Share on Social Media


ஹைலைட்ஸ்:

  • பொதுக் காப்பீட்டு நிறுவனங்களை தனியார்மயமாக்க மத்திய அரசு முடிவு
  • எல்.ஐ.சியின் 100 சதவீத பங்குகளும் தனியாருக்கு விற்பனையாக வாய்ப்பு
  • உரிய ஆதரவு இல்லாமல் நடவடிக்கை எடுக்க மத்திய அரசுக்கு உரிமையில்லை

தமிழக வாழ்வுரிமை கட்சி தலைவர் வேல்முருகன் வெளியிட்டுள்ள அறிக்கையில், பொதுத்துறையில் இயங்கி வரும் நான்கு பொதுக் காப்பீட்டு நிறுவனங்களை தனியார்மயமாக்க மத்திய அரசு முடிவெடுத்துள்ளது. இதற்காக பொதுக் காப்பீட்டு வர்த்தகம் திருத்தச் சட்ட முன்முடிவை எதிர்க்கட்சிகளின் எதிர்ப்பையும் மீறியும், விவாதமின்றியும் நிறைவேற்ற உள்ளது. இந்த மசோதா என்பது பொதுத்துறை காப்பீட்டு நிறுவனங்களில் 51 சதவீத பங்குகளை மத்திய அரசு கண்டிப்பாக வைத்திருக்க வேண்டும் என்ற விதியை ரத்து செய்கிறது. இதன் மூலம் 100 விழுக்காடு பங்குகளை தனியாருக்கு விற்பனை செய்வதற்கும் வழிவகுக்கிறது.

நாடாளுமன்றத்தில் சட்டத் திருத்தம்

இந்த நிதியாண்டில் எல்.ஐ.சியின் பங்குகளை விற்று நிதி திரட்டப்படும் என நிர்மலா சீதாராமன் தெரிவித்ததன் படி, இந்த சட்டத் திருத்தம் கொண்டு வரப்பட்டுள்ளது. நாட்டு மக்களின் சேவைக்காக 1956-ம் ஆண்டு, 19.5 கோடி ரூபாய் முதலீட்டில் மத்திய அரசு தொடங்கிய பொது காப்பீட்டு நிறுவனம் தற்போது 2 லட்சம் கோடி ரூபாய் சொத்துக்களை கொண்டுள்ளது. இந்த நிறுவனம் அரசின் பல்வேறு திட்டங்களுக்கு நிதி முதலீடு செய்து வருகிறது.
தமிழகத்தில் மட்டும் 111 ரயில் நிலையங்கள்; மத்திய அரசு முக்கியத் தகவல்!
எல்.ஐ.சிக்கு ஆபத்து

இந்த நிறுவனத்தின் வருவாயில் 5 விழுக்காடு அரசுக்கு தரப்படுகிறது. மீதம் 95 விழுக்காடு பாலிசிதாரர்களுக்கே வழங்கப்படுகிறது. இப்படி நாட்டின் இரண்டாவது முக்கிய நிதி நிறுவனமாக விளங்குகிறது எல்.ஐ.சி. நாட்டின் ஒட்டுமொத்த அரசின் நிதி தேவையை ஒப்பீட்டளவில் பூர்த்தி செய்து வரும் செல்வ வளம் நிறைந்த எல்.ஐ.சி நிறுவனத்தை தனியாருக்கு தாரை வார்க்கும் மத்திய அரசின் செயல் வன்மையாக கண்டிக்கதக்கது.

புதிய மீன் வள மசோதா 2021-வை திரும்ப பெற கோரி கண்டன ஆர்ப்பாட்டம் !

அரசு உத்தரவாதம் கிடைக்காது

மத்திய அரசின் இத்தகைய மோசமான பொருளாதார நடவடிக்கையால், ஆண்டுதோறும் எல்.ஐ.சி வழங்கி வரும் பல்லாயிரம் கோடி வருவாயை இழக்கக்கூடிய நிலை ஏற்படும். ஊழியர்களின் வேலை மற்றும் இடஒதுக்கீடு பறிபோகும். பொதுமக்கள் எல்.ஐ.சி-யில் கட்டியிருக்கும் காப்புத் தொகைக்கு எந்த ஒரு அரசு உத்தரவாதமும் கிடையாது.
tamil samayam Tamil News Spotமீண்டும் கடைகள் அடைப்பா? விக்கிரமராஜா முன்வைத்த பலமான கோரிக்கை!
எனவே பொதுக் காப்பீட்டு நிறுவனங்களை தனியார் மயமாக்கும் ஒன்றிய அரசை தமிழக வாழ்வுரிமைக் கட்சியின் சார்பில் வன்மையாக கண்டிக்கிறேன். நாட்டு மக்கள் மற்றும் எல்.ஐ.சி பணியாளர்களின் ஒத்துழைப்பு இல்லாமல் எல்.ஐ.சி-யை தனியார்மயமாக்க மத்திய அரசுக்கு எந்த உரிமையும் கிடையாது என்பதையும் தமிழக வாழ்வுரிமைக் கட்சியின் சார்பில் சுட்டிக்காட்ட விரும்புவதாக தெரிவிக்கப்பட்டுள்ளது.



Thanks for the source

Share on Social Media

Leave a Reply

Your email address will not be published. Required fields are marked *