Share on Social Media


கொரோனாவை விரட்ட ரெம்டெசிவர் மருந்து முக்கிய பங்கு வகிக்கிறது என்று கூறப்படுவதால் அந்த மருந்தை வாங்க கடும் போட்டி நிலவுகிறது. ஆனால் உண்மையில் இந்த மருந்து முக்கியமானதா என்றால் மருத்துவ நிபுணர்களிடமிருந்து அவ்வளவு பாசிட்டவான பதில் வருவதில்லை.

சென்னை கீழ்பாக்கம் அரசு மருத்துவக் கல்லூரியில் ரெம்டெசிவர் மருந்து விற்கப்படுகிறது. இதனால் பொதுமக்கள் நீண்ட வரிசையில் அதிகாலை 3 மணியிலிருந்து கல்லூரி வாயிலில் காத்திருக்கின்றனர். வெளி மாவட்டங்களிலிருந்தும் பொது மக்கள் வந்த வண்ணம் உள்ளனர்.
தமிழகத்தில் 10 மாவட்டங்களில் முழு ஊரடங்கு? ஆலோசனை நடத்தும் அரசு!
ஆயிரத்துக்கும் அதிகமானோர் எப்போதும் வரிசையில் நின்றபடி உள்ளனர். டோக்கன் அடிப்படையில் மருந்து விற்கப்படுவதாக கூறப்பட்டாலும் அது முறையாக கடைபிடிக்கப்படுவதில்லை என குற்றச்சாட்டுகள் எழுகின்றன. தனியார் மருந்து நிறுவனங்களின் விற்பனை பிரதிநிதிகளுக்கு அதிகளவில் வரிசையை மீறி மருந்துகள் கொடுக்கப்படுவதாக கூறுகிறார்கள் வரிசையில் கால் வலிக்க நிற்பவர்கள்.

மிக முக்கியமாக வரிசையில் நிற்பவர்களிடம் தனி மனித இடைவெளி பின்பற்றப்படவில்லை. கூட்ட நெரிசல் முண்டியடிக்கிறது. இதனால் இங்கு மருந்து வாங்க வருபவர்களுக்கு கொரோனா பரவும் அபாயம் உள்ளது. தங்களுக்கு நெருக்கமானவர்கள் கொரோனாவால் பாதிக்கப்பட்டிருப்பதால்தான் இந்த மருந்து வாங்க மக்கள் குவிகின்றனர். அவ்வாறு வருபவர்கள் தனி மனித இடைவெளியை பின்பற்றாததால் மேலும் தொற்று அதிகரிக்கும் அபாயம் உள்ளது.

மாநகர் முழுக்க பல இடங்களில் ஓடி ஓடி அபராதம் விதிக்கும் அதிகாரிகள் இந்த மக்கள் கூட்டத்தை முறைப்படுத்த முயல்வதில்லை என்ற குற்றச்சாட்டு எழுகிறது.
tamil samayam Tamil News Spotதமிழகத்தில் யாருக்கு வெற்றி? லீக்காகும் வாக்குக் கணிப்பு முடிவுகள்!
இந்த மருந்து தொற்றால் பாதிக்கப்பட்ட எல்லோருக்குமானது அல்ல என்கிறார் பொது சுகாதாரத் துறை இயக்குநர் செல்வ விநாயகம். “ரெம்டெசிவர் உயிர் காக்கும் மருந்து அல்ல. கொரோனா உயிரிழப்பை தடுக்க ரெம்டெசிவரால் முடியாது. கொரோனாவால் பாதிக்கப்பட்டவர்களில் ஒரு சிலருக்கு மட்டுமே இந்த மருந்து தேவைப்படும். அனைத்து அரசு மருத்துவமனைகளிலும் போதுமான அளவு ரெம்டெசிவர் மருந்து கையிருப்பில் உள்ளது. தேவைப்படும் நோயாளிகளுக்கு முன்னுரிமை அளிக்கப்படுகிறது” என்று கூறினார்.

இது இப்படியிருக்க சில தனியார் மருத்துவமனைகள் வெளியே இருந்து ரெம்டெசிவர் மருந்து வாங்கி வரச் சொல்லி நிர்பந்திப்பதாக புகார் எழுந்துள்ளது.
tamil samayam Tamil News Spotமீண்டும் முதல்வராகும் எடப்பாடி? பலன் அளிக்குமா கொல்லிமலை யாகம்?
கடந்த ஆண்டு கொரோனா பரவல் அதிகரித்த போது கபசுரக் குடிநீர் வாங்க மக்கள் குவிந்தது போல் இப்போது ரெம்டெசிவர் வாங்க குவிகிறார்கள். அரசு அதிகாரிகள் அலட்சியம் காட்டாமல் மருந்து குறித்த விழிப்புணர்வு ஏற்படுத்தவும், கூட்டம் கூடுவதை தடுக்கவும், அதை முறைப்படுத்தவும் உடனடி நடவடிக்கைகள் மேற்கொள்ளவேண்டும் என்பதே மக்களின் எதிர்பார்ப்பாக உள்ளது.



Thanks for the source

Share on Social Media

Leave a Reply

Your email address will not be published. Required fields are marked *