Share on Social Media

நம் அழகான முகத்தின் அழகைக் கெடுப்பதில் முகப்பருக்கள் ஒரு முக்கிய பங்கு வகிக்கிறது. உங்களுக்கு முகப்பரு பாதிப்புக்குள்ளான சருமம் இருந்தால், சில பொருட்களைத் நீங்கள் தவிர்ப்பது நல்லது. மேலும், முகப்பரு பாதிப்புக்குள்ளான சருமத்தை கொண்டிருப்பவர்கள் கோடைக்காலத்தில் இன்னும் கவனமாக இருக்க வேண்டியது அவசியம்.

​முகப்பரு

முகப்பருவால் அவதிப்படும் நபர்களுக்கு, ஒரு புதிய தோல் பராமரிப்புப் பொருட்களை முயற்சி செய்வது அல்லது ஒரு புதிய தோல் பராமரிப்பு வழக்கத்தில் ஈடுபடுவது போன்ற செயல்கள், பயத்தையும் குழப்பத்தையும் தரக்கூடும்.

சில தயாரிப்புகளை நீங்கள் உங்கள் சருமத்தில் பயன்படுத்தும் போது, முதலில் நீங்கள் நன்றாக உணரலாம். ஆனால், பின்னர் உங்கள் சருமம் ஆனது சிவந்து காணப்படலாம்; மற்றும் மறுநாள் காலையில் உங்கள் சருமத்தில் எரிச்சல் ஏற்படலாம். இன்னும் மோசமாக, உங்கள் சருமத்தில் புதிய பருக்கள் கூட ஏற்படலாம். சில தயாரிப்புகள் உங்கள் நண்பரின் வறண்ட சருமத்திற்கு ஏற்றவையாக இருக்கலாம். மேலும் அவர்களுக்கு அவை அதிசயங்களைச் செய்யலாம். ஆனால், உங்களுக்கு அந்த தயாரிப்புகள் முகப்பருவைக் கொடுக்கக்கூடும்.

எனவே, உங்கள் சருமத்திற்கு ஏதேனும் பொருந்தாதா என்பதை அறிய சிறந்த வழி என்னவென்றால், நீங்கள் எந்தெந்த பொருட்களைத் தவிர்க்க வேண்டும் என்பதை அறிந்து கொள்வதன் மூலம் தான். இதனை நீங்கள் தெரிந்து கொண்டால், அந்த பொருட்களைக் கொண்ட தயாரிப்புகளை நீங்கள் புறக்கணிக்கலாம். உங்களுக்கு எண்ணெய் சருமம் மற்றும் முகப்பரு பாதிப்புக்குள்ளான சருமம் இருந்தால், நீங்கள் அவசியம் தவிர்க்க வேண்டிய ஐந்து பொருட்கள் இங்கே.

​தேங்காய் எண்ணெய்:

samayam tamil Tamil News Spot

தேங்காய் எண்ணெய் அதன் ஹைட்ரேட்டிங் பண்புகளுக்காக பரவலாக பாராட்டப்பட்டாலும், முகப்பரு பாதிப்புக்குள்ளான சருமத்திற்கு இது நன்மை அளிக்காது. ஏனெனில், முகப்பரு பாதிப்புக்குள்ளான தோலில் இந்த எண்ணெயை தடவும் போது, அது துளைகளைத் தடுக்கும்; மேலும், சருமத்தில் உள்ள அழுக்கு மற்றும் இறந்த செல்களை சருமத்தின் உள்ளேயே சிக்க வைக்கும்.

ஆகையால், தேங்காய் எண்ணெய் கொண்டு தயார் செய்த தயாரிப்புகளைத் தவிர்த்து, அதற்கு பதிலாக ஆர்கன் எண்ணெய் கொண்டு தயார் செய்த தயாரிப்புகளை நீங்கள் தேர்வு செய்யலாம். ஆர்கன் எண்ணெய் உங்கள் சருமத்தில் ஏற்படும் வீக்கத்தைக் குறைக்கிறது; மற்றும் முகப்பருவை குணப்படுத்த உதவும் ஆண்டிசெப்டிக் பண்புகளைக் கொண்டுள்ளது.

கண்ணாடி மாதிரி முகமும் பளபளனு கூந்தலும் இருக்க முட்டை பேஸ்பேக் போடுங்க… யார் எப்படி யூஸ் பண்ணணும்…

​லானோலின்:

samayam tamil Tamil News Spot

லானோலின் என்பது செம்மறி ஆட்டின் கம்பளியில் இருந்து பெறப்பட்ட எண்ணெய், மெழுகு பொருள் ஆகும். இது சருமத்தை அமைதிபடுத்தக்கூடிய பண்புகளைக் கொண்டுள்ளது. இந்த பண்புகள், வறண்ட சருமத்திற்கு சிகிச்சை அளிப்பதில் மிகவும் பிரபலமாக உள்ளது. இது ஈரப்பதத்தைத் தக்கவைக்க உதவுகிறது. ஒப்பீட்டளவில், ஈரப்பதமூட்டிகள் மற்றும் கிரீம்களில் இது ஒரு பொதுவான பொருளாக உள்ளது. ஆனால், லானோலின் சருமத்தில் உள்ள துளைகளை அடைத்து, முகப்பருக்களை ஏற்படுத்தும்.

​அல்கா சாறு:

samayam tamil Tamil News Spot

இது சரும உற்பத்தியை சமநிலைப்படுத்துகிறது மற்றும் ஒரு அழற்சி எதிர்ப்புப் தயாரிப்பாக செயல்படுகிறது. மேலும் இது சருமத்தின் துளைகளைத் தடுப்பதன் மூலம், ஒயிட்ஹெட்ஸ் மற்றும் பிளாக்ஹெட்ஸை (கரும்புள்ளிகள்) ஏற்படுத்தக்கூடும். ஆல்கா சாற்றின் அதிகப்படியான பயன்பாடு, முகப்பருக்களை ஏற்படுத்தும் மற்றும் சரும துளைகளை அடைத்துவிடும்.

பெண்கள் வாக்ஸிங், திரெட்டிங் செய்துகொள்வதை விட ஷேவ் செய்வது நல்லது… ஏன்னு தெரியுமா?

​ஐசோப்ரொபைல் மைரிஸ்டேட் மற்றும் ஐசோப்ரொபைல் பால்மிட்டேட்:

samayam tamil Tamil News Spot

ஐசோப்ரொபைல் மைரிஸ்டேட் மற்றும் ஐசோப்ரொபைல் பால்மிட்டேட் ஆகியவை உங்கள் சருமத்தின் வெளிப்புற அடுக்கை வலுப்படுத்தவும், ஈரப்பதத்தை தக்கவைத்துக் கொள்ளவும் உதவும் எமோலியென்ட்கள் ஆகும். ஆன்டி- ஏஜிங் கிரீம்கள் பலவற்றில் இது உள்ளது. ஏனெனில், அந்த கிரீம்களில் உள்ள பிற பொருட்களின் சிறந்த ஊடுருவலுக்கு இது உதவுகிறது. இருப்பினும், உங்களுக்கு முகப்பரு பாதிப்புக்குள்ளான சருமம் இருந்தால், நீங்கள் இந்த மூலப்பொருட்களில் இருந்து விலகி இருப்பது நல்லது. ஏனெனில், இது சருமத்தின் துளைகளை அடைத்துவிடும்; மேலும், கரும்புள்ளி உருவாவதை ஊக்குவிக்கக்கூடிய பண்புகளும் இதில் உள்ளன.

​பாராபென்ஸ்:

samayam tamil Tamil News Spot

பாராபென், தோல் பராமரிப்பு சூத்திரங்களில் அதிகப்படியாகவும் மற்றும் பாதுகாப்பாகவும் பயன்படுத்தப்படுகிறது. பூஞ்சை, பாக்டீரியா மற்றும் ஈஸ்ட் ஆகியவற்றின் வளர்ச்சியைத் இந்த பாராபென் தடுக்கின்றன; இவை ஒரு தயாரிப்பின் காலவறையை பாதிக்கலாம் என்று சொல்லப்படுகிறது. இருப்பினும், பாராபெனின் அதிகப்படியான பயன்பாடு நம் சருமத்திற்கு நல்லதல்ல. குறிப்பாக, முகப்பரு பாதிப்புக்குள்ளான சருமத்திற்கு அவை தொந்தரவாக கருதப்படுகின்றன. பாராபென் உங்கள் முகப்பருக்களை நேரடியாக மோசமாக்காது. ஆனால், உங்கள் உடலில் உள்ள ஈஸ்ட்ரோஜனை அவை தூண்டுகின்றன. இது முகப்பருக்களை இன்னும் மோசமடைய செய்யும் அல்லது புதிய முகப்பருக்கள் ஏற்படுவதற்கு வழிவகுக்கும்.

Thanks for the Source

Share on Social Media

Leave a Reply

Your email address will not be published. Required fields are marked *