Share on Social Media

இன்றைய சுற்றுப்புற சூழலில் சிலருக்கு இளம் வயதிலேயே முகத்தில் சுருக்கம் ஏற்பட்டு வயதான தோற்றத்தைப் பெறுவர். இதனால் பலரும் பல்வேறு பிரச்சனைகளை சந்திப்பர். முக சுருக்கம் வந்துவிட்டால் அவர்களுக்கு வயதாகி விட்டது என்பது மட்டுமே காரணம் கிடையாது. முதலில் முக சுருக்கம் நமது கண்களைச் சுற்றியே வரும். அதற்குப் பின் தான் முகத்தில் சுருக்கம் ஏற்படும். பாதிப்படைந்த சருமம் மற்றும் சூரியனின் புற ஊதாக்கதிர்களின் தாக்கத்தால் கூட முக சுருக்கம் ஏற்படும்.

​தூக்க நிலை

முக சுருக்கம் ஏற்படாமல் இருக்க நீங்கள் தூங்கும் நிலை மிகவும் முக்கியம். தூங்கும் போது உங்கள் முகப் பகுதியில் அழுத்தம் கொடுக்கக் கூடாது. அப்படி முகத்தில் அழுத்தம் கொடுக்கும் போது கன்னம் மற்றும் வாய்ப் பகுதிகளில் தூக்கக் கோடுகள் ஏற்படும் வாய்ப்பு அதிகம். அதனால் முகத்தை மேற்பகுதியில் வைத்தும், முதுகை கீழ்பகுதியில் வைத்தும் உறங்க வேண்டும். குப்புறப் படுத்துத் தூங்குவதை தடுக்க வேண்டும்.

​சால்மன் மீன் சாப்பிடுங்கள்

samayam tamil Tamil News Spot

புரதச் சத்து அதிகம் உள்ள சால்மன் மீன், தோலுக்கு சிறந்த நன்மைகளைத் தருகிறது. சால்மன் மீனில் ஏராளமான ஒமேகா- 3 கொழுப்பு அமிலங்கள் உள்ளன. இந்த கொழுப்பு அமிலங்கள் சருமத்தை பொலிவாகவும், இளமையாக வைத்திருக்க உதவும். அதுமட்டுமின்றி, இது சுருக்கங்களைக் குறைக்க உதவும்.

​சன்கிளாஸ் அணியுங்கள்

samayam tamil Tamil News Spot

பொதுவாகவே எந்தவொரு முகபாவத்தையும் நீங்கள் மீண்டும் மீண்டும் செய்யும் போது தோலின் மேற்பரப்பில் பள்ளம் ஏற்படும். எனவே, அவ்வப்போது முகத்தில் மசாஜ் செய்து கொள்வதோ அல்லது முக பாவனைகளை மாற்றிக் கொண்டே இருக்க வேண்டும். அதேபோல் வாசிப்பு பழக்கம் உள்ளவர்கள் தேவைப்பட்டால் வாசிப்பு கண்ணாடிகளை அணிந்து கொள்ளலாம். அதுமட்டுமின்றி, சூரிய ஒளியில் இருந்து சருமத்தை பாதுகாக்க சன்கிளாஸ் பயன்படுத்தலாம். சன்கிளாஸ் பயன்படுத்துவது கண்களைச் சுற்றியுள்ள சருமத்தை சூரிய பாதிப்புகளிலிருந்து பாதுகாக்கும். அத்தோடு வெயிலின் தாக்கத்தால் நீங்கள் உங்கள் கண்களை கசக்கிக் கொண்டே இருப்பவர் என்றால், அவர்கள் சன்கிளாஸ் பயன்படுத்துவது நல்லது.

​ஆல்பா- ஹைட்ராக்ஸி அமிலங்கள்

samayam tamil Tamil News Spot

ஆல்பா- ஹைட்ராக்ஸி அமிலங்கள் நமது சருமத்தில் உள்ள இறந்த செல்களை நீக்க உதவும். இறந்த செல்கள் நமது சருமத்தில் இருந்தாலும் முக சுருக்கம் ஏற்படும். இதனை நீக்க ஹைட்ராக்ஸி அமிலங்களை பயன்படுத்தலாம். இறந்த செல்களை நீக்குவதோடு சருமத்தில் ஏற்படும் துளைகள், கோடுகளைக் குறைக்க உதவும். ஆல்பா- ஹைட்ராக்ஸி அமிலங்கள் உங்கள் சருமத்திற்கு வலிமையையும், உறுதியையும் தரும். அதனால் எப்போதும் சன்ஸ்கிரீன் பயன்படுத்துவதை கவனத்தில் கொள்ளுங்கள்.

​அடிக்கடி முகம் கழுவாதீர்

samayam tamil Tamil News Spot

சருமத்தில் உள்ள ஈரப்பதம் உங்களின் தோல்களை பாதுகாக்க உதவும். அத்தோடு தோல் சுருக்கங்களை எதிர்த்து பாதுகாக்கவும் உதவும். இயற்கையாகவே நமது சருமம் எண்ணெய்த் தன்மையை சுரக்கும். அது சிலருக்கு எரிச்சலை ஏற்படுத்தும். அதற்காக அவர்கள் அடிக்கடி முகத்தை கழுவி வருவர். முகத்தை அடிக்கடி கழுவினால் எண்ணெய்த் தன்மை போய், வறண்டு போய்விடும். அதனால், அடிக்கடி முகத்தை கழுவுவதை தவிர்க்கலாம். சோப்புக்கு பதிலாக மாய்ஸ்சரைசரோ, ஜெல் அல்லது கிரீம் போன்றவற்றையோ முகத்தை கழுவ பயன்படுத்தலாம்.

Thanks for the Source

Share on Social Media

Leave a Reply

Your email address will not be published. Required fields are marked *