Share on Social Media

அதனால் சருமத்தை புத்துணர்ச்சியாக வைத்திருப்பது அவசியமாகிறது. அதனோடு அது தன்னம்பிக்கையையும் அளிக்க செய்கிறது. தெளிவான சருமம் உங்கள் வயதை குறைத்து காட்டும். இளமையான சருமத்துக்கும் புத்துணர்ச்சியாக வைத்திருக்கவும் சில அற்புதமான வீட்டு வைத்தியங்கள் உண்டு. அதை இப்போது பார்க்கலாம்.

​ஆப்ரிகாட் பேக்

ஆப்ரிகாட் பழங்களில் வைட்டமின் ஏ, வைட்டமின் சி, வைட்டமின் பி மற்றும் லைக்கோபீன் ஆகியவை நிறைந்துள்ளன. இது சிறந்த தோல் புத்துணர்ச்சியூட்டும் முகவர் என்று சொல்லலாம் 3 அலல்து 4 ஆப்ரிகாட் பழங்களை எடுத்து தண்ணீரில் ஊறவைத்து அதை ப்ளெண்டரில் அரைத்து எடுக்கவும்.

ஆண்கள் தலைமுடி : சொட்டையை தடுக்கும் பாரம்பரிய வைத்தியம், நிச்சயம் பலன் உண்டு!

ஆப்ரிகாட் கூழ் – 2 டீஸ்பூன்

தேன் – அரை டீஸ்பூன்

பாதாம் எண்ணெய் – அரை டீஸ்பூன்

எலுமிச்சை சாறு – அரை டீஸ்பூன்

அனைத்தையும் கலந்து மென்மையாக பேஸ்ட் பதத்துக்கு குழைத்து எடுக்கவும். இதை முகம் மற்றும் கழுத்துப்பகுதியில் தடவி உலர அனுமதிக்கவும். பிறகு 20 நிமிடங்கள் கழித்து குளிர்ந்த நீரில் கழுவினால் சருமம் பளபளப்பாக இருக்கும். ஆப்ரிகாட் பயன்படுத்தினால் வாரம் இரண்டு முறை வரை பயன்படுத்த வேண்டும்.

பப்பாளிபழம் பேக்

samayam tamil Tamil News Spot

பப்பாளிப்பழம் – 2 டீஸ்பூன்

தேன் – 2 டீஸ்பூன்

இந்த இரண்டையும் நன்றாக கலந்து வட்ட வடிவ இயக்கங்களில் தடவி எடுக்கவும். பிறகு 15 நிமிடங்கள் கழித்து முகத்தை மந்தமான நீரில் கழுவி எடுக்கவும். பப்பாளி ஆல்பா ஹைட்ராக்ஸி அமிலங்கள் கொண்டுள்ளது. இது சரும பராமரிபுக்கு இயற்கையான ஸ்க்ரப்பாக செயல்பட்டு சருமத்தை புத்துணர்ச்சியாக வைத்திருக்க செய்கிறது.

​ஆரஞ்சு தோல் பேக்

samayam tamil Tamil News Spot

ஆரஞ்சு தோலை காயவைத்து பொடியாக்கி வைக்கவும்.

ஆரஞ்சு தோல் பொடி – 1 டீஸ்பூன்

பாசிப்பயறு மாவு – 2 டீஸ்பூன்

பால் – 4 டீஸ்பூன்

ஆரஞ்சு தோல் பொடியுடன் பாசிப்பயறு மாவு மற்றும் தேவையான பால் கலந்து கலவையை தயார் செய்யவும். இந்த பேக்கை முகத்தில் தடவி 15 நிமிடங்களுக்கு பிறகு முகத்தை குளிர்ந்த நீரில் கழுவி எடுக்கலாம்.

சிட்ரிக் அமிலம் மற்றும் வைட்டமின் சி நிறைந்த ஆரஞ்சு பொடிகள் சருமத்தை சுத்தப்படுத்த செய்கிறது. இது சருமத்தின் பழைய தோலை புதுப்பித்து வைக்கிறது. ஆரஞ்சு தோல் பேக் போடுவதாக இருந்தால் வாரத்தில் இரண்டு நாட்கள் வரை போடலாம்.

​தர்பூசணி பேக்

samayam tamil Tamil News Spot

தர்பூசணி பழத்துடன் வெள்ளரி பேக் சேர்த்து போடும் போது அது சருமத்துக்கு கூடுதல் பொலிவு கூடும். இதி லைகோபீன் இருப்பதால் சருமத்தின் வயதான தோற்றத்தையும் எதிர்த்து போராடும். இது முகத்தில் சுருக்கங்கள் மற்றும் நேர்த்தியான கோடுகளை கொண்டுள்ளன

வெள்ளரியை அரைத்து மசித்து அதனுடன் தர்பூசணி துண்டங்களையும் சேர்த்து மீண்டும் ப்ளெண்டரில் அரைத்து எடுக்கவும்.

தேவை

தர்பூசணி வெள்ளரி சேர்த்து அரைத்த விழுது – 5 டீஸ்பூன்

எலுமிச்சை சாறு – கால் டீஸ்பூன்

இந்த இரண்டையும் கலந்து முகம் மற்றும் கழுத்து பகுதியில் தடவி எடுக்கவும். எண்ணெய் இல்லாத சருமமாக இருந்தால் சருமம் மிருதுவாக மந்தமான நீரில் கழுவி எடுக்கவும். வாரம் மூன்று முறை போடலாம்.

​வாழைப்பழ பேக்

samayam tamil Tamil News Spot

மஞ்சள் நிறமுள்ள வாழைப்பழம் வைட்டமின் சி மற்றும் வைட்டமின் பி 6 கொண்டவை இது சருமத்தின் நெகிழ்ச்சி மற்றும் மென்மையை பராமரிக்க உதவுகின்றன.

தேவை

நடுத்தர அளவிலான வாழைப்பழம் – 1

தேன் – 2 டீஸ்பூன்

ஆலிவ் எண்ணெய் – 2 துளிகள்

இந்திய பெண்களின் முடி நீளமா அழகா இருக்கும் ரகசியம் இதுதான், நீங்களும் ட்ரை பண்ணுங்க!

மூன்றையும் நன்றாக கலந்து மசித்து முகம் மற்றும் கழுத்து பகுதியில் தடவி எடுக்கவும். 20 நிமிடங்கள் அப்படியே வைத்திருந்து முகத்தை கழுவி எடுக்கவும். வாழைப்பழ பேக் போடுவதாக இருந்தால் வாரத்தில் மூன்றூ நாட்கள் வரை பயன்படுத்தலாம்.

​தக்காளி

samayam tamil Tamil News Spot

தக்காளி பயன்படுத்துவதன் மூலம் சருமத்துக்கு ஆண்டி ஆக்ஸிடண்ட்கள் கிடைக்கிறது.

தக்காளி சாறு அல்லது தக்காளி அரைத்த விழுது – 3 டீஸ்பூன்

பால் க்ரீம் – 2 டீஸ்பூன்

தக்காளி சாறுடன் பால் க்ரீம் கலந்து நன்றாக பேஸ்ட் பதத்துக்கு குழைத்து முகத்தில் வட்ட வடிவ இயக்கத்தில் மசாஜ் செய்து விடவும். 15 நிமிடங்கள் கழித்து முகத்தை குளிர்ந்த நீரில் தடவி எடுக்கவும்.

தக்காளியில் லைகோபீன் உள்ளது. இது சருமத்தை புத்துயிர் பெற செய்கிறது. சருமத்தை புதியதாக மாற்றும் அஸ்ட்ரிஜெண்ட் பண்புகளை கொண்டுள்ளன. தக்காளியை பயன்படுத்துவதாக இருந்தால் தினமும் கூட பயன்படுத்தலாம்.

​ஓட்ஸ்

samayam tamil Tamil News Spot

ஓட்ஸ் அழற்சி எதிர்ப்பு மற்றும் ஹிஸ்டாமிக் எதிர்ப்பு பண்புகளை கொண்டுள்ளது. இது சருமத்தை ஒளிரச் செய்வதோடு முகப்பருவை எதிர்த்து போராடுகிறது. இது சருமத்தை எதிர்த்து நீரேற்றமாக வைத்திருக்க செய்கிறது.

ஓட்ஸ் – 1 டீஸ்பூன்

தேன் – 1 டீஸ்பூன்

இரண்டையும் முகத்தில் தடவி 20 நிமிடங்கள் வைத்திருந்து பிறகு முகத்தை வெதுவெதுப்பான நீரில் கழுவி எடுக்க வேண்டும்.

ஓட்ஸில் இருக்கும் சபோனின்கள் சருமத்தை சுத்தப்படுத்தி புத்துயிர் ஊட்டுகின்றன. சரும பொலிவாக இருக்க அழுக்கை நீக்கும் மற்றொரு வழி ஓட்ஸ் பயன்பாடு. இதை அதிகம் பயன்படுத்த வேண்டாம் வாரம் ஒரு முறை பயன்படுத்தினால் போதுமானது.

​ தயிர்

samayam tamil Tamil News Spot

தயிர் சருமத்துக்கு அதிசயங்களை செய்ய கூடும். இதில் உள்ள லாக்டிக் அமிலம் இயற்கை சுத்தப்படுத்தி ஆகும். இது சிறந்த எக்ஸ்ஃபோலியேட்டிங் முகவரும் கூட. சருமத்துக்கு இயற்கை மாய்சுரைசர் என்றும் சொல்லலாம்.

தயிர் – 2 டீஸ்பூன்

மஞ்சள் தூள் கால் டீஸ்பூன்

பாசிபயறு – 1 டீஸ்பூன்

இந்த மூன்றையும் ஒன்றாக கலந்து பேஸ்ட் ஆக்கி வைக்கவும். இதை கொண்டு முகத்தில் வட்ட வடிவ இயக்கத்தில் தடவி மென்மையாக மசாஜ் செய்ய வேண்டும். இது சருமத்தை சுத்தம் செய்வதோடு இளமையாகவும் வைத்திருக்க செய்யும். தயிர் பேக் பயன்படுத்துவதாக இருந்தால் நீங்கள் தினசரி செய்யலாம்.

​பால் பவுடர்

samayam tamil Tamil News Spot

வெளியே செல்லும் போது உடனடியாக முகத்தை புத்துணர்ச்சியாக வைத்திருக்க இந்த பால் பவுடர் உதவக்கூடும்.

தேவை

பால் பவுடர் – 1 டீஸ்பூன்

தேன் – 1 டீஸ்பூன்

எலுமிச்சை சாறு – கால் டீஸ்பூன்

பாதாம் எண்ணெய் 2 சொட்டு

அனைத்தையும் ஒன்றாக கலந்து பேஸ்ட் பதத்துக்கு ஆக்கவும். இதை முகம் மற்றும் கழுத்து பகுதியில் தடவி 20 நிமிடங்கள் வரை வைத்திருந்து பிறகு முகத்தை கழுவி விடவும். இது சருமத்தை மென்மையாக வைத்திருக்க செய்யும்.

முடி அதிகமா உதிர காரணமான ஹார்மோன்கள்! இது எப்போது வரும், எப்படி தவிர்ப்பது? பெண்கள் ப்ளீஸ்

பால் பவுடர் சருமத்தை சுத்தம் செய்கிறது. எலுமிச்சை முகத்தை ஒளிர செய்கிறது. பாதாம் எண்ணெயும் தேனும் சருமத்துக்கு புத்துணர்ச்சி அளிக்கிறது. மேற்கண்ட பொருள்கள் எல்லாமே எளிதாக கிடைக்க கூடியவை தான் என்பதால் இனி உங்கள் சருமம் பொலிவாக மாறும் என்பதில் மாற்றம் இருக்காது.

Thanks for the Source

Share on Social Media

Leave a Reply

Your email address will not be published. Required fields are marked *