Share on Social Media


ஹைலைட்ஸ்:

  • தடுப்பூசி போடும் பணிகள் விரைவு படுத்தப்பட்டுள்ளன
  • தடுப்பூசி போட்டுக் கொள்வது தொடர்பான பல்வேறு விழிப்புணர்வுகளும் மேற்கொள்ளப்பட்டு வருகின்றன
  • ஊழியர்கள் கொரோனா தடுப்பூசி செலுத்திக் கொண்டார்களா என்பதை உறுதி செய்ய வேண்டும்

உலகம் முழுவதும் கொரோனா இரண்டாவது அலை தீவிரமாக பரவி வருகிறது. இதனைக் கட்டுக்குள் கொண்டு வர அரசுகள் பல்வேறு நடவடிக்கைகளை எடுத்து வருகின்றன. கொரோனாவுக்கு தடுப்பூசி மட்டுமே தீர்வு என்ற நிலையில், தடுப்பூசி போடும் பணிகள் விரைவு படுத்தப்பட்டுள்ளன.

மேலும், தகுதி வாய்ந்த அனைவரும் கட்டாயம் தடுப்பூசி செலுத்திக் கொள்ள வேண்டும் என்று அறிவுறுத்தப்பட்டு வருகின்றன. தடுப்பூசி போட்டுக் கொள்வது தொடர்பான பல்வேறு விழிப்புணர்வுகளும் மேற்கொள்ளப்பட்டு வருகின்றன.

இந்த நிலையில், கொரோனா தடுப்பூசி செலுத்திக் கொள்ளாத ஊழியர்களின் சம்பளம் நிறுத்தி வைக்கப்படும் என்று அனைத்து பாகிஸ்தான் ரயில்வே துறை அறிவித்துள்ளது. இதுகுறித்து ரயில்வே பிரிவு தலைமையகத்திற்கும் அனுப்பப்பட்டுள்ள சுற்றறிக்கையில், “அனைத்து ஊழியர்களும் கொரோனா தடுப்பூசி செலுத்திக் கொண்டார்களா என்பதை உறுதி செய்ய வேண்டும். ஊழியர்கள் அனைவரும் வரும் ஆகஸ்ட் 31-ஆம் தேதிக்குள் தடுப்பூசி செலுத்திக் கொள்ள வேண்டும். தவறும் பட்சத்தில் சம்பந்தப்பட்ட ஊழியரின் சம்பளம் நிறுத்தி வைக்கப்படும்” என்று தெரிவிக்கப்பட்டுள்ளது.

வாவ்…! கொரோனா தடுப்பூசி போட்டால் ரூ.7,500 – அரசு சூப்பர் அறிவிப்பு!
பாகிஸ்தானில் சில நாட்களாக கொரோனா தொற்று பரவல் அதிகரிக்கத் தொடங்கியுள்ளது. ஆனாலும், சிலர் தடுப்பூசி போட தயக்கம் காட்டி வருவதாக தெரிகிறது. எனவே, தடுப்பூசி போடுவதை உறுதி செய்யும் பொருட்டு இத்தகைய அறிவிப்பு வெளியிடப்பட்டுள்ளது. பாகிஸ்தானில் ரயில்வே துறை மட்டுமல்லாமல் வேறு சில துறைகளும் இதேபோன்ற அறிவிப்பை வெளியிட்டுள்ளன என்பது குறிப்பிடத்தக்கது.



Source link

Share on Social Media

Leave a Reply

Your email address will not be published. Required fields are marked *