Share on Social Media


ஹைலைட்ஸ்:

  • முகத்துக்கு மட்டும் 1.5 கோடி ரூபாய்
  • இப்படியொரு நூதன சலுகையா!

வெறும் முகத்தை மட்டும் காட்டுவதற்கு 1.5 கோடி ரூபாய் கிடைக்கும் என்று சொன்னால் யார்தான் நம்புவார்கள். ஆனால், உண்மையிலேயே உங்கள் முகத்துக்கு மட்டும் 1.5 கோடி ரூபாய் வழங்குகிறது ஒரு நிறுவனம்.

அமெரிக்காவில் நியூ யார்க் நகரை தலைமையிடமாகக் கொண்டு இயங்கி வருகிறது புரோமோபாட் (Promobot) நிறுவனம். இந்த நிறுவனம் ரோபோ உற்பத்தி தொழில் செய்து வருகிறது. தற்போது புதிய வகை ரோபோக்களை வடிவமைக்க புரோமோபாட் திட்டமிட்டுள்ளது.

அதாவது, நட்பாக தோன்றும் மனித முகங்களை கொண்ட ரோபோக்களை வடிவமைக்க புரோமோபாட் தீவிர முயற்சியில் ஈடுபட்டுள்ளது. கணினி மூலம் முகங்களை வடிவமைப்பதற்கு பதிலாக, நிஜ மனிதர்களின் முகங்களை பயன்படுத்த புரோமோபாட் திட்டமிட்டுள்ளது.

இந்தியர்களின் திறமை.. எலான் மஸ்க்.. “ஆஹா ஓஹோ” பாராட்டு!
இதன்படி, தங்கள் முகத்துக்கான உரிமைகளை வழங்கும் நபர்களுக்கு 2 லட்சம் டாலர் (இந்திய மதிப்பில் 1.50 கோடி ரூபாய்) வழங்கப்படும் என புரோமோபாட் நிறுவனம் தெரிவித்துள்ளது. நிறம், பாலினம் என எந்த வேறுபாடுகளும் இல்லாமல் முகங்கள் தேர்வு செய்யப்படுகின்றன.

குறைந்தபட்சம் 25 வயதை தொட்டவராக இருக்க வேண்டும். நட்பான, அன்பான தோற்றமளிக்கும் முகம் வேண்டும். இந்த அம்சங்கள் இருந்தால் யார் வேண்டுமானாலும் விண்ணப்பிக்கலாம். உங்கள் முகம் தேர்வு செய்யப்பட்டால் நீங்களும் 1.50 கோடி ரூபாயை தட்டிச் செல்லலாம்.



Source link

Share on Social Media

Leave a Reply

Your email address will not be published. Required fields are marked *