Share on Social Media


ஹைலைட்ஸ்:

  • கலைஞர் நினைவு நூலகம் அமைக்க பென்னிகுவிக் வாழ்ந்த இல்லத்தை இடிக்கக்கூடாது
  • பாட்டாளி மக்கள் கட்சி நிறுவனர் ராமதாஸ் வலியுறுத்தல்

கலைஞர் நினைவு நூலகம் அமைக்க பென்னிகுவிக் வாழ்ந்த இல்லத்தை இடிக்கக் கூடாது என, பாட்டாளி மக்கள் கட்சி நிறுவனர் ராமதாஸ் வலியுறுத்தி உள்ளார்.

மதுரையில், கர்னல் ஜான் பென்னிகுவிக் நினைவு இல்லத்தை இடித்து கலைஞர் நூலகம் அமைக்கப்பட உள்ளதாக தகவல்கள் வெளியாகி உள்ளன. தனது சொந்தப் பணத்தை செலவு செய்து முல்லைப் பெரியாறு அணையை உருவாக்கி தென் தமிழக மக்களின் வாழ்வாதாரத்திற்கு வழிவகுத்தவர் கர்னல் ஜான் பென்னிகுவிக். அவரது நினைவில்லம் தமிழக அரசால் பாதுகாக்கப்பட்டு வரும் நிலையில் இந்த செய்திக்கு அ.தி.மு.க., உள்ளிட்ட எதிர்க்கட்சிகள் எதிர்ப்புத் தெரிவித்துள்ளன.

தமிழகத்தில் அதிகரிக்கும் கொரோனா தொற்று ! 3 ஆம் அலை தொடக்கமா !

இந்நிலையில், சமூக வலைதளமான ட்விட்டரில், பா.ம.க., நிறுவனர் டாக்டர் ராமதாஸ் வெளியிட்டுள்ள பதிவில் தெரிவித்துள்ளதாவது:
மதுரையில் கலைஞர் நூலகம் அமைப்பதற்காக, மதுரை காவல் துறை ஆணையர் அலுவலகம் அருகில் உள்ள முல்லைப் பெரியாறு அணையை கட்டிய பென்னிகுவிக் வாழ்ந்த பொதுப்பணித் துறைக்கு சொந்தமான வீட்டை இடிக்கும் திட்டத்தை தமிழக அரசு கைவிட வேண்டும்.
பெகாசஸ் விவகாரம்: உச்சநீதிமன்றத்தில் வரும் 5ல் விசாரணை!
கலைஞர் பெயரில் அறிவை வளர்க்கும் கருவியான நூலகத்தை அமைப்பது வரவேற்கத்தக்கது. அதற்காக பென்னிகுவிக் வாழ்ந்த இல்லத்தை இடிப்பது முறையல்ல. பொதுப்பணித் துறை செயல் பொறியாளர் வசிப்பிடமாக உள்ள அந்த இல்லத்தை பென்னிகுவிக் நினைவு இல்லமாக அறிவிக்க வேண்டும்.

மதுரை பாண்டி கோயில் பகுதி உள்ளிட்ட பல இடங்களில் அரசுக்கு சொந்தமான நிலங்கள் அதிகமாக உள்ளன. அங்கு இப்போது திட்டமிடப்பட்டதை விட இன்னும் பிரம்மாண்டமாக நூலகம் அமைக்கலாம். அதற்காக நடவடிக்கைகளை அரசு எடுக்க வேண்டும்.
இவ்வாறு அவர் வலியுறுத்தி உள்ளார்.



Thanks for the source

Share on Social Media

Leave a Reply

Your email address will not be published. Required fields are marked *