Share on Social Media


ஹைலைட்ஸ்:

  • த்ரிஷ்யம் 2 படம் பார்த்து பாராட்டி ட்வீட்டிய அஸ்வின்
  • தன் படத்தை பாராட்டிய அஸ்வினுக்கு நன்றி தெரிவித்த மோகன்லால்
  • த்ரிஷ்யம் 2 கோர்ட் சீன் டுவிஸ்ட்டை பார்த்து சிரித்த அஸ்வின்

ஜீத்து ஜோசப் இயக்கத்தில் மோகன்லால் ஜார்ஜ் குட்டியாக நடித்த த்ரிஷ்யம் படம் கடந்த 2013ம் ஆண்டு வெளியாகி வெற்றி பெற்றது. அந்த படத்தை தமிழில் கமல் ஹாசனை வைத்து பாபநாசம் என்கிற பெயரில் ரீமேக் செய்தார் ஜீத்து ஜோசப். மேலும் வெங்கடேஷை வைத்து தெலுங்கிலும், அஜய் தேவ்கனை வைத்து இந்தியிலும் ரீமேக் செய்தனர்.

அனைத்து மொழி சினிமா ரசிகர்களும் த்ரிஷ்யம் ரீமேக்கிற்கு அமோக ஆதரவு கொடுத்தனர். இதையடுத்து 4 ஆண்டுகளாக த்ரிஷ்யம் 2 ஸ்க்ரிப்ட்டை தயார் செய்து படத்தை எடுத்து அதை கடந்த 19ம் தேதி அமேசான் பிரைமில் வெளியிட்டார் ஜீத்து ஜோசப்.

படத்தை பார்த்த அனைவரும் ஆஹா, ஓஹோ என்று சமூக வலைதளங்களில் பாராட்டிக் கொண்டிருக்கிறார்கள். இதனால் மலையாளம் தெரியாதவர்கள் கூட சப் டைட்டிலுடன் த்ரிஷ்யம் 2 படத்தை பார்த்து வருகிறார்கள்.

அடேங்கப்பா, எத்தனை டுவிஸ்ட்டு என்று படம் பார்த்த அனைவரும் கூறுகிறார்கள். இதுவரை மோகன்லால் நடித்த படங்களை பார்த்திராவர்கள் கூட த்ரிஷ்யம் 2 படத்தை பார்த்துவிட்டு வாவ், என்ன ஒரு நடிகர்யா என பாராட்டுகிறார்கள்.

த்ரிஷ்யம் 2 படத்தை பார்த்து இம்பிரஸ் ஆனவர்கள், கையோடு அதன் முதல் பாகத்தையும் பார்க்கிறார்கள். இந்நிலையில் தான் கிரிக்கெட் வீரர் அஸ்வினும் த்ரிஷ்யம் 2 படத்தை பார்த்து ரசித்துள்ளார். படம் பார்த்த அவர் ட்விட்டரில் கூறியிருப்பதாவது,

த்ரிஷ்யம் 2 படத்தில் நீதிமன்றத்தில் ஜார்ஜ் குட்டி ஏற்படுத்திய டுவிஸ்ட்டை பார்த்து சத்தமாக சிரித்துவிட்டேன். நீங்கள் இன்னும் பார்க்கவில்லை எனில் த்ரிஷ்யம் 1 படத்தில் இருந்து ஆரம்பிக்கவும். அருமை என தெரிவித்துள்ளார்.

அஸ்வினின் ட்வீட்டை பார்த்த மோகன்லால் கூறியதாவது,

உங்களின் பிசியான ஷெட்யூலிலும் த்ரிஷ்யம் 2 படம் பார்த்து, அது பற்றி பேச நேரம் ஒதுக்கியதற்கு நன்றி. உங்களின் கெரியருக்கு வாழ்த்துக்கள் என பதில் அளித்திருக்கிறார்.
மோகன்லாலின் கமெணட்டை பார்த்த அஸ்வினோ, லால் ஏட்டன் என்று கூறி நன்றி தெரிவிக்கும் எமோஜியை கமெண்ட் பாக்ஸில் போட்டுள்ளார்.
வடிவேலுவுக்கு அடித்தது ஜாக்பாட்: ஹீரோவாக நடிக்கிறார்



Source link

Share on Social Media

Leave a Reply

Your email address will not be published. Required fields are marked *