத் தவிர்க்கவும்.

சர்க்கரை நோயாளிகள் தேங்காய், தேங்காய்ப்பால் சாப்பிடலாமா?

​ஹேங் ஓவர் நீட்டிப்பு தலைவலி

samayam tamil Tamil News Spot

ஆல்கஹால் அருந்துபவர்களுக்கு இந்த வகை தலைவலி ஏற்படுகிறது. ஆல்கஹால் உடலில் நீரிழப்பை ஏற்படுத்துகிறது. இதனால் கல்லீரல், மூளை உட்பட சில உறுப்புகளில் நீர் பற்றாக்குறை ஏற்படுகிறது. எனவே உங்களுக்குத் தலைவலி ஏற்படுகிறது.

சிகிச்சை:

இந்த தலைவலியை சரி செய்ய நிறைய தண்ணீர் குடிப்பது சிறந்த வழியாகும்.

​அதிகமாக மருந்துகள் பயன்படுத்துவதால் ஏற்படும் தலைவலி

samayam tamil Tamil News Spot

வலி நிவாரணி மருந்துகளை வாரத்திற்கு இரண்டு அல்லது மூன்று முறையோ, மாதத்திற்கு 10 நாட்களுக்கு மேல் பயன்படுத்தினாலோ அதனால் தலைவலி ஏற்படும் வாய்ப்புள்ளது.

வலி நிவாரணிகளின் தாக்கம் குறையும்போது, நாம் மீண்டும் வலி நிவாரணியை எடுத்துக்கொள்வோம். இந்த நிலையில் அது தலைவலியை ஏற்படுத்துகிறது. அடிக்கடி தலைவலி ஏற்படுபவர்களில் 10 இல் ஒருவருக்கு வலி நிவாரணிகள் காரணமாகத் தலைவலி ஏற்படுவதாக கூறப்படுகிறது.

சிகிச்சை:

இந்த வகையான தலைவலியை சரி செய்ய ஒரே வழி, வலி நிவாரணிகளைப் பயன்படுத்துவதை நிறுத்த வேண்டும். அல்லது இதுகுறித்து மருத்துவரிடம் ஆலோசனை பெறலாம்.

பொறுப்பு துறப்பு: மேற்குறிப்பிட்ட மருந்துகளைப் பயன்படுத்தும் முன் உங்களுடைய குடும்ப மருத்துவரிடம் ஆலோசனை பெற்றுக் கொள்ளுங்கள்.



Source link

Share on Social Media

Leave a Reply

Your email address will not be published. Required fields are marked *