Share on Social Media


ஹைலைட்ஸ்:

  • தமிழகத்தில் கடைபிடிக்கப்படும் தளர்வுகளற்ற முழு ஊரடங்கு.
  • ராஜு முருகனின் சகோதரர் கொரோனா காரணமாக உயிரிழப்பு.
  • குரு ராஜேந்திரன் மறைவிற்கு திரையுலகினர் இரங்கல்.

தமிழகத்தில் கொரோனா பரவலை தடுக்க நேற்று முதல் அடுத்த ஒரு வாரத்திற்கு தளர்வுகளற்ற ஊரடங்கை பிறப்பித்துள்ளது. தமிழகத்தில் அதிகரித்து வரும் கொரோனாவால் தமிழ் சினிமா பிரபலங்கள் பலரும் பாதிக்கப்பட்டு மீண்டு வருகின்றனர். இந்நிலையில் பிரபல இயக்குனர் ராஜுமுருகனின் சகோதரர் குரு ராஜேந்திரன் கொரோனா தொற்றால் மரணமடைந்துள்ளது, திரையுலகினர் மத்தியில் சோகத்தை ஏற்படுத்தியுள்ளது.

நாடு முழுவதும் கொரோனா இரண்டாவது அலை உச்சத்தில் உள்ளது. போதுமான மருத்துவ வசதிகள் இல்லாமல், ஆக்ஸிஜன் சிலிண்டர் கிடைக்காமல் மக்கள் அல்லாடி வருகின்றனர். கொரோனா இரண்டாவது அலையால் ஏற்படும் மரணங்களும் அதிகரித்து வருகிறது. திரையுலகை சேர்ந்த பிரபலங்கள் பலரும் இந்த கொரோனவால் பாதிக்கபட்டு மீண்டு வருகின்றனர்.

இந்நிலையில் பிரபல இயக்குநரான ராஜு முருகனின் சகோதரரும் நடிகருமான குரு ராஜேந்திரன் கொரோனா தொற்றால் மரணமடைந்துள்ளார். கண் பார்வையற்ற காதலர்களின் வாழ்க்கையை பிரதிபலிக்கும் குக்கூ திரைப்படம் மூலம் தமிழ் சினிமாவிற்கு அறிமுகமானவர் ராஜு முருகன். அதனை தொடர்ந்து ஜோக்கர் மற்றும் ஜிப்ஸி ஆகிய படங்களையும் இயக்கியுள்ளார். தோழா, மெஹந்தி சர்க்கஸ், வர்மா ஆகிய படங்களுக்கு வசனகர்த்தாவாகவும் பணியார்ரியுள்ளார் ராஜு முருகன்.
‘கைதி 2’ திரைப்படம் துவங்குமா?: தயாரிப்பாளர் எஸ்.ஆர்.பிரபு வெளியிட்ட பிரத்யேகமான தகவல்!
இவரது சகோதரரான குரு ராஜேந்திரன் பிரபல தனியார் தொலைக்காட்சிகளில் தொகுப்பாளராக பணியாற்றி வந்தார். இவர் ராம் இயக்கத்தில் வெளியான கற்றது தமிழ், மற்றும் தனது அண்ணனின் இயக்கத்தில் வெளியான ஜோக்கர் உள்ளிட்ட திரைப்படங்களில் சின்ன சின்ன கதாபாத்திரங்களில் நடித்துள்ளார்.

இந்நிலையில் கடந்த 15 நாட்களுக்கு முன்னர் கொரோனா தொற்றால் பாதிக்கப்பட்ட குரு ராஜேந்திரன் சென்னையில் உள்ள தனியார் மருத்துவமனையில் சிகிச்சைக்காக அனுமதிக்கப்பட்டார். அங்கு தீவிர சிகிச்சை பிரிவில் மருத்துவர்களின் கண்காணிப்பில் இருந்து வந்த குரு ராஜேந்திரன் நேற்றிரவு சிகிச்சை பலனின்றி காலமானார். அவரது மறைவிற்கு சமூக வலைத்தளங்களில் பலரும் தங்களின் இரங்கலை பதிவு செய்து வருகின்றனர்.



Source link

Share on Social Media

Leave a Reply

Your email address will not be published. Required fields are marked *