Share on Social Media

நார்ச்சத்து மற்றும் பிற ஊட்டச் சத்துக்கள் நிறைந்த பூசணிக்காய் நமது எடை இழப்பில் பெரிதாக உதவுவதாக நிபுணர்கள் கூறுகின்றனர். பூசணிக்காய் ஒரு காய்கறி வகையாகும். இது பெரும்பாலும் கிராமப்புறங்களில் அவர்களது வீடுகளிலேயே விளைவிக்கப்படுகிறது. பூசணிக்காய் கொண்டு பொரியல், சூப் மற்றும் இனிப்பு வகைகளையும் செய்யலாம். இவ்வளவு ருசியான உணவுகளை தரும் இந்த பூசணிக்காய் எடை இழப்பில் நமக்கு உதவுகிறது என்று கூறினால் உங்களுக்கு ஆச்சரியமாக இருக்கும். ஆனால் அதுதான் உண்மை. அதற்காக பூசணி கொண்டு செய்யப்பட்ட லட்டு மற்றும் கிரீமி நிறைந்த உணவுகளை உண்ண வேண்டும் என்று நாங்கள் கூறவில்லை. நீங்கள் எடையை குறைக்க விரும்பினால் உங்கள் உணவில் பூசணி சூப் போன்றவற்றை அதிகம் பயன்படுத்தலாம்.

பூசணிக்காய்

இந்த பூசணிக்காயில் அதிக ஊட்டச்சத்துக்கள் நிரம்பியுள்ளதால் இது நமது உடலுக்கு ஆரோக்கியமானது. இதில் சோடியம் மற்றும் கொழுப்புகள் இல்லை. எனவேதான் இது எடை இழப்பிற்கு சிறந்த காய்கறியாக உள்ளது. மேலும் இது அதிக அளவில் பசியை ஏற்படுத்துவதில்லை. இதனால் இடைவேளை நேரங்களில் தேவையற்ற ஜங்க் உணவுகளுக்கு வேலை இல்லாமல் போகிறது. இந்த பூசணிக்காயை ஏன் உணவில் சேர்த்துக் கொள்ள வேண்டும் என்பதைப் பற்றிய தெளிவான விளக்கங்களைக் காண்போம். பூசணிக்காயில் இருந்து கிடைக்கும் ஆரோக்கிய நன்மைகள் பற்றி பார்க்கலாம்.

​குறைந்த கலோரி

samayam tamil Tamil News Spot

100 கிராம் பூசணிக்காயில் 26 கலோரிகள் மட்டுமே உள்ளதாக தரவுகள் குறிப்பிடுகின்றன. எனவே இதில் குறைந்த கலோரிகள் இருப்பதால் இதை நீங்கள் தாராளமாக உணவில் சேர்த்துக் கொள்ளலாம். எடை கூடுமோ என்ற கவலை இல்லாமல் உணவை உண்ண இந்த பூசணி காய் உதவுகிறது.

​நார்ச்சத்து

samayam tamil Tamil News Spot

பூசணிக்காயில் அதிக அளவில் நார்ச் சத்து நிரம்பியுள்ளது. 200 கிராம் பூசணிக்காயில் ஒரு கிராம் நார்ச்சத்து கிடைக்கிறது. நார்ச்சத்து நமது செரிமான ஆரோக்கியத்தில் முக்கிய பங்கு வகிக்கிறது. இது எடை இழப்புக்கு உதவுவதோடு மட்டுமல்லாமல், பசி ஏற்படுவதையும் தடுக்கிறது. இவ்வளவு நன்மை உள்ள பூசணிக்காயை நிச்சயம் உங்கள் காய்கறி கூடையில் சேர்த்துக் கொள்ளுங்கள்.

​சிறந்த உடற்பயிற்சிக்கு

samayam tamil Tamil News Spot

பூசணிக்காயில் பொட்டாசியம் அதிக அளவில் நிறைந்துள்ளது. உடற்பயிற்சிக்கு பிறகு ஏற்படும் தசை பிரச்சனைகளை சரிசெய்ய இது ஒரு சிறந்த உணவாக இருக்கிறது. 100 கிராம் பூசணிக்காயில் 340 மில்லி கிராம் பொட்டாசியம் சத்து நிறைந்துள்ளது. ஒரு வாழைப்பழத்தில் உள்ள பொட்டாசியம் அளவை விட இது அதிகமாகும்.

​நோய் எதிர்ப்பு சக்தி

samayam tamil Tamil News Spot

பூசணிக்காயில் வைட்டமின் சி மற்றும் பீட்டா கரோட்டின் நிரம்பி உள்ளதால், இவை நோய் எதிர்ப்பு சக்தியை அதிகரிக்க உதவுகிறது. இதனால் எடை இழப்பதில் நமது உடல் ஆரோக்கியமும் பாதுகாக்கப்படுகிறது. தற்போதுள்ள கொரோனா தொற்று காலத்தில் நோய் எதிர்ப்பு சக்தி என்பது இன்றியமையாததாக உள்ளது. எனவே தினமும் முடிந்த அளவு இந்த பூசணிக்காயை உணவில் சேர்த்துக் கொள்ள முயற்சி செய்யுங்கள்.

மன அழுத்தத்தை சரி செய்ய

samayam tamil Tamil News Spot

பூசணிக்காயில் உள்ள ட்ரிப்டோபான் என்ற அமினோ அமிலம், நமது மன அழுத்தத்தை குறைத்து ஆரோக்கியமாக இருக்க வழிவகுக்கிறது. உடல் எடை குறைக்கும் போது நமது மனநிலையை ஆரோக்கியமாக வைத்திருப்பது அவசியம் ஆகும்.

Thanks for the Source

Share on Social Media

Leave a Reply

Your email address will not be published. Required fields are marked *