Share on Social Media

உடல் தொப்பை என்பது உடல் ஆரோக்கியத்தில் இருக்கும் பிரச்சனையை குறிக்க கூடிய ஒரு விஷயமாகும். இதனால் உடல் ரீதியாகவும் மன ரீதியாகவும் நாம் பல பிரச்சனைகளை சந்திக்க வேண்டி உள்ளது. நமது அன்றாட வேலையை பார்ப்பது கூட தொப்பை வந்த பிறகு கடினமான விஷயமாக மாறி விடுகிறது. மேலும் பெண்களுக்கு இது அவர்கள் அழகை குறைக்க கூடிய ஒரு விஷயமாக பார்க்கப்படுகிறது.

​வயிறு வீக்கம்

நீங்கள் பொதுவாக வெளியில் செல்லும்போது இது மேலும் அசெளகரியத்தை ஏற்படுத்துகிறது. மேலும் நீங்கள் இறுக்கமான் ஜீன்ஸ் போன்ற ஆடைகளை அணியும் போது வயிறு பெரிதாக இருப்பதால் அவை உங்களுக்கு பொருந்தாது. இதனால் உங்களுக்கு வெறுப்பு ஏற்படலாம். மேலும் நம்மை சுற்றி உள்ள சிலர் நம்மீது உடல் ரீதியான கேலியை செய்யலாம். ஆனால் இவை எல்லாம் தற்காலிகமானதுதான் என்பதை நீங்கள் அறிந்துக்கொள்ள வேண்டும். ஏனெனில் தொப்பையை குறைக்க அறிவியல் பூர்வமாக நிரூபிக்கப்பட்ட சில வழிகள் உள்ளன. அவற்றை இப்போது பார்ப்போம்.

​அதிகப்படியான உணவை தவிர்க்கவும்

samayam tamil Tamil News Spot

நாம் அதிகமாக உணவுகளை உண்ணும்போது நமக்கு வயிறு வீங்கியிருப்பது என்பது ஒரு பொதுவான விஷயமாகும். அனைவருமே அதிகமாக சாப்பிட்டு முடித்த பிறகு தங்களது வயிறு வீங்கியிருப்பதை காணலாம். ஆனால் பலர் அவசரமாக சாப்பிடுவதால் எவ்வளவு உணவை உட்கொள்கிறோம் என்பதை உணர்வதில்லை. மேலும் அவர்கள் இதனால் வழக்கத்தை விடவும் அதிகமாக உணவை உட்கொள்கின்றனர்.

இதன் விளைவாக உங்கள் வயிறு வீங்கி காணப்படலாம். எனவே தட்டில் உணவை நிரப்பும்போது அதை முழுவதுமாக நிரப்புவதை காட்டிலும் ஊட்டச்சத்துள்ள உணவை தட்டில் சேர்ப்பதற்கு முயற்சி செய்யவும். நீங்கள் கவனமாக சாப்பிட பயிற்சி செய்ய வேண்டும். உணவை அவசரமாக உண்பது ஆரோக்கியத்திற்கு நன்மை பயக்காது. ஒவ்வொரு முறையும் உணவை நன்றாக மென்று உண்ணுங்கள்

​உணவு ஒவ்வாமை மற்றும் சகிப்பு தன்மை

samayam tamil Tamil News Spot

உணவின் காரணமாக ஏற்படும் ஒவ்வாமை உங்களுக்கு அசெளகரியத்தை ஏற்படுத்தலாம். குறிப்பிட்ட உணவை உண்ணும்போது உங்கள் வயிறு வீங்கி காணப்பட்டால் அது உணவு ஒவ்வாமைக்கான அறிகுறியாக இருக்கலாம்.

லாக்டோஸ், முட்டை மற்றும் பசையம் இல்லாத சில உணவுகள் ஒவ்வாமை ஏற்படுத்த கூடியதாக உள்ளது. இவை நமக்கு வயிற்று வலி ஏற்படுவதற்கு காரணமாக அமைகின்றன. மேலும் சிலருக்கு இந்த உணவுகள் ஜீரணமாவதில் சிக்கல்கள் ஏற்படுகின்றன. எனவே அப்படியான பிரச்சனைகளை சந்திப்பவர்கள் உங்களுக்கு பிரச்சனை தரும் உணவுகளை தவிர்க்கவும்.

​வாயுக்களை விழுங்குவதை தவிர்க்கவும்

samayam tamil Tamil News Spot

வாயுக்களை எப்படி விழுங்க முடியும் என நீங்கள் சிந்திக்கலாம். கார்பன் ஏற்றப்பட்ட பானங்களை நீங்கள் குடிக்கும்போது சுயிங்கமை மென்று தின்னும்போது நீங்கள் வாயு மற்றும் காற்று குமிழ்களை விழுங்குகிறீர்கள். சோடா பானங்களில் கார்பன் டை ஆக்ஸைடு குமிழ்கள் உள்ளன. அவை உங்கள் வயிற்றை அடைந்த பிறகு அதில் உள்ள வாயு திரவத்தில் இருந்து வெளியேறலாம்.

அதே போல நீங்கள் சுயிங்கம்மை மெல்லும்போது அதன் வழியாக அதிக காற்றை விழுங்குகிறீர்கள். இது அடிவயிற்றில் அசெளகரியத்தை உண்டாக்குகிறது. மேலும் தொப்பை உருவாக இவை முக்கிய காரணமாக உள்ளன.

​அதிக நார்ச்சத்துள்ள உணவுகள்

samayam tamil Tamil News Spot

நீங்கள் அடிக்கடி வயிறு தொப்பை பிரச்சனையால் பாதிக்கப்படுகிறீர்கள் எனில் அதிக அளவு நார்ச்சத்தை எடுத்துக்கொள்கிறீர்கள் என பொருள். எனவே நார்ச்சத்துள்ள பொருட்கள் மீது கவனமாக இருங்கள். அதிக அளவு நார்ச்சத்துள்ள சில உணவுகள் உடலில் வாயு உற்பத்தி செய்கின்றன.

பொதுவாக பீன்ஸ் மற்றும் பயறு போன்று பருப்பு வகைகள் அதிக நார்ச்சத்தை கொண்டுள்ளன. மேலும் கொழுப்பு நிறைந்த உணவுகள் உடல் செரிமானத்தை மெதுவாக்கும். மேலும் ஏற்கனவே வயிறு தொப்பை பிரச்சனையால் பாதிக்கப்பட்டவர்களுக்கு இது பிரச்சனைகளை ஏற்படுத்தும்.

​சீரான இடைவெளியில் சாப்பிடுங்கள்

samayam tamil Tamil News Spot

உணவு நேரத்திற்கு இடைப்பட்ட நேரமானது முக்கியமானதாகும். அதிக நேரத்திற்கு உணவு உண்ணாமல் இருக்கும்போது குடல் பாக்டீரியாவால் உடலில் வாயு உருவாக வாய்ப்புள்ளது. எனவே உங்கள் செரிமான அமைப்பை ஆரோக்கியமாக வைத்துக்கொள்ள தினமும் அடிக்கடி சிறிய சிறிய உணவுகளை எடுத்துக்கொள்ளுங்கள்.

உங்கள் உணவுகளுக்கு இடையில் பழங்கள், முந்திரி போன்ற விதைகள் போன்றவற்றை உண்பது உங்கள் வயிற்றின் வீக்கத்தை தடுக்க உதவலாம்.

​புரோபயாடிக்குகள்

samayam tamil Tamil News Spot

மோசமான குடல் ஆரோக்கியமும் வயிறு தொப்பைக்கு முக்கியமான காரணமாக உள்ளது. இதை தடுக்க புரோபயாடிக்குகள் கொண்ட உணவுகளை எடுத்துக்கொள்ளலாம். தயிர், மற்றும் ஊறுகாய் போன்ற உணவுகளில் புரோபயாடிக்குகள் அதிகமாக உள்ளன. இவை குடலில் நன்மை செய்யும் பாக்டீரியாக்களின் எண்ணிக்கையை அதிகரிக்கவும் உங்கள் செரிமான செயல்முறையை விரைவாக்கவும் உதவுகின்றன.

மேலும் புரோபயாடிக்குகள் செரிமான பிரச்சனை உள்ளவர்களுக்கு வாயு உற்பத்தியையும் வயிறு வீக்கத்தையும் குறைப்பதாக சில ஆய்வுகள் கூறுகின்றன.

​சோடியம் உட்கொள்ளலை குறைக்கவும்

samayam tamil Tamil News Spot

உப்பு திண்பண்டங்களில் அதிக அளவு சோடியம் நிறைந்துள்ளது. இவை உங்களுக்கு மூச்சு திணறலை உண்டாக்கும். சோடியம் உடலில் நீரை தக்கவைக்க வழி வகுக்கிறது. இதனால் உங்கள் வயிறு பெரிதாக தோன்றக்கூடும். எனவே அதிகப்பட்சம் பதப்படுத்தப்பட்ட மற்றும் உப்பு உணவுகளை குறைவாக உண்ண முயற்சிக்கவும். இவை உங்கள் வயிறு வீக்கத்தை மேலும் மோசமாக்க கூடியதாக உள்ளது.

​மருத்துவரை அணுகவும்

samayam tamil Tamil News Spot

நீங்கள் அடிக்கடி வயிறு வீக்கம் பிரச்சனையால் பாதிக்கப்படுகிறீர்கள் அல்லது உங்கள் அன்றாட வாழ்க்கையில் நாள்ப்பட்ட அளவில் வயிறு வீக்கம் இருந்தால் அதை சரி செய்ய உங்கள் மருத்துவரை அணுகவும். சில அடிப்படை சுகாதார பிரச்சனைகளால் கூட உங்கள் வயிற்றில் வீக்கம் ஏற்படலாம். இது சிகிச்சையளிக்கபடாவிட்டால் இன்னும் மோசமாகிவிடும்.

Thanks for the Source

Share on Social Media

Leave a Reply

Your email address will not be published. Required fields are marked *