Share on Social Media


நீரிழிவு என்பது பல்வேறு காரணங்களால் நமக்கு ஏற்படக்கூடிய ஆரோக்கிய பிரச்சனையாகும். உணவு மற்றும் வாழ்க்கை முறையானது இதற்கு முக்கிய காரணமாக உள்ளது. உடலில் இரத்த சர்க்கரை அளவு அதிகரிக்கும்போது அதனால் நீரிழிவு பிரச்சனைகள் ஏற்படுகின்றன.

நமது உணவில் உள்ள குளுக்கோஸானது உடல் செல்களின் ஆற்றலுக்காகப் பயன்படுத்தப்படுகிறது. ஆனால் உடலுக்குத் தேவையான அளவிற்கும் அதிகமாக குளுக்கோஸை உணவின் வழியாகப் பெறும்போது அது இரத்தத்தில் சேர்ந்து இரத்த சர்க்கரை அளவை அதிகரிக்கிறது.

​இந்தியாவில் நீரிழிவு நிலை

உலக அளவில் நீரிழிவு நோயானது அதிகரித்து வருகிறது, மேலும் நீரிழிவு அதிகரித்து வரும் நாடுகளில் இந்தியாவும் முக்கிய நாடாக உள்ளது. அதிகமாக நீரிழிவு நோயாளிகளைக் கொண்ட நாடுகளில் இந்தியா இரண்டாம் இடத்தில் உள்ளது.

அதே போல நீரிழிவு நோய் பற்றிய விழிப்புணர்வு அதிகம் இல்லாத நாடுகளிலும் இந்தியா முன்னிலையில் உள்ளது. இந்தியாவில் 43.9 மில்லியன் மக்கள் தங்களுக்கு நீரிழிவு பிரச்சினை இருப்பதை அறியாமலே இருப்பதாக ஆய்வுத் தகவல்கள் குறிப்பிடுகின்றன. இது இன்னும் ஆபத்தான விளைவுகளை ஏற்படுத்தக்கூடும்.

​நீரிழிவு நோயைக் கட்டுப்படுத்த புரத உணவுகள்

samayam tamil Tamil News Spot

ஊட்டச்சத்துகளில் புரதமானது நமது அன்றாட வாழ்க்கையில் முக்கிய பங்கு வகிக்கிறது. அதன் சில நன்மைகளைக் கீழே பார்ப்போம்.

இது நமது உடல் கட்டமைப்பு மற்றும் செயல்பாட்டிற்கு புரதச்சத்து உதவுகிறது.

உடலின் பாதுகாப்பு அமைப்புகள், ஆண்டிபாடிகள், என்சைம்கள் மற்றும் ஹார்மோன் ஆகியவற்றின் கட்டமைப்பை உருவாக்குவதற்கு இன்றியமையாததாகப் புரதங்கள் உள்ளன.

நம்மை சுறுசுறுப்பாக வைத்துக் கொள்ளவும், உடலை மீட்டெடுக்கவும் புரதம் உதவுகிறது.

protein rich food: கருப்பு கொண்டைக்கடலை சூப் சாப்பிட்டா இந்த பலனெல்லாம் கிடைக்கும்… செய்வது எப்படி? ரெசிபி உள்ளே…

​புரதமும் நீரிழிவும்

samayam tamil Tamil News Spot

அதிக புரத உட்கொள்ளலானது உடலில் சேரும் இரத்த குளுக்கோஸ் அளவை கட்டுப்படுத்த உதவுகிறது.

இது இரத்த குளுக்கோஸ் அளவை குறைப்பதோடு இன்சுலின் உற்பத்தியை அதிகரிக்கிறது. இன்சுலின் இரத்த குளுக்கோஸ் அளவை கட்டுப்படுத்த உதவும் ஹார்மோன் ஆகும்.

ஆய்வுகளின்படி புரதமானது உணவின் க்ளைசெமிக் குறியீட்டை குறைக்க உதவுகிறது எனக் கூறப்படுகிறது, இதனால் உணவிற்குப் பிறகு இரத்த குளுக்கோஸ் அதிகரிப்பதை இது தடுக்கிறது.

கார்போஹைட்ரேட் அல்லது மாவுச்சத்து அதிகமாக கொண்ட உணவுகளை நீங்கள் சாப்பிடும்போது உங்களது உடலில் இரத்த குளுக்கோஸ் அளவு அதிகரிக்கும். ஆனால் முதலில் புரத உணவுகளை உண்டுவிட்டு அதன் பிறகு மற்ற உணவுகளை சாப்பிடும்போது இரத்தத்தில் குளுக்கோஸ் அளவு உயராமல் கட்டுப்படுத்த முடியும்.

உதாரணமாக முதலில் மீன், கோழி, பருப்பு போன்ற உணவுகளை உண்டுவிட்டு அதன்பிறகு சாதம் அல்லது சப்பாத்தி சாப்பிட்டால் அப்போது உடலில் இரத்த குளுக்கோஸ் அளவு அதிகரிக்காது.

நீரிழிவு நோயால் பாதிக்கப்பட்டவர்களுக்கு உடலில் நோய் எதிர்ப்பு சக்தியை மேம்படுத்துவதில் புரதம் முக்கிய பங்கு வகிக்கிறது. புரதத்தின் மற்றொரு நன்மை என்னவென்றால் இது பசியைக் கட்டுப்படுத்துகிறது. இதனால் எடை இழப்பிற்கும் இது உதவுகிறது.

​ஒரு நாளைக்கு எவ்வளவு புரதம் உட்கொள்ளலாம்

samayam tamil Tamil News Spot

ஆரோக்கியமான ஒரு மனிதருக்கு புரதத்தின் தேவையானது எடையை பொறுத்து ஒரு கிலோவிற்கு 0.83 கிராம் என தேவைப்படுகிறது.

ஒரே இடத்தில் அமர்ந்து வேலை செய்யும் அல்லது மிதமான வேலைகளைச் செய்யும் ஒரு நபரின் உடல் எடை 60 கிலோவாக இருந்தால், அவருக்கு ஒரு நாளைக்கு சராசரியாக 50 முதல் 55 கிராம் அளவுக்குப் புரதம் தேவைப்படும். தீவிரமான, கடினமான வேலை அல்லது உடற்பயிற்சி செய்பவர்களுக்கு இன்னும் அதிகமாக புரதம் தேவைப்படும்.

​புரதம் அதிகமாக எடுத்துக் கொள்ள என்ன வழி?

samayam tamil Tamil News Spot

முட்டை, இறைச்சி, மீன், தயிர், மோர், பனீர், முளைக்கட்டிய தானியங்கள், பருப்பு, சோயா பீன் போன்ற புரதச்சத்து அதிகமாக உள்ள உணவுகளை சேர்த்துக்கொள்வதன் மூலம் புரத உட்கொள்ளலை நம்மால் அதிகரிக்க முடியும்.

சரியான அளவில் புரதத்தை எடுத்துக் கொள்ள நமது உணவில் நல்ல தரமான புரத உணவுகளை எடுத்துக் கொள்ள வேண்டும். பால் பொருட்கள், முட்டை, கோழி, மீன் மற்றும் சோயா ஆகியவை அதிகமாகப் புரதங்களை கொண்ட உணவுகள் ஆகும்.

சைவ உணவு உண்பவர்கள் பருப்பு வகைகளை அதிகமாக உணவுகளில் சேர்ப்பதன் மூலம் உடலுக்குத் தேவையான அளவில் புரதத்தைப் பெற முடியும். நல்ல தரமான புரதங்கள் மற்றும் அத்தியாவசிய அமினோ அமிலங்கள் ஆகியவை பருப்புகள் மற்றும் நட்ஸ்களில் உள்ளன.

எனவே மேலே குறிப்பிட்டுள்ள உணவு முறைகளை பின்பற்றுவதன் மூலம் நாம் புரத உட்கொள்ளலை அதிகரித்து அதன் வழியாக நீரிழிவைக் கட்டுப்படுத்த முடியும். ஆனால் ஏற்கனவே உடல் நலக் குறைபாடுகள் உள்ளவர்கள், உணவுப் பழக்கத்தை மாற்றுவதற்கு முன்பு மருத்துவரிடம் ஆலோசனை பெறவும்.



Source link

Share on Social Media

Leave a Reply

Your email address will not be published.