Share on Social Media


நடிகர், இயக்குனர், நடன இயக்குனர் என பன்முகத்திறமை கொண்டவர் ராகவா லாரன்ஸ். இவர் இயக்கிய காஞ்சனா படம், பயம் கலந்த நகைச்சுவை படமாக மாபெரும் வெற்றிப்படமாக அமைந்தது. இதில் ராகவா லாரன்ஸ், சரத்குமார், லக்ஷ்மி ராய், கோவை சரளா,தேவதர்ஷினி மற்றும் பலர் நடிததிருந்தனர். சில ஆண்டுகளுக்கு முன் வந்த ‘முனி’ திரைப்படத்தின் இரண்டாம் பாகமாக காஞ்சனா படம் வெளியாகி, படத்தின் 3 பாகங்களும் நல்ல வசூல் ஈட்டித் தந்தது.

பின்னர் ‘லட்சுமி’ இந்திப் படத்தைத் தொடர்ந்து, தமிழில் கவனம் செலுத்தி வருகிறார் லாரன்ஸ். அடுத்து இயக்கவுள்ள படத்துக்கான கதை விவாதம் நடைபெற்று வரும் சமயத்தில், நடிக்கவுள்ள படத்தின் பணிகளையும் லாரன்ஸ் கவனித்து வருகிறார். பி.வாசு இயக்கத்தில் உருவாகும் ‘சந்திரமுகி 2’ படத்திலும் நடிக்கிறார் ராகவா லாரன்ஸ்.

இவர் அடுத்ததாக நடிக்கும் படம் ‘ருத்ரன்’. நடிகரும், இயக்குனருமான ராகவா லாரன்ஸ் நடிக்கும், “ருத்ரன்” படத்தை பிரம்மாண்டமாக தயாரிக்க உள்ளார். இத்திரைப்படதை பைவ் ஸ்டார் கதிரேசன் தயாரிப்பதோடு மட்டுமல்லாமல், இதன்மூலம் இயக்குனராகவும் அறிமுகமாகிறார். இவர் இதற்க்கு முன்னதாக பொல்லாதவன்’, ‘ஆடுகளம்’, ‘ஜிகர்தண்டா’ போன்ற வெற்றி படங்களை தயாரித்துள்ளார்.

இந்த படத்தில் நடிகை ப்ரியா பவானி ஷங்கர் ராகவா லாரன்சுக்கு ஜோடியாக நடிக்க உள்ளார். ஜிவி பிரகாஷ் இப்படத்திற்கு இசையமைக்கிறார். கே.பி.திருமாறன் கதை, திரைக்கதை எழுத, ஒளிப்பதிவாளர் ஆர்.டி.ராஜசேகர் ஒளிப்பதிவை மேற்கொள்கிறார். மேலும் இந்த படத்தில், நாசர், பூர்ணிமா ஜெயராம் உள்ளிட்ட பல பிரபலங்கள் முக்கிய கதாபாத்திரத்தில் நடிக்க உள்ளனர்.

‘வலிமை’ அப்டேட் கொடுக்க சொல்லுங்க முருகா: அஜித் ரசிகர்கள் முருகனிடம் வேண்டுகோள்!

இந்த படத்தில் முதல் முறையாக நடிகை ப்ரியா பவானி ஷங்கர் ராகவா லாரன்சுக்கு ஜோடியாக நடிக்க உள்ளார். ப்ரியா பவானி ஷங்கர் இந்தியத் திரைப்பட நடிகையும் இந்திய தொலைக்காட்சி நிகழ்ச்சித் தொகுப்பாளரும் ஆவார். ‘கல்யாணம் முதல் காதல் வரை’ எனும் தொலைக்காட்சித் தொடரில் நடித்து பிரபலமாக அறியப்பட்டவர்.

அதன் பின் ரத்ன குமார் எனும் அறிமுக இயக்குநரால் இயக்கப்பட்ட ‘மேயாத மான்’ படத்தில், நடிகர் வைபவ்விற்கு ஜோடியாக நடித்தார். இந்தப் படத்தில், விவேக் பிரசன்னா, இந்துஜா இரவிச்சந்திரன், அருண் பிரசாத் மற்றும் அம்ருதா ஸ்ரீநிவாசன் ஆகியோர் நடித்திருந்தனர்.

இதையடுத்து நடிகர் கார்த்தியின் ‘கடைக்குட்டி சிங்கம்’ , படத்திலும் ‘மான்ஸ்டர்’ படத்திலும் நடித்துள்ளார். அதேபோல் இந்தியன் 2 படத்தில் முக்கிய கதாபாத்திரத்தில் நடிக்கும் ப்ரியா பவானி சங்கர், அதர்வாவின் ‘குருதி ஆட்டம்’, எஸ்.ஜே.சூர்யாவுடன் ‘பொம்மை’, ஹரிஷ் கல்யாணின் ஓ மணப்பெண்ணே, சிம்புவுடன் ‘பத்து தல’, போன்ற ஏராளமான படங்களில் நடிக்க உள்ளார் என்பது குறிப்பிடத்தக்கது.



Source link

Share on Social Media

Leave a Reply

Your email address will not be published. Required fields are marked *