Share on Social Media


நாம் மூக்கு மற்றும் வாய் இரண்டையுமே சுவாசித்தலுக்கு பயன்படுத்துகிறோம். இதற்கு நாசித்துவாரம் உதவுகிறது. மூக்கு, வாய் இரண்டுமே சுவாச அமைப்புடன் தொடர்பில் உள்ளது. இதனால்தான் சில சமயங்களில் தண்ணீர் குடிக்கும்போது அது மூக்கில் ஏறி மூக்கு வழியாக வெளியேறுகிறது. அதிகமான நபர்கள் தூங்கும்போது வாயால் சுவாசிக்கின்றனர். தூங்கும்போது வாயால் சுவாசிப்பது தவறான விஷயமாகும்.

​சுவாசப் பிரச்சினைகள்

வாய் சுவாசமும் மூக்கு சுவாசம் போலவே ஒரு சுவாச செயல்முறை ஆகும். காற்றை உள்ளிழுக்கவும் வெளியேற்றவும் நாம் வாயை திறக்கிறோம். நாம் மூக்கின் வழியாக மூச்சை உள்ளிழுத்து வெளியே விடும்போது அதற்கு நாசித்துவாரம் உதவுகிறது. ஆனால் நாசித்துவாரம் அடைப்படும்போது நாம் வாயின் வழியாக சுவாசிக்கிறோம், அது தீங்கு விளைவிக்கும் விஷயமாகும். சமீபத்தில் ஊட்டச்சத்து நிபுணர் ஒருவர் தூங்கும்போது வாய் வழியே சுவாசிப்பதால் ஏற்படும் பிரச்சனைகள் குறித்து கூறியுள்ளார்.

​வாய் சுவாசம்:

samayam tamil Tamil News Spot

வாய் சுவாசம் ஏன் மோசமானது? என்பது பலரது கேள்வியாக இருக்கலாம். இதை குறித்து நிபுணர்கள் விளக்குகின்றனர். ”நமது நரம்பு மண்டலத்தில் இரண்டு கிளைகள் உள்ளன. அவை சிம்பதிக் மற்றும் பாராசிம்பதிக் ஆகும். நமது உடலில் ஓய்வு மற்றும் செரிமானம் போன்ற நிகழ்வுகளை இந்த பாரா சிம்பதிக் நரம்பு மண்டலம் நிர்வகிக்கிறது, சிம்பதிக் நரம்புகள் உடல் இயக்கத்திற்கு முக்கியத்துவம் அளிக்கின்றன, பாரா சிம்பதிக் நமது உடல் மற்றும் மன அமைதிக்கு உதவுகிறது.

வாய் சுவாசமானது நமது உடலை சிம்பதிக் நிலைக்கு கொண்டு செல்கிறது, அதே சமயம் நமது நாசித்துவாரமானது பாரா சிம்பதிக் நிலையை செயல்படுத்துகிறது. இதனால் நமது உடலில் பல்வேறு உபாதைகள் ஏற்படுகின்றன. நாள்பட்ட மன அழுத்தம் மற்றும் சுவாச கோளாறு போன்றவை இதனால் ஏற்படுகிறது. மேலும் உடற்பயிற்சியின்போது புதிய திசுக்கள் உருவாகுவதையும் இது தடுக்கிறது” என அவர் கூறுகிறார்.

ஆரோக்கியமான வாழ்க்கை வாழ ஊட்டச்சத்து நிபுணர்கள் கூறும் 10 விஷயங்கள் இதோ…

​எடை இழப்புக்கு உதவும் மூக்கு சுவாசம்

samayam tamil Tamil News Spot

வாய் சுவாசம் பல்வேறு வழிகளில் நமக்கு பாதிப்பை ஏற்படுத்துகிறது, ஆனால் மூக்கின் வழியே சுவாசம் நிகழும்போது அது நமக்கு பல்வேறு ஆரோக்கிய நன்மைகளை ஏற்படுத்துகிறது. மேலும் உடல் எடை இழப்பிற்கு இந்த சுவாசம் வெகுவாக உதவுகிறது.

நாம் தூங்கும்போது நமது உடலில் பல்வேறு விஷயங்கள் நடக்கின்றன. நமது உடலின் மீட்பு செயல்முறையின் பெரும்பகுதி நாம் தூங்கும்போதே நடக்கின்றன. இதனால் தூங்கும்போது நீங்கள் எப்படி மூச்சுவிடுகிறீர்கள் என்பது முக்கியமாகும். நீங்கள் வாய் வழியாக மூச்சு விடுகிறீர்கள் எனில் இந்த மீட்பு செயல்முறையில் அது பிரச்சனையை ஏற்படுத்தும், ஆனால் ஆழந்த உறக்கத்திற்கு சென்ற பிறகு நாம் எப்படி மூச்சு விடுகிறோம் என்பது நமக்கே தெரியாது.

அரிசியை சமைக்கும்முன் ஏன் ஊறவைக்க வேண்டும்… ஊறவைக்காமல் சமைத்தால் ஏற்படும் ஆபத்துகள் என்ன…

​நாசி சுவாசத்தை மேம்படுத்தும் வழிகள்

samayam tamil Tamil News Spot

முன்பே சொன்னது போல நாம் ஆழ்ந்த உறக்கத்திற்கு சென்ற பின்பு நாம் எப்படியான சுவாசத்தை மேற்கொள்கிறோம் என்பது நமக்கே தெரியாது அப்படியிருக்கையில் நாம் எப்படி வாய் வழி சுவாசத்தை கட்டுப்படுத்துவது? அதற்கு சில எளிய வழிகள் உள்ளன, அவற்றை பின்பற்றுவதன் மூலம் நாம் மூக்கு வழி சுவாசத்தை பெற முடியும். இதனால் இயல்பாகவே இரவில் நாம் மூக்கு வழியாக சுவாசிக்க முடியும்.

சாதாரணமாக நமது மூச்சு விடும் முறையானது மூக்கு வழியாகவே நிகழ்கிறது. ஆனால் சில காரணங்களால் அது சில சமயங்களில் வாய் வழியாக நிகழ்கிறது. எனவே முதலில் நாம் அந்த காரணத்தை கண்டறிய வேண்டும். மூக்கில் நமது நாசி பாதையில் தடை ஏற்படும்போதுதான் நாம் வாய்வழி சுவாசத்திற்கு மாறுகிறோம்.

எனவே நாம் நமது நாசி சுவாசத்தை மேம்படுத்த வைட்டமின் சி கொண்ட மருந்துகள் மற்றும் உணவுகள், குர்குமின் (மூக்கு அடைப்பை திறக்க உதவும்), துத்தநாகம் நிறைந்த உணவுகள் மற்றும் மருந்துகளை எடுத்துக்கொள்ளலாம். இவை அனைத்தும் நமது நாசி துவாரத்தை மேம்படுத்த உதவும் விஷயங்களாக உள்ளன, மேலும் இதுகுறித்து உங்கள் ஊட்டச்சத்து நிபுணரிடம் பேசுவது மூலம் கூடுதல் தகவல்களை பெற முடியும்.

உடற்பயிற்சிக்கு முன்னும் பின்னும் சருமத்தில் என்னென்ன விஷயங்களைச் செய்யக் கூடாது…

​வாய் சுவாசம் மற்றும் மூக்கு சுவாசம்

samayam tamil Tamil News Spot

இப்போது நமக்கு வாய் சுவாசம் மற்றும் மூக்கு சுவாசம் பற்றி பல விஷயங்கள் தெரிந்துள்ளன, மூக்கு சுவாசமே நமக்கு நன்மை பயக்கிறது, மேலும் மூக்கு வழியாக சுவாசிக்கும்போது அது ஒரு வடிக்கட்டியாக செயல்படுகிறது. காற்றில் இருக்கும் துகள்களை அது வடிக்கட்டுகிறது, ஆனால் வாய்வழி சுவாசத்தில் அப்படியில்லை. இதில் காற்றில் உள்ள துகள்கள் நமது உணவு பாதையை அடைவதற்கான வாய்ப்புகள் உள்ளன.

மேலும் உடல் வெப்பநிலையை சமாளிக்க மூக்கு சுவாசம் உதவுகிறது. குறட்டை மற்றும் பல் பிரச்சனைகளை இது தடுக்கிறது. அதிகப்பட்சம் வாய் சுவாசம் காரணமாகவே குறட்டை ஏற்படுகிறது. மூக்கு சுவாசமானது நாம் சுவாசிக்கும் காற்றை ஈரப்பதமாக்குகிறது.

​வாய் வறட்சி

samayam tamil Tamil News Spot

வாய் சுவாசம் பற்றி பார்த்தோம் எனில் அது உடலில் பலவகை பிரச்சனைகளையே ஏற்படுத்துகிறது. இதனால் வாயில் வறட்சி மற்றும் தொண்டை புண் போன்ற பிரச்சனைகள் ஏற்படலாம், குறட்டை, பல் பிரச்சனைகள், தினமும் சோர்வாக உணர்தல் மற்றும் வாயில் துர்நாற்றம் போன்ற பிரச்சனைகளும் இதனால் ஏற்படுகின்றன.

எனவே வாய் சுவாசம் பற்றிய தீமைகள் குறித்து இதன் மூலம் நீங்கள் அறிந்திருக்க முடியும். எனவே மேலே குறிப்பிட்ட வழிமுறையை பின்பற்றி சரியான சுவாச முறைக்கு மாறவும்.



Source link

Share on Social Media

Leave a Reply

Your email address will not be published. Required fields are marked *