Share on Social Media


கொரோனா இரண்டாம் அலை படு தீவிரமாக தனது ஆதிக்கத்தை காண்பித்து வருகிறது. குழந்தைகள், இளைஞர்கள், நடுத்தர வயதினர், வயதானோர் என்று பாகுபாடில்லாமல் பலரும் இந்த கோர நோய்க்கு ஆளாகிவருகிறார்கள். இந் நிலையில் இறப்பு எண்ணிக்கையும் கணிசமாக இருப்பதால் கொரோனா குறித்த அச்சம் பன்மடங்கு மக்களிடம் அதிகரித்தபடியே உள்ளது.

கொரோனாவுக்கான விழிப்புணர்வை அரசும், சுகாதாரத்துறையும், மருத்துவர்களும் பல்வேறு வகையில் தெளிவுபடுத்தி வந்தாலும் கொரோனா அச்சம் விலகவில்லை. அதே போன்று கொரோனா வந்த பிறகு அதற்கு தீர்வு ரெம்டெசிவிர் தான் என்று பலரும் ஓடிக்கொண்டிருக்கிறார்கள்.

உண்மையில் ரெம்டெசிவிர் மருந்து கொரோனாவை குணப்படுத்துமா, அதற்கு மாற்று மருந்து என்ன என்பது சென்னை, ஓமந்தூரார் அரசு பன்னோக்கு மருத்துவமனையின் நிர்வாக அதிகாரி டாக்டர் ஆனந்த குமார் இது குறித்து சொல்வதுஎன்ன என்பதை பார்க்கலாம்.

​ரெம்டெசிவிர் மருந்து

ரெம்டெசிவிர் மருந்து துவக்கத்தில் ஹெப்பாடைட்டிஸ் சி வைரஸ் தாக்குதலை குணப்படுத்த கண்டுபிடிக்கப்பட்டது. பிறகு எபோலா வைரஸ் தாக்கிய போது இந்த மருந்து அளிக்கப்பட்டது. அதன் பிறகு கொரோனா தாக்குதல் பெருந்தொற்றாக மாறிய பிறகு இந்த மருந்து பரவலாக பயன்படுத்தப்பட்டது.

கொரோனாவிலிருந்து தற்காத்துகொள்ள டீன் ஏஜ் வயதினர் செய்ய வேண்டியவை என்ன?

தொற்றுக்கான பல்வேறு மருந்துகளை பரிசோதிக்க கடந்த ஆண்டு மார்ச் மாதம் கோவிட் ட்ரையல் சோதனையை உலக சுகாதார அமைப்பு துவங்கியது. இதில் ரெம்டெசிவிர், லோபினவிர், ஹைட்ராக்ஸிக் ளோரோக்யின் போன்ற வைரஸ் எதிர்ப்பு மருந்துகள் பரிசோதிக்கப்பட்டன.

​ரெம்டெசிவிர் குறித்த ஆய்வு

samayam tamil Tamil News Spot

ரெம்டெசிவிர், லோபினவிர், ஹைட்ராக்ஸிக்ளோரோக்யின் மூன்றையும் சோதனை செய்ததில் ஹைட்ராக்ஸிக்ளோரோகுயினால் இறப்பு அதிகரிப்பதாக கருதப்பட்டு சோதனையிலிருந்து நீக்கப்பட்டது. பிறகு மீண்டும் சேர்க்கப்பட்டது. இறுதியில் இந்த மருந்தால் எந்த பலனும் இல்லை என்று தீர்மானிக்கப்பட்டது.

இறுதியாக இந்த மூன்று மருந்துகளாலும் கொரோனாவை சரி செய்யகூடிய பலன் இல்லை என்று குறிப்பிடப்பட்டுள்ளது. இந்நிலையில் கொரோனா இரண்டாவது அலையில் மக்கள் ரெம்டெசிவிர் மருந்துக்கு அலைமோதியது நினைவில் இருக்கலாம்.

ரெம்டெசிவிர் தட்டுப்பாடு ஒரு புறம், மறுபக்கம் ரெம்டெசிவிர் கொரோனாவுக்கு தீர்வளிக்காத நிலையில் என்ன மாற்று மருந்து என்பது குறித்து பார்க்கலாம்.

​ரெம்டெசிவிர் கொரோனாவுக்கு உதவுமா

samayam tamil Tamil News Spot

உண்மையில் கொரோனா தீவிரமாகும் போது நுரையீரலையும் ஆக்ஸிஜன் அளவையும் குறைக்கும் போது, ரெம்டெசிவிர் மருந்தால் பயன் இல்லை என்றுதான் சொல்ல வேண்டும் என்கிறார் டாக்டர். ஆனந்த குமார். தற்போது கொரோனாவால் இலேசான அறிகுறிகளை கொண்டிருப்பவர்களுக்கு அரித்ரோமைசின் மாதிரியான மருந்துகள் மட்டுமே கொடுக்கப்பட்ட அவர்களது தீவிரம் கண்காணிக்கப்படுகிறது.

கொரோனா தீவிரமாகி நுரையீரலில் பாதிப்பை உண்டாக்கும் போது ஸ்டீராய்டு மாத்திரைகளும் இரத்தம் உறையாமல் இருக்க அதற்குரிய மருந்துகளும் மட்டும் தான் கொடுக்கிறோம். இந்த தீவிரமான நிலையை எட்டியவர்களுக்கு ரெம்டெசிவிர் பயன் தராது என்கிறார்.

​ரெம்டெசிவிர் பயனில்லை என்னும் போது தட்டுப்பாடு ஏன்?

samayam tamil Tamil News Spot

கொரோனாவின் முதல் அலையில் ரெம்டெசிவிர் குறித்து பரிசோதனை செய்யும் போதே அது தீவிர தொற்றுக்கு பயன் தராது என்பது கண்டறியப்பட்டது. இரண்டாவது அலையில் கொரோனா நோயாளிகள் ஆக்ஸிஜன் பற்றாக்குறையோடு இருக்கும் போதும், நுரையீரலில் பாதிப்பை கொண்டிருக்கும் போது இவை அதிகம் பயன் தராது என்பதால் அதை பயன்படுத்தவில்லை. ஆரம்ப கட்டத்தில் சிலருக்கு ரெம்டெசிவிர் அளித்தாலும் தீவிரமாகும் போது இது பயன் தராது என்பது தான் உண்மை.

இந்நிலையில் மக்களிடயே கொரோனாவுக்கு ரெம்டெசிவிர் தான் என்ற எண்ணம் பரவி தட்டுப்பாடு நிலவும் அளவுக்கு மக்கள் அதை வாங்க தொடங்கினார்கள். நாளடைவில் மக்களே கொரோனா இலேசான அறிகுறிகளாக இருக்கும் போது ரெம்டெசிவிர் மருந்து எழுதி கேட்கும் அளவுக்கு அந்த மருந்தின் மீது நம்பிக்கை கொண்டிருந்தார்கள். தற்போது கொரோனா தீவிரமாக இருக்கும் போது ரெம்டெசிவிர் உதவாது என்ற விழிப்புணர்வு மக்களிடையே உண்டாகியிருக்கிறது.

​ரெம்டெசிவிர் கொரோனாவுக்கு இல்லை எனில் 2- டி.ஜி கொரோனாவுக்கு மருந்தாக இருக்குமா?

-2-

பாதுகாப்பு ஆராய்ச்சி மற்றும் மேம்பாட்டு மையம் என்னும் டிஆர்டிஓ ஆய்வகம் மற்றும் ஹைதராபாத்தில் இயங்கும் டாக்டர் ரெட்டியின் ஆய்வகங்கள் 2 டியோக்ஸி-டி குளுக்கோஸ் ( 2 – டிஜி) மருந்தின் ஃபார்முலாவுடன் இந்த கொரோனா மருந்தை உருவாக்கியுள்ளது. பொடி வடிவில் கிடைக்கும் இதை தண்ணீரில் கரைந்து எடுத்துகொள்ளலாம்.

கொரோனாவிலிருந்து குணமடைந்தவர்கள் அவசியம் சேர்க்க வேண்டிய சத்துமிக்க பானங்கள்!

இந்த மருந்து அடிப்படையில் நல்ல மருந்து. ஆனால் இது கொரோனாவுக்கு தீர்வளிக்குமா என்பதை பரிசோதனை செய்து தான் சொல்ல முடியும். இந்த மருந்து கொரோனா நோயாளிகளுக்கு ஆக்ஸிஜன் தேவை ஏற்படும் நிலையை குறைக்கும் என்று எதிர்பார்க்கப்படுகிறது. தற்போது ஆக்ஸிஜன் தட்டுப்பாடு சார்ந்த சிக்கல்கள் குறையும் என்று கணிக்கப்பட்டுள்ளது.

முதற்கட்டமாக விநியோகிக்கப்பட்டுள்ள இந்த மருந்தை சுகாதாரத்துறை அலுவலர்கள், மருத்துவர்கள் கொரோனா நோயாளிகளுக்கு அளித்து கொரோனா பாதிப்பு குறையும் முறை. ஆக்ஸிஜன் மேம்படுவது போன்றவற்றை கணித்து கொரோனா நோயாளிகளின் முன்னேற்றத்தை தெரிவிக்க வேண்டும். இந்த மருந்துகள் இரண்டாம் மற்றும் முன்றாம் கட்ட சோதனைகளில் நோயாளிகளிடம் நல்ல முன்னேற்றம் இருப்பதாக தெரிவிக்கப்பட்டுள்ளது குறிப்பிடத்தக்கது.

இவையெல்லாம் தாண்டி கொரோனாவை தொற்று பரவாமல் தடுக்க கொரோனா தடுப்பூசியை போட்டுகொள்ள மக்கள் அனைவரும் முன்வர வேண்டும். கொரோனா அறிகுறிகளின் ஆரம்ப நிலையில் மருத்துவரை நாடினால் நிச்சயம் கொரோனாவிலிருந்து மீளலாம். கொரோனா பாதித்தவர்கள் நுரையீரல் மற்றும் ஆக்ஸிஜன் அளவு குறையாமல் இருக்க என்ன செய்யவேண்டும். என்ன மாதிரியான விஷயங்களில் எச்சரிக்கையாக இருக்க வேண்டும் என்பதை தொடர்ந்து பார்க்கலாம்.

Thanks for the Source

Share on Social Media

Leave a Reply

Your email address will not be published. Required fields are marked *