Share on Social Media


சன் பிக்சர்ஸ் தயாரிப்பில் ரஜினிகாந்த் நடிக்கும் ‘அண்ணாத்த‘ திரைப்படத்தை இயக்கி வருகிறார் சிறுத்தை சிவா. இந்த படத்தில் ரஜினிகாந்திற்கு ஜோடியாக நடிக்கிறார் நயன்தாரா. இவர்களுடன் குஷ்பு, மீனா, கீர்த்தி சுரேஷ், சூரி, சதீஷ், ஜகபதி பாபு உள்ளிட்டோர் நடித்து வருகின்றனர். வெற்றி ஒளிப்பதிவு செய்யும் இந்தப் படத்துக்கு டி.இமான் இசையமைக்கிறார். இந்நிலையில் ‘அண்ணாத்த’ திரைப்படத்தின் மாஸான அப்டேட்டை அறிவித்துள்ளது சன் பிக்சர்ஸ் நிறுவனம்.

அண்ணாத்த திரைப்படத்தை இந்த ஆண்டு பொங்கலுக்கு வெளியிட திட்டமிட்டிருந்தனர் படக்குழுவினர். ஆனால் கொரோனா அச்சம் காரணமாக திட்டமிட்டபடி படப்பிடிப்பு நடத்த இயலவில்லை. இந்நிலையில் தற்போது ஏற்பட்டுள்ள கொரோனா இரண்டாவது அலையின் தீவிரத்துக்கு முன்னதாகவே அண்ணாத்த திரைப்படத்தின் பெரும்பாலான காட்சிகளை எடுத்து முடித்துவிட்டது படக்குழு.

இன்னும் ஒருசில காட்சிகள் மட்டுமே படமாக்கப்பட வேண்டியுள்ளது. மருத்துவ பரிசோதனையை முடித்துவிட்டு அமெரிக்காவிலிருந்து ரஜினி இந்தியா திரும்பியவுடன் மீதமுள்ள காட்சிகளை முடிக்க திட்டமிட்டுள்ளது படக்குழு. மேலும் ’அண்ணாத்த’ படம் வரும் தீபாவளிக்கும் வெளியாகும் என்று ஏற்கனவே சன் பிக்சர்ஸ் நிறுவனம் அறிவித்திருந்தது. ஆனால் கொரோனா அச்சுறுத்தல் காரணமாக அண்ணாத்த திரைப்படம் தீபாவளிக்கு ரிலீஸ் ஆகுமா இல்லையா என்ற குழப்பத்தில் இருந்தனர் ரசிகர்கள்.

வாழ்கை எவ்வளவு அழகாக உள்ளது: வைரலாகும் அனுஷ்காவின் இன்ஸ்டாகிராம் பதிவு!
இந்நிலையில், அண்ணாத்த திரைப்படத்தின் ரிலீஸ் தேதியை படக்குழுவினர் அதிகாரப்பூர்வமாக தனது ட்விட்டர் பக்கத்தில் அறிவித்துள்ளது சன்பிக்ஸர்ஸ் நிறுவனம். அதாவது இந்த ஆண்டு தீபாவளியை முன்னிட்டு 4.11.2021 அன்று திரையரங்குகளில் வெளியாகும் என்றும், விரைவில் படத்தின் பர்ஸ்ட் லுக் வெளியாகும் என்றும் தெரிவித்துள்ளனர். இந்த செய்தியை கேட்டு உற்சாகம் அடைந்துள்ள ரஜினி ரசிகர்கள், சமூக வலைத்தளத்தில் இந்த செய்தியை டிரெண்ட் செய்து வருகின்றனர்.



Source link

Share on Social Media

Leave a Reply

Your email address will not be published. Required fields are marked *