1604336683 pic Tamil News Spot
Share on Social Media

உலகை அச்சுறுத்தி வரும் கொரோனா வைரஸுக்கு அரசியல் அதிகாரம், பணம், புகழ் என எதுவும் தெரியாது. இதன் காரணமாக உலக தலைவர்கள் முதல் உள்ளூர் பெட்டிக்கடைக்காரர் வரை கொரோனாவால் பாதிக்கப்பட்டு சிகிச்சை பெற்று வருகின்றனர். அந்த வகையில், பிரிட்டன் பிரதமர் போரிஸ் ஜான்சனுக்கு (55) கொரோனா தொற்று உறுதி செய்யப்பட்டு குணமடைந்து வீடு திரும்பினார்.

அதேபோல், கொரோனா தொற்றானது இங்கிலாந்து அரச குடும்பத்தினரையும் விட்டு வைக்கவில்லை. எலிசபெத்தின் மூத்த மகன் மற்றும் இங்கிலாந்து இளவரசரான சார்லஸ் கடந்த மார்ச் மாதம் கொரோனாவால் பாதிக்கப்பட்டார். அதிலிருந்து மீண்ட அவர், தனக்கு உடல்நிலை சரியில்லாமல் இருந்தபோது சுவை மற்றும் வாசனையை இழந்ததாக குறிப்பிட்டுள்ளார்.

இதேபோன்று பக்கிங்ஹாம் அரண்மனையில் சிலருக்கு கொரோனா பாதிப்பு ஏற்பட்டதால், ராணி எலிசபெத் வேறு இடத்துக்கு மாற்றப்பட்டு தனிமைப்படுத்தப்பட்டார். இந்த நிலையில், இளவரசர் சார்லசுக்கு கொரோனா தொற்று ஏற்பட்ட போதே அவரது மகன் இளவரசர் வில்லியமிற்கும் கொரோனா பாதிப்பு ஏற்பட்டதாக பிபிசி செய்தி வெளியிட்டுள்ளது. அடையாளம் தெரியாத அரண்மனை ஆதாரங்களை மேற்கோள் காட்டி அந்த செய்தி வெளியிடப்பட்டுள்ளது.

இரத்தம் உறைந்து மரடைப்பு ஏற்படும்: கொரோனா புதிய தகவலால் பீதி!

மேலும், வில்லியம் தனது தொலைபேசி மற்றும் வீடியோ ஈடுபாடுகளில் கூட தனக்கு கொரோனா பாதிப்பு ஏற்பட்டதை வெளிப்படுத்தாமல் வைத்திருந்தார், ஏனெனில் அவர் யாரையும் கவலைப்பட விரும்பவில்லை என்று சன் செய்திதாள் செய்தி வெளியிட்டுள்ளது.

கென்னிங்ஸ்டன் அரண்மனை இதுகுறித்து தகவலுக்கு பதிலளிக்க மறுத்து விட்டது. அதேசமயம், வில்லியமிற்கு கொரோனா ஏற்பட்டதை மறுக்கவும் இல்லை. அத்துடன், அரண்மனை மருத்துவர்களால் வில்லியமிற்கு சிகிச்சை அளிக்கப்பட்டதாகவும், அரசு விதிமுறைகளை பின்பற்றி அன்மெர் ஹால் வீட்டில் அவர் தன்னை தானே தனிமைப்படுத்திக் கொண்டதாகவும் தெரிவிக்கப்பட்டுள்ளது. இதனிடையே, அக்டோபர் மாத நடுப்பகுதியில் தனது பாட்டியும் ராணியுமான எலிசபெத்துடன் இணைந்து பொது நிகழ்ச்சி ஒன்றில் வில்லியம் கலந்து கொண்டார் என்பது கவனிக்கத்தக்கது.

இந்த நிலையில், இங்கிலாந்தில் கொரோனாவின் தாக்கம் அதிகரித்து வருவதால் வருகிற 5ஆம் தேதி முதல் மீண்டும் ஊரடங்கு அமல்படுத்தப்படுவதாக பிரதமர் போரிஸ் ஜான்ஸன் அறிவித்துள்ளார் என்பது குறிப்பிடத்தக்கது.

Thanks for the Source

Share on Social Media

Leave a Reply

Your email address will not be published. Required fields are marked *